Part 11 (Unicode)
''ဖွား ပြန်လာပြီလား သားအမောပြေ ရေခပ်ပေးမယ်´´
''အင်း လိမ်မာလိုက်တဲ့ဖွားမြေးလေး´´
''မြေးလေး နောက်နေ့ကစပြီး မြေးကိုအပြင်ထွက်ခွင့်ပေးမယ် အပြင်လောကကိုလေ့လာပါ ဒါပေမယ့် ဝမ်နင်တို့ကိုတော့ခေါ်သွားရမယ် မြေးလေ့လာသင့်သလောက်လေ့လာပြီးရင် ကုမ္မဏီကိုမြေးဆီလွှဲပေးတော့မယ် အဖွားအနားယူတော့မယ် အသက်လဲရလာပြီမို့´´
''ဖွားကလဲ အသက်သိပ်မကြီးသေးပါဘူး အလုပ်ကိုနားချင်ရင်တော့နားပါ သားကြိုးစားပေးပါ့မယ် ဖွားလောက်မတော်ပေမယ့် ဖွားခြေရာနင်းနိုင်အောင် သား အကောင်းဆုံးကြိုးစားမှာပါ ´´
''အင်းပါ ဖွားက ဖွားမြေးကိုယုံပြီသားပါ ဖွားထက်တောင် ထက်မြက်မယ့်ကလေးဆိုတာကို ´´
''ဟုတ်ကဲ့ဖွားဟစိတ်မပျက်စေရပါဘူး´´
''ကောင်းပါပြီကွယ် ဖွားပင်ပန်းလာလို့အနားယူတော့မယ်´´
''ဟုတ်ကဲ့ ဖွား ကောင်းကောင်းနားပါ´´
ဖွား အပေါ်ထပ်တက်သွားမှ ဖွားကို ကောကော ဆီလိုက်ပို့ဖို့ပြောဖို့ရာ သတိရတယ် ဖွားက ကုမ္မဏီလွှဲပေးဖို့ပြောနေတာ နဲ့ မေ့သွားခြင်းပင် ကောကောနဲ့နေခဲ့တဲ့ရက်တွေမှာလူတွေရဲ့ နေ့စဥ် လှုပ်ရှားမှုတွေ တချို့ကောင်းသောဖြစ်ပျက်ခြင်း နှင့် ဆိုးသော ဖြစ်ပျက်ခြင်း တွေကိုကြုံတွေ့ဖူးပြီးပြီဖြစ်သည် ထိုအချိန်မျိုးဆို ကောကော ကဘေးကနေ ဘာလုပ်ရင်ဘာဖြစ်မယ် ကောင်းတာလုပ်ခြင်းနဲ့ဆိုးတာလုပ်ခြင်းတွေရဲ့အကျိုးသက်ရောက်မှုတွေကို အသေးစိတ်ရှင်းပြပေးသည် တချို့ လမ်းမှာရန်ပွဲတွေ တွေ့လျှင် ရင်ခွင်ထဲ ပွေ့ဖက်ပြီးနောက်ဆိုဝေးဝေးကရှောင်ဖို့ကိုလဲ သတိပေးတတ်သည် ကောကော က ဝမ်လေးကို အဲ့လိုဂရုစိုက်ပြီဆို ရင်ထဲမှာ ဘယ်လိုမှန်းမသိ ကြည်နူးပြီးပျော်တာတော့အမှန်ပင်ဖြစ်သည် ထိုသို့ခံစားချက်ကိုသူအမည်မဖော်တတ်ပေ
''မြေးရေ ထတော့လေ မနက်စာစားရအောင် ပြီးရင် ကုမ္မဏီသွားရဦးမှာမလား´´
''ဟုတ်ကဲ့ ဖွား နိုးလို့ သားအဆင့်သင့်ဖြစ်နေပြီ´´
''အေးအေး ကောင်းပြီ´´