Unicode
******
"မေမေ ခဏ နားလိုက်ပါ ၊အိမ်ပြန်ချင်ပြန်လိုက်မလား အောက်မှာ ဦးစိန်သောင်း ရောက်နေပြီပဲ "
"မေမေက ရပါတယ် သားရယ်၊တိမ်သာ ကျောင်းနောက်ကျနေပြီ၊သွားလိုက်လေ သား...ဒီရောက်ပြီဆိုမှတော့အရမ်းစိတ်မပူရတော့ဘူး ထင်ပါရဲ့ "
ဒေါ်ခင်မင်းသွယ် က ညိူးငယ်နေဟန်ဖြင့် ယခုအချိန်ထိစိတ်လှုပ်ရှားမှုကဖိစီးကာ လူက ခွေယိုင်နေဆဲ။ဒါပေမယ့် အတန်းဖျက်ကာ လိုက်ပို့ရသည့် သားဖြစ်သူကိုသာ စိတ်မချနိုင်စွာပဲပြန်လွှတ်သည်။
"အင်း...ဒါဆို ကျနော် ကျောင်းခဏ သွားလိုက်မယ် မေမေ၊ဒီအတိုင်းဆို ဒီကလေးကို ညပိုင်းစောင့်အိပ်ဖို့ တခုခုစီစဉ်မှရမယ်ထင်တယ်။မေမေကတော့ အိမ်ပြန်အိပ်မှပဲဖြစ်မယ်။ဒေါ်စိန်ကို ဖုန်းဆက်ပြီး ဒီည အိမ်မပြန်ပဲ စောင့်အိပ်ဖို့ပြောထားဦးနော် မေမေ "
တိမ်မင်းက လက်ကနာရီကို ကြည့်ရင်း ယခုအချိန်ထိ စိတ်နဲ့လူမကပ်သော မိခင်ကို စိတ်မချနိုင်စွာ စီမံရလေသည်။မသွားခင်ဆေးရုံကုတင်ပေါ်မှာ ပိုက်တွေနဲ့ ရှုပ်ယှက်ခတ်နေတဲ့ ကောင်လေးရဲ့ မျက်နှာလေးကို တချက်လှမ်းကြည့်မိသည်။
ဒီမနက်ပိုင်း ဆေးရုံရောက်ပြီးမှ သုံးကြိမ်ခန့် အန်သည်။ဒီလိုအခြေအနေဖြင့် ရုတ်တရက်ကြုံရတဲ့အခိုက်မှာ တိမ်မင်း မသိစိတ်က ကိုယ့်ကိုကိုယ်သာ အပြစ်တင်မိရသည်။ကိုယ့်မျက်စိရှေ့အောက်မှာ စာသင်နေရင်းဖျားနေတာကို မသိလိုက်တဲ့အထိဆိုတော့...။
တကယ်ဆို သူနည်းနည်း ကြို သတိထားမိလိုက်ဖို့ကောင်းသည်။အခန့်မသင့်လျင်သေသွားနိုင်သည်အထိ ဖြစ်နေသောဝေဒနာကို တချက်မှ မညည်းညူပဲတောင့်ခံနေခဲ့သောထိုကောင်လေးကိုလည်း တော်တော် စိတ်ပေါက်မိသည်။
ဒီလိုတွေးနေရင်းမှာပဲ ကိုယ့်ကိုကိုယ် သတိထားမိပြီး တိမ်မင်း စိတ်အလိုမကျ ဖြစ်ရပြန်၏။
တိမ်မင်းတို့ကတခြားတယောက်အပေါ်မှာကိုယ့်လုပ်ရပ်ကိုယ် အပြစ်မကင်းတဲ့ ခံစားမှုမျိူးကို ဘယ်တုန်းက တွေးတတ်သွားတာတဲ့လဲ...အဟက်!
YOU ARE READING
တိမ်ယံငွေခြည် မှိုင်းပြာရီ
RomanceZawgyi/Unicode ဘဝမွာ ေနလာရင္း မုန္းမိတဲ့သူကိုေရာ ခ်စ္သြားႏိုင္လား (တိမ္မင္း) လူတေယာက္ ကိုသာ ေမ်ွာ္ေငးေနျခင္းကို ႐ွင္သန္မႈအျဖစ္ မွတ္ယူႏိုင္ခဲ့ဘူးသလား မိႈင္းသိတဲ့ အခ်စ္က အဲဒါပဲ အခ်စ္က ေမ်ွာ္လင့္ျခင္းနဲ႔ အလားသ႑ာန္တူတယ္ (မိႈင္းျပာမွုန္ေဝ) ****** ဘဝမ...
