#ذبول الاقحوان
#الفصل الثامن و الثلاثون
#بقلم الراوية.
صـلوا على النـبي 💚
.
صفاء..
فتحت عيـوني و ريحة المستشفى كفـختني
رائحـة قوية مكروة..حتلو مو مريض بس من تـتغلل لـتجويف انفك يدب الخوف بـأوصالك..من غـمضت عيوني و رجعت فتحتهن تذكرت ليش انـي هين..بفـزع گعدت على حيلي و اني احط ايدي على بطني و صحت على الممرضـة الي وگعت عيني عليها يم مريضة ثانية
- الله يخليچ لا تگولين ابني مات
حسيت على ايـدين تحتظن كتوفي و ترجـعني لمكاني
التفتت و شفتها عمـة جميلة..وگعت دموعي و گـلت بخوف لا تكسرني و هي تگـول ابنچ مات- عمـة الطفل ما بي شي مو ؟
باستني من گـصتي و هي تگول بهمس
- ما بي شي بنـتي والله..انتي بس لا تنفعليـن
ترا راحته من راحـتچتعلقت عيوني بعيونها و اني اگـول
- عمة لا تضحكين عليه
- والله ما ضحكت عليـچ..
ابنچ الحمدلله بخير لا تخافينسكتت و انـي سحبت نفس عبالك چنت بـرميل مي و هسا گدرت اتنـفس..رجعت راسـي على المخدة و غمضت عيوني بقوة
و انـي اگول بهمس- وين علي ؟
- برا بالممر ما يگـدر يفوت نسوان هنا
التفتت و هين يلا استوعبت مكاني..و اني بردهه للنسـوان
رجـعت صديت على الباب من فاتت عمة انعامبس شافتني ابتسمت و جتي صـوبي و سلمت عليه و هي تتحمدلي بالسلامة
چانت عيـوني ادور لعـلي..هسا شنو حالو
اكثر واحد فرح بـهذا الحمل شصار بي..ظـلينا فوگ النص ساعة...و الدكتورة جـتي شافتني و كتبتلي خروج
و انطتني ادوية و گالت ابد لا تتحركين من مكانچ الا تضطرين..جينا نفقد الطفل لولا لطف رب العالميـن..اول ما طلعت من الردهه و اني امشي عبالك على نار..ألـم برجليه و وجع بطني مو طبيعي..جا علي ناحيتي و بعيونو نظرات القلق حط الكرسي المتحرك بصفي و ساعدني خلاني اگعد علية
دنگ عليه و باسنـي من راسي و همس- طاح گـلبي عليچ
- لا تخاف ما بيه شـي..
حچـيتها و هو دفع الكرسي و عمة انعام سألتو عن الادوية و گاللها صهيب راح يجـيبهن
انداريـت على علي و گلت بتساؤل- صهيب هين ؟
- اي خطية هسا راح يجيب العلاج الي كتبته الدكتورة
طلعنا من باب المستشفى و صار گدامي صهيب
الي نفس علي دنگ و باسني من گصتي و هو يتـحمدلي بالسلامة
و گال اروح اشوف العلاج للدكتورة
صعـدت اني و عمة جميلة و انعام ليورا و صهيب ليگدام..من عبرنا المستشفى گلت
YOU ARE READING
| ذبـول الاقحوان | "باللهجة العراقية "
Romanceقـصة حقيقـية 🔵 يا معـذبي و يا مـُر عذبي يـا من عشقـتهُ من اولى وهلاتـي تعـلقت بـتأليب عشقـكَ الأ ان تقطـعت اوردة يـدي احببتـني..احـتويتني..ثـم هجـرتني و نبـذتني..كـ رحمٍ نـبذ جـنين مـن حـبٍ محرماً . حـسناء من غـرب البلاد استطـونت بمـا يسمى قـلباً م...