| ذبـول الاقحوان | "باللهجة العراقية "

| الفصل السابع عشر |

#ذبول الاقحوان
#الفصل السابع عشر
#بقلم الراوية

.

صـلوا على النـبي 💚

.

صفاء..

سـامعة بالحـب الاول ما ينـسي
و سامعة مهـما مـرت سنين يظل محـفور بالگلب

بس چـنت ما اصـدگ..لأن كلشي قـابل للنسيـان
مثل ما نسـيت أمـجد، رغم الجـرح بعدو بالگـلب

چـنت گاعدة بالهـول و نسوان چـثيرات موجودات
ادحگ لـ جليلة ماخذه الگعدة فـلاحة ملاچـة،تسولف وي هـاي و هـاي

مرتين سألـتني انتي متزوجة؟
و بسـاطة گـتلها مطـلقة، نطقت الكـلمة لو حسيتها انضربت على وجـهها

و بـدون اي تـردد گـالت

- و ليش طلگـچ ؟ ما تخلفين لو اكـو احد بالموضوع

- احـد ؟؟ شنو يعني

حچـيتها و اني اعرف قصدها بس ردت اسمـعها منها
تقربت عليه و گـالت بضـحكة

- يعـني خاينچ حاب عليچ

- ما تفـاهمنا و انفـصلنا

- هيچ بسهولة

كتفت ايـدية و گلت

- اي بهالسـهولة، لا اول و لا أخـر وحدة تطـلگت
بعدين مو عـار تا اخـاف

لوت بـوزها و گالت بطـرف عينها

- شحچـيناا خية
لو الي بعبة معـزة تثغي

سكـتت و ما جاوبتـها..ما اعرف بس الانطـباع الاول الي اخـذتو عنها انسانه تحب تسـولف چثير
و ما يهـمها شنو تحچـية المهم توصل خبر لهذا و هذاك..ما عدها بـس شنو گال فـلان و شنو سوه عـلان

انـداريت على جـدة الگـالت

- يمه صفاء

- ها جـدة

- عـندچ صورة لأبـوچ ؟
خيتي عـدالة تريد تشوفـة

- اي جدة هسا اجـيب صورة

طلعت من الـهول و اني اسمع جلـيلة تهمس بس ما عرفت منـو تقصد

طبيت لغرفـة جدة و اخـذت الجنطة الي اخذنـاها ويانا
طلعت هدومي و هدوم جدة..ظلت بس بيها هدوم ابوية و صهيب و المـستمكات و البوم الصـور
گعدت ادور على صورة اخذها اخر شـي بعرسي وحدو هو و صهيب بالحـوش
تقريبا الصورة الوحيد الظـلت من هذاك اليـوم

اني ادورلها وگـعت عيني على صورة قديمة الـو..اثارت اسـتغرابي لأن اتذكر شايفة نفسـها

على فجاة تذكرتها والله نفسها الي بغرفة عمة انعام
الصورة قديمة و لونها بني..حسيـت النفس ضاق بصـدري و اني ارسـم بالي افكار و وساوس

رجـفت ايديـة و اني ارجعها لمـكانها و سحبت الصورة الثانية جديدة لأبوية
طلـعت و انطيتـها لجدة و مـا حچـيت شي
من طلعت من الهول گالتلي