ေနာက္ဆံုးေသာ ရိုမီယို (နောက်ဆုံးသော ရိုမီယို)

ခေတ်သစ် ရိုမီယို (အထူးပိုင်း)

(Uni)
အထင်မလွဲလိုက်ပါနဲ့ ချစ်ရသူ. . . ။
ရင်ဘက်ထဲ ခဏတာ ဝင်လို့ရမယ်ဆိုရင်. . . ။
စာနာတတ်သူ မင်းအတွက် နားလည်နိုင်မှာပါ. . . ။
အတုယောင်သစ္စာတွေမှာ မလိုအပ်ခဲ့ပေမယ့်. . . ။
စစ်မှန်တဲ့ မေတ္တာမှာတော့ သဝန်တိုခြင်းဆိုတာ မရှိမဖြစ် အရာတစ်ခုလေ. . .။
ဒါကြောင့်. . .။
မင်းရဲ့ ပထမဆုံး မဖြစ်နိုင်ခဲ့ရင်တောင် . . .။
နောက်ဆုံး အချစ်နဲ့ အချစ်ဆုံးတော့ ငါ့ကို ဖြစ်ခွင့်ပေးပါ ချစ်ရသူ. . .။

*************************************************************************

ကောင်းကင်ကြီးတစ်ခုလုံး မိုးတိမ်များနှင့် အုံးမှိုင်းနေပေမယ့် ကျွန်တော့်အရှေ့က မြင်ကွင်းကတော့ မှိုင်းအုံ့အုံ့တိမ်လွှာကြားမှာ သဘာဝကျကျ လှပနေခဲ့သည်။ ချန်ယော် မှတ်စုစာအုပ်ရှိ စာရင်း၏ ၁၆ ခုမြောက် နေရာဖြစ်သည့် Great Wall မဟာတံတိုင်းကြီးသည် စက်တင်ဘာလ၏ မိုးရိပ်များအကြား ခန်းနားထည်ဝါလျှက် ရှိနေလေသည်။ လွန်ခဲ့သည့် ၂ပါတ်ခန့်က ပါရီမြို့တွင် သူ့အား ကျွန်တော် တွေ့စဉ်မှ စ၍ ပြင်သစ်နိုင်ငံအနှံ ခရီးစဉ်တွင် သူနှင့်အတူ ကျွန်တော်ပါ လိုက်ပါလာခဲ့သည်။ သူကတော့ ဆိုးလ်ကို အရင်ပြန်နှင့်ရန်ပြောသောလည်း ကျွန်တော့် ယခုတစ်ကြိမ်တွင်လည်း သူ့စကားအား နားမထောင်ခဲ့ချေ။ အလုပ်တွေကို ပစ်ထားခဲ့သည်ဆိုရင်တောင် ကျွန်တော် သူ့အိမ်မက်တွေကို အတူတူ ဖန်တီးပေးချင်သည်။ ကျွန်တော် သူ့ အတွေးတွေအား အတူတူ ဆေးခြယ်ချင်သည်။ ထို့ကြောင့် သူနှင့်အတူတူ ခရီးထွက်ရန် ဆုံးဖြတ်ထားမိသည်။
(ဘယ်အကြောင်းအရာကိုမှ မတွေးတောပဲ တစ်ခါလောက် ငါတို့နှစ်ယောက်အတူတူ လွတ်လွတ်လပ်လပ် နေကြည့်ရအောင်လား။ အရာအားလုံးကို ငါတို့ မေ့နိုင်ပြီလား။ အရာအားလုံးကို ငါတို့ လက်ခံနိုင်ပြီလား။ ပြီးတော့ အရာအားလုံးကို ငါတို့ စွန့်လွှတ်နိုင်ပြီလားဆိုတာ သိမြင်လာအောင် ။ ခဏလောက် အတူတူ ရှိနေရအောင်လား။)

ကျွန်တော့် အိမ်မပြန်ရန် သူလည်း ခရီးမထွက်တော့ဘူးလို့ ပြောလာသည့် သူက ကျွန်တော့် ၏ ထိုစကားမှာ တွေဝေကာ စဉ်းစားပြီး လက်ခံခဲ့သည်။ အချိန်တွေ အများကြီး ကျွန်တော်တို့ ဖြုန်းတီးမိခဲ့ပြီးပြီပဲ ။ နာကျင်ခြင်းကို ဝေးကွာခြင်းအဖြစ် နောက်ထပ် ကျွန်တော် မဖန်တီးချင်တော့။ အစဉ်အမြဲ ကျွန်တော့်အား နားလည်ပေးခဲ့သူ ချန်ယော်အား နာကျင်စေခဲ့သူမှာ ကျွန်တော် ကိုယ်တိုင်မဖြစ်စေချင်တော့။