| ذبـول الاقحوان | "باللهجة العراقية "

| الاربعون|

#ذبول الاقحوان
#البارت الاربعون
#بقلم الراوية

.

صـلوا على النـبي 💚

.

رضا..

فـتت للغرفة و تنهدت من شـفتها گاعدة على الچرباية
منطيتني ظهرها بس صوت بچـيها وصلني..
طبگـت الباب وراي و رحت باتجـاها
گعدت يمها و همست

- سـارة

بسرعة مسحت دموعها..و التفتت عليه و گالت

- ها عيني

- ليش تـبچين

حچـيتها و انه امـسح دمعتها الي طاحت من عينها رغـم محاولات سيطرتها عليهـن

- لا هيـچ بس مشتاگة لأمي و ابوي

- اعرف هاي حجـة..

التفتت عنـي، و انه حظنت وجهها و خليتها تعاينـي
بللت شفتي و گـلت بنبرة حنينه حاولت ما اوتر الوضع اكثر مما هو متوتر
خصوصاً من بعد المعـاتبة الي صارت البارحة بالمـمر

- سارة والله اعرف شـني الي غاثچ و تبچين
و انه غلطـان ادري انو كلامي زعلچ..بس انه ما اعرف الف و ادور انتي سالتي و لحيتي تريدين جواب و گتلچ

- مو زعلانه لأن تحب بگـد ما زعلانه من نفسي

- ليش ؟؟

سألتها و هي ردت بغصـة

- زعلانه مـن نفسي لأن كل ما اگول حالچ تعدل يا سارة انخذل..تعرف رضا شعور الي يتأمل و يرسم امال وردية و فجاة يشوف واقعة ابيض و اسـود ؟
هيچ حياتي ابيض و اسود..گلت راح اتزوج و راح انسعد وي رجال يحبني و احبـة بس كلشي صار عكس ما اتوقع مثل كل مرة

انطيتها مجال اطلع الي بگـلبها
تحچي..تبچي، تعتب المهم ما تظل كـاتمة بگلبها
الله شاهد عليه ما اكرهه و لا اضوج منها..بس هم ما احـبها
احس بس بمشاعر المـودة الي تكون بين اي زوجيـن..
اعرف چانت عندي فرصة انو افسخ الخطوبة و كل واحد يروح بطريقة..بس ما ردت اكسرها اكثر من كسرتها

طلعت من شـرودي على أثـر صوتها و هي تردف بعد ثواني من الصـمت

- ما الؤمك و اگـلك ليش تحبها
لأن انه الدخيلة بينكم مو هي

- لا تگولين هيچ سارة..اصلاً انه و ملاك ما چان بينا شي حتى انتي تكونين دخيلة

- مو تحبها و تحبك
حتى لو ما يكون بيـنكم اي لقاء لو اتصال..المهم اثنينكم شايلين مشاعر لبعض حتلو من بعيد

سكتت انه و ما رديت بحـرف
و هي من شافت صمتي كملت

- بنية حلوة و صغيرة الف شخص يتمناها و انت منهم..اعرف انو انه حجـرة عثرة بطريقـكم و لو انه مو موجودة چان هي حرمتك مو انه
البارحة ظليت افكر و راجعت كلامي بحقك..و اعترف انه غلطت من كملت هاي الزيجة و اعرف محد راح يرتاح بينه..انت تريد جهال و انه مو الانسانه الي تگدر تخلفهم الك
و شفت نفسي راح اظلمك للمـرة الثانية اذا رفضت انو تتزوج وحدة
و انه ما اتحمل وحدة تشاركني بيك..الطـلاگ اهون عليه بمـئة مرة و لا تجيب عليه شريكة
فـ الحل الاحسن كل واحد يروح بطريقة