Unicode
"မား!!!!ဝမ်လေးမလိုက်ဘူးနော်"
ဝမ်နမ်ချင်းအတင်းဆွဲခေါ်နေသော်လည်းရိပေါ်ကတော့ခြေထောက်ကိုမြေကြီးအားကုတ်ပြီးရုန်းကန်နေသည်။
"ဝမ်လေး!မဆိုးစမ်းနဲ့"
"အကြာကြီးပစ်ထားပြီးမှဘာလို့လာခေါ်နေတာလဲ!!!!!"
"ဝမ်လေးအကြောင်းတွေကိုမားသိသွားလို့ပေါ့"
"ကျွန်တော်လုံးဝပြန်မလိုက်နိုင်ဘူး!!!"
"ဘယ်လို??ကျွန်တော်တဲ့လား။အခုမားကိုယ်တောင်အဲ့လိုစိမ်းစိမ်းကားကားပြောတတ်နေပြီပေါ့"
"ဘယ်သူတွေကအရင်စိမ်းကားတာလဲ"
တခွန်းမကျန်ပြန်ပြောလာတဲ့ဝမ်လေးကြောင့်နမ်ချင်းသွေးတက်နေရပြီ။ဒီကလေးဘယ်တုန်းကဒီလောက်ဆိုးသွားတာလဲ။စီးပွါးရေးလောကထဲဝင်ခါစတတ်သစ်စCompanyလေးမို့အောင်မြင်အောင်ကြိုးစားရုန်းကန်နေရလို့သားကိုပါးတို့နေရပ်ကိုပို့ထားမိတာသူမမှားပြီထင်တယ်။ဒါကလဲတချိန်မှာသူမတို့မိသားစုလေးကောင်းကောင်းမွန်မွန်နေရရေးနဲ့သားလေးတင့်တောင်းတင့်တယ်ဖြစ်ဖို့လေ။ငယ်ရွယ်တုန်းပိုက်ဆံနောက်လိုက်ထားမှအချိန်တစ်ခုရောက်ရင်ပိုက်ဆံကကိုယ့်နောက်လိုက်နေမှာ။ဘယ်မအေကရောသားသမီးနဲ့ခွဲချင်ပါ့မလဲ။
"ဟုတ်ပြီအခုကစပြီးမားတို့ကသားကိုပစ်မထားတော့ဘူး။အတူတူနေရအောင်ပြန်လာခေါ်တာလေ"
"ဟင့်အင်း.....မလိုက်နိုင်ဘူး။ကျွန်တော်သူရှိတဲ့အရပ်မှာပဲနေချင်တယ်။ပစ်ထားလက်စနဲ့ဆက်ပြီးသာပစ်ထားပေးလိုက်ပါ"
၈နှစ်အရွယ်ဝမ်လေးရဲ့ခေါင်းမာမှုကိုသူမတကယ်လက်ရောခြေပါလန်သည်။
"သားရယ်သားကအသက်ငယ်သေးတယ်။ဒါကမဖြစ်သင့်သေးဘူးလေ"
"တစ်နေ့ကြီးလာမှာပေါ့။ပြီးတော့ကျွန်တော်ကငယ်သေးပင်မယ့်သူကိုတော့ကောင်းကောင်းကာကွယ်နိုင်တယ်"
နမ်ချင်းသူမနားထင်ကိုခပ်နာနာဖိနှိပ်ထားမိသည်။အခုသူ့ရှေ့ကအကောင်ပေါက်က၈နှစ်သားလား၁၈နှစ်သားလဲမသဲကွဲချင်တော့။မရဘူး.....သူမဘယ်လိုနည်းနဲ့မှခွင်မပြုနိုင်ဘူး။
![](https://img.wattpad.com/cover/242891296-288-k333154.jpg)
YOU ARE READING
My Ugly Boy(completed)
Romanceကိုယ်ထင်ခဲ့တယ်မင်းကို'မုန်းတယ်'လို့ပြောရတာသဘောကျတယ်ပေါ့။ ဘယ်ဟုတ်မလည်း။ မင်းကို'မုန်းတယ်'လို့ပြောတိုင်း'ချစ်တယ်'လို့မင်းဘက်ကပြန်ပြောတာလေးကိုသဘောကျခဲ့တာ။ ကိုယ္ထင္ခဲ့တယ္မင္းကို'မုန္းတယ္'လို႔ေျပာရတာသေဘာက်တယ္ေပါ့။ ဘယ္ဟုတ္မလည္း။ မင္းကို'မုန္းတယ္'လို႔ေျပာတ...