Unicode
"ဟယ်.....ဝမ်လေး!!"
ကျောပိုးအိတ်ကိုတရွတ်တိုက်ဆွဲကာပျင်းတိပျင်းရွဲနဲ့အိမ်ထဲဝင်လာသည့်ဝမ်ရိပေါ်ကိုထုံးစံမပျက်အိမ်တော်ထိန်းကြီးကကြိုဆိုဖို့လာပေမယ့်ရိပေါ်မျက်နှာကဒဏ်ရာဒဏ်ချက်တွေကိုတွေ့လိုက်တော့ပြာပန်းခတ်သွားသည်။
"ဘာလိုဖြစ်လာတာလဲဝမ်လေးရယ်မျက်နှာတစ်ခုလုံးလဲဖူးရောင်နေရောပဲ"
"အိမ်မှာဘယ်သူရှိလဲ"
မေးနေသည့်မေးခွန်းကိုမဖြေသည့်အပြင်သူကပါမေးခွန်းပြန်ထုတ်နေသည်။ဒါပေမယ့်ဒီမေးခွန်းကဟိုးငယ်ငယ်ထဲကဝမ်လေးရဲ့မူပိုင်မေးခွန်းပဲ။အင်း......မေးပုံချင်းတော့ကွာသွားတာပေါ့။အရင်က"ပေါ်ပေါ့်ပါးပါးနဲ့မားမားပြန်လာပြီလား"လို့တီတီတာတာလေးမေးတတ်ပြီးအခုတော့"အိမ်မှာဘယ်သူရှိလဲ"လို့အေးစက်စက်ပဲမေးခွန်းထုတ်လာတယ်။
"သခင်ကြီးကUSကရုံးခွဲမှာmeetingသွားထိုင်ပါတယ်။သခင်မကြီးကတော့လုပ်ငန်းရှင်တွေနဲ့dinnerရှိလို့သွားပါတယ်။"
အိမ်တော်ထိန်းကြီးရဲ့စကားအဆုံးရိပေါ်နှုတ်ခမ်းတွန့်ရုံပြုံးလိုက်သည်။
"ဝမ်လေးထမင်းစားတော့မယ်ဆိုဦးလေးယန်ပြင်ခိုင်းလိုက်မယ်လေ"
"ဟင့်အင်း....မပြင်နဲ့တော့"
အိမ်မှာနေချင်စိတ်မရှိတော့၍ကျောပိုးအိတ်ဆွဲကာပင်ပြန်ထွက်လာတော့သည်။နောက်ကဦးလေးယန်ခေါ်သံကိုကြားပေမယ့်လှည့်မကြည့်ဖြစ်တော့။ဟုတ်တယ်လေ.....ပျော်ရွှင်မှုမရှိတဲ့အိမ်၊နွေးထွေးမှုမရှိတဲ့ထမင်းဝိုင်းမှာထိုင်ပြီးတိတ်ဆိတ်မှုတွေကြီးစိုးနေရတဲ့ဘဝမျိုးကိုသူတကယ်မနှစ်သက်ဘူး။အေးစက်တည်ငြိမ်အောင်လုပ်ယူထားလို့မေတ္တာတရားကိုမလိုအပ်တော့ဘူးလို့ထင်ရင်မှားမှာပေါ့။
လေနှင်ရာမောင်းနေတဲ့သူ့ရဲ့ဆိုင်ကယ်လေးကိုထွေးပိုက်ပေးထားတဲ့လေတံခွန်တွေလောက်တောင်သူတို့မိသားစုလေးကမနွေးထွေးတော့ဘူး။
_________________________
"မား!!"
ညစာအတွက်ချက်ပြုတ်ပြင်ဆင်ပြီးတော့အိမ်ရှေ့ကျူးလစ်ပန်းတွေနားမှာအရင်နေ့ကအသစ်ဝယ်လာသည့်ပျိုးပင်လေးတွေကိုအိုးထဲပြောင်းစိုက်ဖို့လုပ်နေတုန်းအိမ်ပေါ်ကပြေးဆင်းလာကာလှမ်းခေါ်လာသည့်အားကျန့်။
![](https://img.wattpad.com/cover/242891296-288-k333154.jpg)
YOU ARE READING
My Ugly Boy(completed)
Romanceကိုယ်ထင်ခဲ့တယ်မင်းကို'မုန်းတယ်'လို့ပြောရတာသဘောကျတယ်ပေါ့။ ဘယ်ဟုတ်မလည်း။ မင်းကို'မုန်းတယ်'လို့ပြောတိုင်း'ချစ်တယ်'လို့မင်းဘက်ကပြန်ပြောတာလေးကိုသဘောကျခဲ့တာ။ ကိုယ္ထင္ခဲ့တယ္မင္းကို'မုန္းတယ္'လို႔ေျပာရတာသေဘာက်တယ္ေပါ့။ ဘယ္ဟုတ္မလည္း။ မင္းကို'မုန္းတယ္'လို႔ေျပာတ...