ရုပ်နဲ့လက်ရေးနဲ့ လိုက်တယ်ဆိုပြီး နှိပ်ကွပ်တဲ့ မှုံနံ့သာရဲ့စကားသံတွေကိုပြန်ကြားယောင်လာမိသည်။စာမေးပွဲလည်းနီးလာပြီဆိုတော့စိတ်ညစ်စရာတွေခဏမေ့ထားလိုက်သည်။တကယ်တော့ ကူးကူးလက်ရေးကမစုတ်ပေ။ဖြစ်ကတတ်ဆန်းလုပ်တတ်တဲ့အကျင့်ကြောင့်သာ လက်ရေးကစုတ်နေရခြင်းဖြစ်သည်။"မေကူး..စာတွေပိုင်ပြီလား..."
"ဟအေး...ဘာမှကိုမရသေးတာ..ခစ်ခစ်..အဆင့်၅၆က ငါ့အတွက်လေ...."
"ဉာဏ်လည်းကောင်းရဲ့သားနဲ့စာကိုမကျက်ဘူး...."
"သောက်ပျင်းမကြီး.."
"သာသာကလည်းသူငယ်ချင်း အချင်းချင်းကို... "
"ကာယကံရှင်ကတောင် ဘာမှမဖြစ်ဘူး..နင်ကဘာဖြစ်တာနေတာလဲ.."
"ပြောပါစေ.....ထားလိုက်..သူကငါ့ကိုနှိပ်ကွပ်ဖို့ အနီးကပ်ကိုပြောင်းလာတာပဲ.."
စာမေးပွဲဖြေပြီးပြီမို့ Report Cardများကိုအတိုင်းပိုင်မှ ပေးလေပြီ။ပထမမှာ မှုံနံ့သာဖြစ်ပြီး နောက်ဆုံးမှာ ကူးကူးဖြစ်သည်။
ဇူဇူကတော့ 1 to 10အမြဲဝင်သည်။"နင်တော်တော်အသုံးမကျတာပဲ မေစန္ဒကူး...."
"ဘာဖြစ်လဲဟာ...နင့်အပူပါလား..."
ထုံးတမ်းစဥ်လာတစ်ခုလိုဖြစ်နေသော ကိစ္စတစ်ခုက မှုံနံ့သာ ကြောင့် ခဏခဏစိတ်အားငယ်မိသည်။ထိုကောင်မလေးကြောင့် စိတ်အာရုံတွေကစုစည်းလို့မရတာတော်တော်ပင်ကြာပြီ။ကူးကူး ထင်မထားခဲ့ပေ။အချစ်ဦးက မိန်းကလေးတစ်ယောက် ဖြစ်မယ်ဆိုတာကို။ဒီလိုနဲ့ကျောင်းတက်လာတာ နှစ်ဝက်ပင်ကျိုးလာခဲ့တော့သည်။ကူးကူးကတော့ ဗရုတ်ကျမြဲ ခရေပင်သို့သွားမြဲပင်။
"ကလေး.....မမကိုတစ်ခုကူညီပါအုန်း.."
"ဘာလဲပြောလေမမ.."
"တကယ်တော့လေ...မမက ဆရာမမွှေးရနံ့ ကိုကြိုက်နေခဲ့တာ..."
"ရှင်..တကယ်ကြီးလားမမ....မမလည်းကူးကူးလို မိန်းကလေးချင်းစိတ်ဝင်စားနေတာလား..."
"အင်းဟုတ်တယ်....အဲ့ဒါလေ ကူးကူးလက်ရေးနဲ့ ကဗျာလေးတစ်ပုဒ်ရေးပေးပြီး မွှေးရနံ့ ကိုပေးပေးပါလား...ကူးကူးလည်းလက်ရေးလှလာပြီဆိုတော့....တစ်ခုတော့ရှိတယ်..မွှေးရနံ့ မသိစေနဲ့ပေါ့.."
![](https://img.wattpad.com/cover/246285737-288-k189016.jpg)
YOU ARE READING
ခရေပင်ကိုအစွဲပြု၍🌳
Horrorချစ်ခြင်းမေတ္တာဆိုတာ သက်ရှိတွေပေါ်မှာလည်းဖြစ်တည်ခွင့်ရှိသလို သက်မဲ့အရာတွေပေါ်မှာလည်း ဖြစ်တည်လို့ရသည်။ သို့ပေမဲ့ မမြင်ရတဲ့ အရာတွေပေါ်မှာရော ဖြစ်တည်လို့ရသလား။ဥပမာ သေဆုံးပြီးသားလူတစ်ယောက်ကိုပေါ့။ကျွန်မကတော့ သူများတွေမမြင်ရတဲ့ မြင်နိုင်စွမ်းမရှိတဲ့တစ်ယေ...