Past and Future

Chapter 1

"YAYA, IKAW na ang bahala maghanap ng bagong katulong ha." Aniya. Aalis na kasi ang pinagkakatiwalaan niyang katulong bukas dahil nga may edad na rin ito. "Pupuntahan ko kasi ngayon si Marc."

"Sige ho, sir Matt." Nakangiting wika nito. Limang taon din itong nagtrabaho sa kanya kaga masasabi niyang napamahal na siya rito. Alam nito lahat ng pinagdadaanan niya sa buhay. "May nahanap na rin ho ako."

"Talaga ho?" Gulat na na tanong niya. 'Ang bilis naman.'

"Oho. Yung pamangkin ko ho kasi ay naghahanap ng trabaho. E wala siyang mahanap kaya pinilit niya ako na siya na lang ang pumalit sakin dito." Sagot nito habang nililinis ang sala. "Pansamantala lang naman ho 'yon, sir. Kapag nakahanap na siya ng trabaho e aalis din ho siya sa pagiging katulong."

"Ah, sige ho. Tutulungan ko siyang maghanap ng trabaho." Sabi niya habang nakangiti ng malamig.

"Ay nako, sir. Maraming salamat ho." Pasalamat nito at tumango lang siya. "Paniguradong matutuwa 'yon kapag nalaman niya ito. Maraming salamat ho ulit, sir."

"No problem, yaya." Aniya at kinuha ang cellphone sa center table. "Sige ho, aalis na ho ako. Baka hinihintay na ako ni Marc."

"Mag-iingat ho kayo, sir." Pahabol nito habang naglalakad na siya palabas ng bahay.

Nang makalabas siya ng bahay pati na rin sa gate ng bahay niya, mabilis siyang sumakay sa kotse niya at pinaharurot 'yon patungo sa Dev-Laux Restau. Do'n sila magkikita ni Marc at alam niyang naghihintay na 'yon sa kanya.

Makalipas ng ilang minuto nakarating na rin siya sa restaurant dahil ilang minuto lang naman ang byahe papunta ro'n galing sa village.

Pagpasok niya sa restaurant nakita niya agad si Marc na nakaupo na sa pinareserve nitong table at nakatutok lang ang mata sa cell phone nito.

"Hey." Tawag pansin niya rito. Tumingin naman ito sa kanya at ngumiti. Umupo siya sa kaharap nitong upuan at tinago naman nito ang cell phone nito kanina.

"Umorder na ako kanina habang hinihintay kita." Biglang sabi nito. Tumango lang siya at sumandal sa upuan. "So, ready ka na ba bukas?"

"Ikaw ang ikakasal bukas, Marc. Hindi ako." Sarkastikong wika niya at ininom ang tubig na nasa baso. "Kung may dapat mang tanungin rito ay ikaw 'yon. Ready ka na ba bukas? Pwede ka pang magback out."

"Gago. Mahal ko si Unyce at hindi ako magbaback out sa kasal namin." Mayabang nitong sabi. Kahit lalaki siya napapairap pa rin siya. "Alam mo, kung ako sayo maghahanap na ako ng babaeng pwedeng mahalin. Hindi 'yung nagkukulong ka sa bahay mo at umiinom araw gabi."

"Tsk. Sakit lang sa ulo ang mga babae." Sabi niya. Tinaas niya ang kamay para kunin ang atensyon ng waiter. Agad naman na may tumalima na waiter. "Our order, please."

"Yes, sir Devien." Wika ng waiter at mabilis na pumasok sa kitchen. Binalik niya naman ang tingin kay Marc.

"Hindi naman lahat ng babae sakit sa ulo e." Wika nito kaya biglang tumaas ang isang kilay niya. "Tignan mo si Unyce. Matigas ang ulo niya minsan kasi buntis pero dahil mahal ko siya, hindi kailanman sumakit ulo ko sa kanya."

"Ulo sa taas hindi. Pero ulo sa baba, oo." Sabi niya habang nakangisi. Pinanliitan naman siya nito ng mata. "What? Totoo naman ah."

"You're so nude, man." Wika nito na ikinatawa niya ng mahina.

'Minsan lang ako tumawa kaya manahimik kayo.'

(-.-)

"Aminin mo na. Masakit naman talaga." Aniya habang tumatawa ng mahina.