Unicode
"အင့်.......ပါးပါးနဲ့မားမားမကောင်းဝူး။ဝမ်လေးကိုပစ်ထားတယ်......ဟင့်"
ပလုံ!
ဘေးနားကနောက်ထပ်ကျောက်စရစ်ခဲလှလှလေးတွေကိုကောက်ကာကြည်လင်နေတဲ့ချောင်းရေထဲသို့အဆက်မပြတ်ပစ်ပေါက်လိုက်တယ်။ရေထဲကငါးလေးတွေကတော့၆နှစ်အရွယ်ချာတိတ်လေးပစ်လိုက်တဲ့ခဲတွေကိုသိုင်းကွက်နင်းကာရှောင်နေရပြီ။
ချွတ်!
ငြိမ့်ငြိမ့်လေးစီးဆင်းနေတဲ့ချောင်းရေသံသာရှိသည့်ပတ်ဝန်းကျင်တွင်သစ်ကိုင်းခြောက်ကျိုးသံကပိုကျယ်နေသလို။အနောက်ဘက်ကိုအမြန်လှည့်ကြည့်လိုက်တော့ရိပေါ်တစ်ရပ်စာလောက်ရှိတဲ့ချုံပုတ်ကယိမ်းထိုးသွားသည်။
"ဘူ...ဘူသူလဲ"
သွေးကြောင်တတ်တဲ့သူမဟုတ်ပေမယ့်အခုမှ၆နှစ်ပဲရှိသေးတဲ့ကလေးလေကြောက်တော့ကြောက်တာပေါ့။ပါးပါးနဲ့မားမားကိုစိတ်ဆိုးပြီးဖိုးဖိုးတို့အိမ်ကထွက်လာတာကိုအကြီးကြီးနောင်တရမိတော့သည်။
"အဟင့်......ထွက်ရာနော်.....မကြောက်ဝူးမထင်နဲ့....!!!!!"
ရိပေါ်ကြောက်ကြောက်လန့်လန့်နဲ့ငိုကာအော်မိတော့သည်။ငိုလဲငိုလိုက်ရောချုံပုတ်ကြီးကပိုပြီးလှုပ်လှုပ်ရှားရှားဖြစ်လာကာ'ဝုန်း´ခနဲ
"အား!!!!!!မားမားရေကယ်ပါဦး"
လေးဘက်ထောက်ရောက်ထွက်ကျလာသောအရာကိုဖြတ်ခနဲမြင်လိုက်တာနဲ့မျက်နှာကိုလက်ဖဝါးသေးသေးလေးနဲ့အုပ်ကာကုန်းအော်လိုက်တော့သည်။
"ပေါ်ပေါ်......နာပါ"
စကားပြောသံကိုကြားလိုက်မှလက်ချောင်းလေးကိုဖြဲကာကြည့်လိုက်သည်။အခုရိပေါ်ရှေ့မှာရှိနေတာကဖိုးဖိုးအိမ်မှာတုန်းကတွေ့ခဲ့တဲ့ကောင်လေးပင်။ထိုအခါမှချောင်းတစ်ချက်ဟန့်ကာမတ်တပ်ရပ်လိုက်ပြီးလက်ကိုဟန်ပါပါပိုက်လိုက်သည်။
"အဟမ်း.....ဘာရာလုပ်တာရဲ"
"ဘိုးဘိုးကမံမံစားမယ်တဲ့ပေါ်ပေါ်"
"ဘာမံမံရဲ.....ထမင်းပါ။လူကြီးလိုပြော"
"အင်း....တမင်းစားမယ်တဲ့"
YOU ARE READING
My Ugly Boy(completed)
Romanceကိုယ်ထင်ခဲ့တယ်မင်းကို'မုန်းတယ်'လို့ပြောရတာသဘောကျတယ်ပေါ့။ ဘယ်ဟုတ်မလည်း။ မင်းကို'မုန်းတယ်'လို့ပြောတိုင်း'ချစ်တယ်'လို့မင်းဘက်ကပြန်ပြောတာလေးကိုသဘောကျခဲ့တာ။ ကိုယ္ထင္ခဲ့တယ္မင္းကို'မုန္းတယ္'လို႔ေျပာရတာသေဘာက်တယ္ေပါ့။ ဘယ္ဟုတ္မလည္း။ မင္းကို'မုန္းတယ္'လို႔ေျပာတ...