Past and Future

Chapter 2

"FUCK!" HE cursed. Parang binibiyak ang ulo niya sa sobrang sakit dahil nag-inuman pa sila kagabi ng kapatid niya bago umuwi. Kinuha niya ang dalawang advil na sa night stand saka 'yung baso na puno ng tubig saka niya ininom 'yung gamot.

Basta may hangover siya alam ni manang Nori 'yon kaya tuwing gigising siya laging may advil sa night stand niya. Tumayo na siya at saka dumeretso sa banyo saka naligo.

Pagkatapos niyang maligo dumeretso siya sa closet saka nagsuot ng damit. Dahil tuesday ngayon, sa restaurant lang siya tatambay kaya hindi niya na kailangan magsuot ng suit.

Mamayang hapon na ang kasal ng kapatid niya at Unyce. Doon na siya magbibihis ng suit sa restaurant tutal may sarili namang siyang banyo do'n.

Pagkabihis niya lumabas na siya ng kwarto niya at bumaba sa hagdan. Naabutan niya pa si manang Nori na nagwawalis sa sala.

"Morning, manang." Bati niya kay mananv nang makababa siya. Tumigil ito sa pagwawalis at tumingin sa kanya.

"Magandang umaga rin ho, sir." Nakangiting bati rin nito sa kanya. "Nagluto na ho ako ng makakain niyo."

"Sabayan mo na ako kumain, manang." Sabi niya habang naglalakad patungong kusina. Narinig naman niya na sumunod ito sa kanya. "Ngayon na kayo aalis kaya gusto ko sabay tayo kumain."

"Ay nako, sir, hindi na ho." Tanggi nito. Ito na ang nag-ayos ng pagkakainan niya at siya naman ang naglagay ng pagkain sa pinggan. "Kumain na ako kanina bago ako maglinis ng bahay."

"Dapat nagpahinga na lang kayo, manang." Wika niya habang kumakain. Umupo ito sa kaharap niyang upuan. "Hindi naman gano'n kadumi ang bahay."

"Hindi ho kasi ako sanay nang hindi naglilinis." Napapahiyang wika nito na napapakamot pa sa batok. "At saka, gusto ko kasi na kaunti na lang ang lilinisin ng pamangkin ko pagdating niya rito."

"Speaking of him," sabi niya tapos nilunok muna ang nginunguya bago ulit nagsalita, "kailan ho siya darating?"

"Ah, hindi ho siya lalaki, sir. Babae siya." Wika nito na nakapagpatigil sa kanya. Babae? "Maya-maya lang ho, sir, e nandito na rin 'yon."

"Babae ho?" Tanong niya kasi parang mali lang 'yung pagkakarinig niya.

"Oho. Mabait ho 'yon at mapagkakatiwalaan." Sagot niti tapos ngumiti.

"Magkaedad lang ho ba kayo?" Tanong niya na naman.

'Curios ako e.'

"Ah, hindi ho. Twenty-eight years old pa lang siya." Sagot ni manang tapos ngumiti ng malapad. 'Yung ngiting nakakaloko. "Bakit ho, sir?"

"Nagtanong lang ho ako." Sagot niya tapos tinapos na 'yung pagkain. "Sige ho, manang. Alis na po ako."

"Mag-iingat ho kayo, sir." Sabi ni manang. Nginitian niya lang ito saka umalis ng kusina. Kinuha niya muna 'yung susi ng kotse niya bago lumabas ng bahay.

Paglabas niya tumakbo siya papunta sa kotse niya saka sumakay. At dahil tinatamad siyang magdrive, binagalan niya lang ang pagpapaandar. Para siyang pagong habang nagpapaandar.

Hindi pa nagtatagal ang pagdadrive niya nabagot agad siya kaya pinaharurot niya na ang sasakyan. Pero agad niyang natapakan ang preno dahil muntik na niyang mabangga 'yung babaeng naglalakad.

Nakahawak pa rin siya sa manubela habang nakatingin sa babaeng halos mamutla na. Hindi agad nakagalaw ang babae at nanatili itong nakatingin sa kotse niya.

Lumipas ang ilang segundo, ipinilig nito ang ulo at masama ang tingin na naglakad palapit sa driver seat. Nakatingin lang siya sa babae habang kumakatok sa nakasarang bintana ng kotse niya.