| ذبـول الاقحوان | "باللهجة العراقية "

| الفصل الثلاثون |

#ذبول الاقحوان
#الفصل الثلاثون
#بقلم الراوية

.

صـلوا على النـبي 💚

.

صفاء..

بخطـوات متعثرة و دگات گلب مجنونة
تـحرك علي من جـدامي و فات جوه..و اني ما انتـظرت و لا فكـرت بشي غـير انو الحـگه

صعد الدرج بخطـوات سريعة يا دوب اقـدامه تلامس الـدرجة..
صعـدت وراه و انفـاسي تتسارع..توقـعت يجي يوم و  تضـعف ريـم بس مـو بهاي الطريقة
مـو انو تـنهي حياتها بهـاي السهولة..

عمـي زيـد و حسن و امها..و كـلهم واگفين بالبـاب و يصـيحون بأسـمها
و ما يصلـنا بس صوت بكاءهـا الحـاد..
علي وگـف بالباب و صاح بيـها بنبرة ترجـف مختلطة بعصبية

- ريم افـتحي الباب لوو اكسره

- والله اذا كسرتـه اضرب نفسي
عـوفوني بحالي

تقدم ابوها للبـاب و طرق طرقات خفيـفة و هو يحچـي بتعـب

- ريـومة گلبي انتي..افتحـي الباب و تعـوذي من الـشيطان

- يابـه تعبت..الله يخليكم خلوني اخلص من هاي العيشـة

امها واگـفة و تنوح و تبچـي و هما يحاولون يلهـونها
فاطمة و عمة انعام گـعدن يدورن مفتاح ثاني للباب
لأن ريم ما سكـتت و هي تردف بتهـديد اذا كسرتـوا الباب اضرب نـفسي..

- ريـم بنيـتي انه ابوچ افتحي الباب لخـاطري

علما لگن مفتاح ثاني احـنا متشاهدين
اخـذ علي المفتاح و گبل فتحو و فات..و هي گامت تصيح عوفـوني
رضا فـات و سحب السلاح مـنها..بس بعد صراع وياها
هي لازمـتو بقوة و كلنا خفنا لا تثـور طلقة بالغلـط..
امها و ابوهـا فاتوا و هي گعدت بالگـاع و تبچـي..لو تضرب راسها بـحايط السـيراميك
انفـعلت و صابتها حالة هستيريـة..اخوانها و ابوها يريدون يسـيطرون عليها بس ما يگـدرون
امها طلعـتها عمه انعام لأن شبه فقـدت
و انـي شفت نفسي واگـفة بمكاني بدون سبب

فـ تحركت و فتت للحـمام ايديها و رجليها تشنگـت و سال دم مـن گصتها لأن ضربت راسـها بالحايط..
بالف يا الله يلا گـدروا يطلعوها
رغـم لشتها صغيرة و ناعمة بس من حركـتها و انفعالاتها گـوه سيطروا عليها
طلعوها من الحـمام و فوتوها لغرفـتها

رضا طلع و عيـنو حمر دم على شـعره و تحدر دموعو
گعد ابوها بالگـاع و هي على التخت..و ما نسمع بس بچـيهم

ليلة مـن العمر ما تنـسي..الكل يبچـي
الكل يدحگ لـ ريم الچـانت تضحك للـنسمة هيچ هسا حالـها..
هدأت و غفـت بحـظن ابوها الظل يقـرأ على راسها ايات قرانـية

طـلعت و حدرت جـوه..علي و رضا چـانوا واگـفين بالممـر واحد مقابل الأخـر و يحچـون

بلعت ريگـي و كملت طريـقي بس وگفني علي الگـال