| ذبـول الاقحوان | "باللهجة العراقية "

| الفصل العشرون |

#ذبول الاقحوان
#الفصل العشرون
#بقلم الراوية

.

صـلوا على النـبي 💚

.

صفاء..

تعلـقت نظراتـي بعيونو ورا مـا نطق كلمتو
ريگـي يبس و حسيت كـومة من السجـاجين اختـرقتو
خطوة تقـدمت باتجـاهو..و نبضات گلبـي تسارعـت و اني اگول بعـدم تصديق

- الله عليك صدگ كـلامك ؟

- و الله العـظيم

حچـاها بهمس و انـي حسيت رجلية بعد ما تشـيلني
بس خبر منهم بدون ما اعـرفوا دهـور احوالـي..رچـيت ايدي على المـيز و گـلت بتعـب

- شبيهم راح يطـلعون

چـتف ايديـة و حچـة

- احچـيلچ بوضوح..چنت شاك انو تم تصفيـتهم
لأن هواي نفس وضع ابوچ و اخوچ مـن ثاني لو ثالث يوم يتم اعـدامهم..بس البـارحة اجـاني اتصال من ضابط بالسيطـرة
و هو نفسـة الي سألتـه عليهم..الحمدلله موجـودين و بصحة زينـة

بللت شفـتي و صدري يرتفع و ينزل بصورة جنونـية
الهوا بـدا يتظائل حسيتو بالمكـان

- زين يطلعـوهم

تنـهد و كمل بنبرة ناصـية

- ما اظـن بهاي الفترة..التهـمة ثابته عليهم

- يمكـن تشابه اسماء

حچـيتها و اني اكتـم شهگتي و دموعي
شگد حسيت نفسي ضعـيفة جـدامو منـحنية الظهر و مكسورة الگلب..و هو واگـف بكل عنفوان و متـماسك الاعصاب
و بنبردة باردة گـال

- مو قصة تشابه اسماء..گتلـچ من البداية اكو ناس كاتبه عنهم انو تعامـلوا وي داعـش..و حتى چانوا يهـربون ناس بفلوس تحت اشـراف داعـش

و بانهـيار گـلت

- والله چـذب..والله ربع دينار ما اخـذوا من احـد
شغلهم خطر و جازفـوا بنفسهم و انهـزمنا من تهديد داعش..شلون ينهزمون للجيش و هما متعـاونين وي دواعش

ما رد عليـة و ظل ساكـت..انتظرت جـواب منو بي ظل الصمت سيـد الموقف
و قطعـتو و اني اگول

- يعـني هسا ما يطـلعوهم

- الله اعـلم..

رد برود..و اني مـسحت دمعـتي
و حچـيت بسخط

- اذا ما تعرف شي ليش صحـتلي ؟
ليش خليتنـي اتعلق بأمل لثواني..

- مـنو گـالچ ماكو أمـل؟
اكو اكيد بس لازم نلگـه شهود

قطـبت حاجبي باستغراب و اني اگول

- شهـود شنو

و ببسـاطة رد

- شهود يعني نـاس تعرفوهم و چـانوا وياكم
گـرايب معارف

- احنا ما ظليـنا بنفس المنطقة الي ساكنـين بيها بس
رحـنا لقرية