လေပြေလေညှင်းတွေဟာတသွင်သွင်နဲ့တိုက်ခတ်နေလေသည် သစ်ရွက်တွေဟာလေယူရာတိမ်းယိမ်းလို့ တချိုးချိုးတချွတ်ချွတ်နဲ့ထိခတ်လှုပ်ရှားနေကြသည် မြေပြင်ပေါ်မှာချထားတဲ့အခေါင်းလေးနှစ်ခုဟာ ငြိမ်သက်လို့
"ညီ သွားရအောင်လေကွာ...နောင်လေးစောင့်နေရော့မယ်"
ထွဋ်ဝင်း၏ပုခုံးကိုလှုပ်ကာပြောတော့သူ့လက်ကိုရိုက်ချသည်....
"ဟင့်အင်း...နောင်လေးကမသေဘူး...ကိုကြီးလျှောက်မပြောရဘူးလေ...နောင်လေးကြားသွားလို့ဝမ်းနည်းနေပါဦးမယ်"
"စိတ်ကိုလျှော့လိုက်ပါညီ....နောင်လေးကိုလွှတ်ပေးလိုက်ပါတော့ကွာ...ကလေးလေးပင်ပန်းနေရော့မယ်...သွားခွင့်ပေးလိုက်ပါတော့ညီရယ်...."
သူပြောတော့ထွဋ်ဝင်းသည်မျက်ရည်တွေကျရင်းသူ့ပုခုံးထက်မှီကာတအီအီငိုလေသည်.....
"ကျွန်တော်လက်မခံနိုင်သေးဘူး...ကလေးကပြောသွားတယ်ကျွန်တော့အမုန်းတွေပြေတဲ့နေ့ကျရင်အရင်လိုပြန်ချစ်ပေးပေါ့တဲ့...ကျွန်တော်...ဟင့်..ငီး...ကျွန်တော်..ကလေးလေးကိုမမုန်းပါဘူးလို့...အား.."
ထွဋ်ခေါင်လည်းထွဋ်ဝင်း၏ကျောကိုသာပုတ်ကာနှစ်သိမ့်ပေးမိသည်....သူလည်းပဲထပ်တူဝမ်းနည်းနေရသည်မလားလေ...
"တိတ်ပါတော့ညီရယ်...ခုနောင်လေးနဲ့ဦးအောင်ကိုသွားနှုတ်ဆက်ရအောင်နော်"
"ဟုတ်"
ထွဋ်ဝင်း၏ပခုံးကိုဖက်ကာအခေါင်းမြုပ်မည့်နေရာသို့လာခဲ့လေသည်....ထိုနေရာတွင်ငုတ်တုပ်လေးထိုင်နေသာမိုးသောက်ဟာသူတို့နှစ်ယောက်လာတော့ငဲ့ကြည့်လာလေသည်....ထိုနေရာရောက်သည်နှင့်ထွဋ်ဝင်းသည် အခေါင်းကိုအတင်းဖွင့်ခိုင်းပြန်သည်....
"မဖွင့်ပါနဲ့တော့ညီရယ်..သူ့ကိုပေးသွားလိုက်ပါတော့"
"နောက်ဆုံးတစ်ခေါက်ထဲပါကိုကြီး...နောက်ဆုံးတစ်ခေါက်လောက်ကြည့်ချင်သေးလို့ပါ...နောက်ဆုံးတစ်ခေါက်လောက်နှုတ်ဆက်ပါရစေ...."
YOU ARE READING
💙Blur💙(Completed)
RomanceSometimes love is complicate Sometimes love is simple Complicate or simple is just a love,the prettiest thing all over the world and essential drug for human❤