Art In His Breath (Japan Series #2)

Chapter 22

Chapter 22

"Anata no ban, Riem (Your turn, Riem)," pormal na si Mrs. Ann na nanunuod sa photoshoot sa kauna-unahan pa lang.

Tumayo ako sa upuan at dumiretso sa harapan ng photo studio background. Ang theme ng shoot na ginagawa namin ngayon ay summer. Beach ang litrato na nakadisplay. Mayroon namang mga rattan sun lounger at sport-brella sa paligid na siyang props. We are going to endorse a new release flavor of a softdrink. Ang brand na ieendorso namin ay kilala kaya't pinaghahandaang maigi ito.

"Neisu ni suwaru (Sit on the lounger)," pagmamando ng photographer sa akin.

Sinunod ko siya at nagsimula nang magpose. I applied all the techniques I learned from the internet.

Kinukuhanan muna kami ng solong mga litrato na kami lang at hindi kasama ang produkto. And those shots would be in the look book for this summer season. Dapat ay hiwalay ang gagawing photoshoot para doon sa look book at dito sa brand subalit napagdesisyunang pagsabayin na lamang para hindi masiyadong kakain ng oras. Ang problema ay gagabihin nga lang.

Kanina pa kaming alas-nueve ng umaga rito at ngayo'y magaalas-sais y media na. Ikalawa ako sa huli na kukuhanan. Mayroon pang group photo pagkatapos ng solo shots na siyang ipapaskil sa iba't-ibang lugar sa Japan gaya sa Dotonbori, Osaka at Shibuya, Tokyo.

Acting professional outside, my mind's crumbling inside thinking of Diamond waiting outside the studio. Kaninang alas-singko pa lang ay nakatanggap na ako ng mensahe sa kaniya na nasa labas na siya't naghihintay.

Aba't sinabihan ko naman kasing gagabihin ako pero maaga pa ring pumunta.

"Sugoi, sugoi! Agoo agero! (Wow, wow! Chin up!)"

After a few blinding flashes of camera, the photographers paused and rested a bit as the stylist went to me and put a white vintage cat-eye sunglasses on me. Si Mrs. Ann din ay dumalo sa amin ay iniabot ang inuming nakabukas at may straw na nakasalpak.

Habang pinapatungan ng make-up artist ang labi ko ng smudge-proof lipstick ay bahagya akong nakaramdam ng titig sa kung saan. I was aware that most of the people inside the studio were watching me but I suddenly felt uneasy with the particular stare. I rubbed the horde with my narrowing eyes when they immediately stopped on a man standing on the second floor, elbows are rested upon the railings. Ang kinatatayuan niya ay tapat na tapat sa puwestong kinatatayuan ko.

Hindi na nakakagulat na makita si Diamond dito sa loob. Baka masiyado nang naiinip sa labas. Hindi lang ako makapaniwala na pumasok nga talaga siya!

My heart bounced when our eyes lingered on each other for a very long time. Good thing I am wearing a sunglasses! Maitim at madilim ang lens ng salamin kaya't kumpiyansado akong hindi niya nakikitang nakatitig ako pabalik sa kaniya.

Bigla akong naconscious sa suot ko. Bumagsak ang tingin ko sa plaid pants na suot ko na kulay pinaghalong pink na malamlam at pink na matingkad. Mabagal na umakyat patungo sa puting crop top na may spaghetti strap. Hinila-hila ko iyon pababa upang maalis ang lukot.

Nang ibalik ang tingin sa kaniya ay naabutan ko siyang minamasahe ang mga labi habang titig na titig sa akin.

Simula noong naging kami ay araw-araw na kaming nagkikita. Nitong linggo na lang nahinto dahil sa naging busy ako masiyado dahil sa daming project na natanggap ng ahensiya namin. Ayos na ayos lang kay Diamond iyon. Sa tuwina'y hinihintay akong matapos at saka kami kakain sa labas. Madalas ay hinahatid na ako diretso pauwi dahil sa pagod at antok.

I never received any complaint from him about that. Laging suportado sa mga ginagawa ko.

Ang hindi ko lang alam ay bakit naririto ngayon gayong sinabihan ko na hindi siya puwede rito! According to the contract I signed, I am not allowed to have a boyfriend until I am out of the agency!