၂၆လမ်းအနောက် ကမ်းနားလမ်းမှာ မင်ကွန်းကိုသွားဖို့ရာ နှစ်ယောက်သား သင်္ဘောစောင့်နေရတာဖြစ်သည်။ အမှတ်တရဖြစ်အောင် ကုန်းလမ်းထက် ရေလမ်းကို ရထာရွေးလိုက်တာဖြစ်သည်။ ရထာ့စိတ်ကိုသာ ရှေ့တန်းတင်သောsongကမူ တစ်ခွန်းမှ ငြင်းမလာပါ။ ယနေ့ မိုးလေးအုံ့နေကာ ရာသီဥတုကခပ်အေးအေးဖြစ်နေ၏။ မိုးများရွာလာလေမလားလို့တွေးမိ၍ ထီးအပိုယူလာရသည်။ ရေတိုးသောမြစ်ရေပြင်က ပုံမှန်ထက် လှုပ်ရှားရိုက်ခိုက်နေသည်။ သင်္ဘောစောင့်ခိုက်မှာပင် သောင်ပြင်မှာ နှစ်ယောက်အတူ ဖိနပ်ခုထိုင်၍ သောင်ပြင်ကို အရှိန်ဖြင့်လာရိုက်သည့် ဧရာဝတီမြစ်ရေအား ခြေမျက်စိထိစိုစေမိသည်။
"ကိုယ်တို့မှာလည်း သိမ်းမြစ်ရေကို ထိနိုင်တဲ့စားသောက်ဆိုင်ငယ်လေးတွေတို့ ၊ ကမ်းခြေတို့ရှိတယ် အဲ့မှာဆို ကောက်စရစ်ခဲတွေကော သဲသောင်တွေကော လှလို့ပဲ၊ ဒီဧရာဝတီမြစ်ရေကြီးထက်မှာ မင်းနှင့်အတူရှိသလို၊ကိုယ်လည်းကိုယ့်မြေမှာ အတူရှိချင်လိုက်တာ"
"မင်းကလည်းကွာ ငါ့ကိုဝမ်းနည်းအောင်"
songလက်ဖဝါးအား ရထာအသာဆုပ်ထွေးမိသည်။သူ့ဆန္ဒကဘာဆိုတာသိပေမယ့်လည်း မလိုက်လျောနိုင်တာတော့ ရထာစိတ်မကောင်းပါ။ ဘယ်အချိန်မှ ဒီလက်ဖဝါးအား တစ်ဖန်ထွေးပွေ့နိင်မလဲဆိုတာ မသေချာပါ။
ဆုပ်ထွေးထားသည့် ရထာ့လက်ဖမိုးအား songက အသာယူနမ်းရှိုက်သည်။
"ဒီနေ့က အရင်ခရီးတွေထက်ပိုပေါ့ပါးလိုက်တာ"
"ဘာလို့လဲ ရထာ"
"မင်းကိုရှင်းပြစရာမလိုဘူးလေ အရင်ကဆို အာပေါက်မတတ်အကုန်ပြောပြနေရတာ"
"အယ် ခရီးစဉ်ထဲ ပါမှတော့ရှင်းပြပေးလေကွာ ကိုယ်ကအကုန်သိချင်တာ"
"မင်းလောဘကြီးတာပဲ"
မျက်စောင်းကလေးချီကာဆိုမိတော့ songက ပြုံးလာသည်။
"ကိုယ်တို့ပညာရေးမှာ ပိုတယ်လို့ဆိုပြီးချန်ခဲ့တာမရှိဘူး၊ ဒီတစ်နေရာမှာအသုံးမလိုရင် နောက်တစ်နေရာမှာ အသုံးလိုမှာပဲ၊ အကုန်လုံးဟာ ရောက်တဲ့နေရာမှာ ရောက်တဲ့နေရာအကြောင်းကို သိပ်စပ်စုချင်ကြတာ"
YOU ARE READING
ရေမြေခြား၍ ချစ်မိသော်လည်း...(ရမွေခွေား၍ ခဈြမိသျောလညျး...)(Completed)
Romanceလူမျိုးရေးခွဲခြားတတ်သည့် မင်းရထာဆိုတဲ့ကောင်လေးနှင့် အင်္ဂလန်သား song တို့..တွေ့ဆုံချစ်ကြိုက်မိသောအခါ
