Jungmin's Diary
|Unicode Version|
နွေးထွေးကြည်လင်သည့် နေရောင်ခြည်ဖျဖျက အိမ်ကလေးထဲသို့ မှန်ပြင်မှတဆင့် ထိုးဖောက်ကာ တလက်လက်တောက်ပစွာ ကျဆင်းလို့နေသည်။
မနက်ခင်းရဲ့ တိတ်ဆိတ်နေမှုကို ဖြိုခွင်းလိုက်သည်မှာ Jeon Jungminရဲ့ အော်ငိုသံအကျယ်ကြီးပင် ဖြစ်တော့သည်။ နားထဲ စူးခနဲ တိုးဝင်လာသည့် ငိုသံကြောင့် Jungkookရဲ့ မျက်လုံးတွေ ဆတ်ခနဲပွင့်လာကာ အိပ်ရာပေါ် အော်တိုပင် ငုတ်တုတ်ထထိုင်လိုက်မိသွားသည်။
ပြီးသည်နှင့် ကုတင်ပေါ်မှ ဒရောသောပါးပြေးဆင်းကာ Jungminရဲ့ အိပ်ရာဖြစ်သည့် ပုခက်လေးဆီကို ရောက်သွားခဲ့သည်။ သူ့နည်းတူစွာပင် ငိုသံကြောင့် နိုးသွားပုံရသည့် Jiminသည်လည်း ရှေ့နောက်ဆိုသလို Jungminရဲ့ အနားကို ရောက်လာသည်။
"သား ဘာဖြစ်တာလဲ"
နှစ်ယောက်သား ခေါင်းချင်းဆိုင်ကာ သားရဲ့ ပုခက်လေးထဲကို ငုံ့ကြည့်လိုက်မိကြသည်။ Jungminက ၎င်း၏ လက်သေးသေးလေးတစ်ဖက်ကို ပါးစပ်ထဲ ထိုးထည့်ထားရင်းက သူတို့နှစ်ဦးကို မော့ကြည့်ကာ ငိုနေတာပါ ရပ်သွားသည်။
"လူဆိုးလေးပဲ မင်းက"
Jiminသည် မနက်တိုင်းဆိုသလို သူတို့အတွက် နှိုးစက်ကလေးလို ဖြစ်နေသည့် Jungminအား ပုခက်ထဲမှ ထုတ်ကာ ပွေ့ချီလိုက်တော့ သကောင့်သား Jeonပေါက်စက သဘောတွေခွေ့ကာ အပြည့်မပေါက်သေးသည့် သွားတွေပါပေါ်သည်အထိ တခစ်ခစ်ရယ်မောကာ ပြုံးလို့ရွှင်လို့။
"Jungkook မနက်စာ ပြင်ထားလိုက်တော့"
"ဟုတ်ပြီ"
Jiminက သားကို မျက်နှာသစ်ပေးကာ၊ တစ်ကိုယ်ရည်သန့်ရှင်းရေး ပြုလုပ်ပေးနေချိန်တွင် Alpha Jungkookသည်ကား မီးဖိုချောင်ထဲတွင် သားဖြစ်သူနဲ့ Omegaဖြစ်သူအတွက် ကြိုးစားပန်းစားပင် မနက်စာ ပြင်ဆင်လို့နေလေသည်။
"မနက်စာ ရပြီလားဗျို့"
Omegaရဲ့ လက်ပေါ် ပါလာသည့် သားတော်မောင် တစ်တုတ်တုတ်လေးဟာ စားပွဲပေါ်မှာ ရှိနေသည့် စားစရာများကို အရှေ့သို့ ခေါင်းတိုးကာပင် ကြည့်လို့နေတာမို့ ဗိုက်ဆာနေပြီမှန်း သိသာစေလှသည်။
CZYTASZ
❝𝐎𝐍𝐄 𝐆𝐋𝐀𝐒𝐒 𝐎𝐅 𝐂𝐇𝐄𝐀𝐏 𝐂𝐇𝐀𝐌𝐏𝐀𝐆𝐍𝐄❞
Fanfictionထိုနေ့ညက ရှန်ပိန်တစ်ခွက်ကိုသာ သူ မသောက်ခဲ့ရင်။ (Chronicle of Angels-Season 2)
