| ذبـول الاقحوان | "باللهجة العراقية "

|الفصل الخامس و الثلاثون |

#ذبول الاقحوان
#الفصل الخامس و الثلاثون
#بقلم الراوية

.

صـلوا على النـبي 💚

.

صفاء..

رفعـت راسي و صارت عيني بعـين علي
الي اشتدت بحمـره خفيفة و هو يكتم كلامو و يضغط عـلى فكـو بقوة..

تقدم صهيب خطـوة و هو يگول

- علي يلا نرجع اهلك هسا انشغل بالهـم..

- اي علي خلي نرجع

حچـيتها و اني اوگف على حيلي و هو گام و ريم متعلگـة بي
صديت على صهيب الگال

- علي النار شلون نطـفيهاا

- هسا يجون مرتضـى و كريم

حچاها علي برود..و مشينا و اني امشي بصفو و امسح على راس ريم الـي رجعت لحالة الصمت
وصلنا هنا و تلگـونا و علي صاح بكريم و مرتضى يروحون يطفـون النار

صعـدها گبل لغـرفتها و بچي عمتي و عمـة انعام يرتفع

مـددها على التخت و مسح وجهها و گال

- بعد لحد يخليها تعـتب باب الغرفة وحدها

صد و كمل بحـدة

- افتهـتمن لو لاا

- والله يا ابني تركتـها بغرفتها تريد تغفـى

حچتها عمـتي جميلة و علي ما جاوبها
التفـت على ريم الساكته و بس عيونها ادحگ للفـراغ

- بعد لا تسـوين هيچ يبعد اخوچ

و طـلع..اني حرت اروح عليه لو اظـل يم ريم
بس دحگت ريم كلها عـدها..و هو وحـدو

فـ طلعت وراه و اني اصيحـلو..ما يرد عليه بس يمـشي بسرعة..فات للمشتمل و گبل للغرفة
سد الباب ورا و صـاح

- صفاء عوفيني بحالي

وگفـت عند الباب و گلت

- شعوفك و انت بهالحـال..افتح الباب خلي نتفـاهم

- ما افتحه

رد بهالكـملتين و طگ الباب قفل
زفرت و مسحت على وجهي و گـلت

- الحمدلله هي ما بيها شي و عـدت سلامات

- ايي ما بيها شي..بس اريد اعرف ليش يتركوها وحدها

- علي هي بأخر فترة تحسـنت حالتها

- چا ليش رادت تنتحـر ؟؟

حچـاها و هو يفتح الباب..عيونو مـغورقة
و ضاغط على ايدو بقوة تـقدمت خطوة و گلت بهدوء

- اذا انت ما انتبهت فـ احنا وياها
تحسنت عن گـبل و رجعت ترسم و تضحك..و انت نفسك سمعتها شنو گالت..يمكن حلمـانه لو شي صدمها خلاها تـرجع لحالتها
تعرف عمتي ابد ما تعوفها و لا فاطمة..فـ لا تذب الوم عليهم علي