#ذبول الاقحوان
#الفصل التاسع و الثلاثون
#بقلم الراوية.
صـلوا على النـبي 💚
.
صفاء..
الطـريق بحالة صمـت مدوي
كـل شوية ادحـگ لعـلي..عاگد حواجبـو و هو يضغط على الاسـتيرن بعصبية
اعـرف انو هاي الروحة علي ما يريدها..و لا يريدني اشوف احـد من اهل أمجـد مو بس أمجـدبس المراة طلبت شوفـتي..و اني صح أذتني بس ما كرهتها و خصوصاً من بعد كل الصار
يمكن كرهتها بوقت الي انفصلت عـن أمجـد و كرهة كلامها المسـموم بحقي بس مع مرور الايام نـسيتهادحگـت لتلفوني الساعة بالـ10 و نص الصبح
غلقتو و صديت على علي و گـلت- بعد شگد و نصل ؟
- فد ساعتين هـيچ
حچـاها بدون ما يلتفتت عليه..رچيت راسي على الجام و همسـت
- كـل مرة اصعد بسيارة بس تتحرك گبل انام
بس هسا ما اگـدر- ليش ؟
سألني و التفتت عليه و رجع صد على الطـريق
تعدلت بگعـدتي و گلت- علي تتوقع من تشوفني شنو راح تكون ردة فعلها
رفع اكتافو بعدم معرفة..و انـي زفرت و گلت بحيرة
- تعرف ما تـوقعت بيوم راح يـصير هذا الشي
يعني ما توقعت راح تترجى مني اسامحها- و انتي مسـامحتها من داخلچ
سألني و رديت اني
- ما اعرف..بس اظن اي
علي هـي اذتنـي بوقتها بكلامها و تصرفاتها
تخيل ابنها مستشهـد و الأمة مگلوبه عدهم و الناس محروگه گلوبها على هذا الشاب الي انقتل
و هي تـركض ورايه و تطرد بيه..ما تعرف شگد ضجت منها و كرهتها..بس بعدين صفنت بيني و بين نفسي گلت ان كرهتني لو حبتني ما راح ينقص منـي شي !! هي حچايتها ما يصيرين اثنين حچت حچاية و صارت..گالت گبل ما تخلص فاتحة ابني انتي مو بالبيت و صدقت بكـلامها و طلعتنيالتفت عليه و حچـة بهدوء مصاحـب بالسخط
- و بعد هاي السنين راح تفوتين لهـذا البيت
تروحين حتى تبرين ذمـتچ مع انسانة عمرها ما شالت الچ غير مشاعر الكـرهچتفت ايـدية و گـلت بهمس
- مو بارادتي علي
اي ادري راح تگـول تگدرين ترفضين طلبها..بس تعرف شنو انسان على فراش الموت يطلبك ؟هو ما رد..بس تأففاته وصلـتني بضوجة
دخـلنا للفرع و كل هذا و علي يحچي وي أمجد بالتلفون و اشوف علي معـالم الاشمئزاز على وجهو
و هو يحچي وي امجد تا ينطـيه العنوان لأن اني ناسية اسم المنطقة بس من فتنا للفرع تذكرت مكان البيت بالضبط
أنت تقرأ
| ذبـول الاقحوان | "باللهجة العراقية "
Romanceقـصة حقيقـية 🔵 يا معـذبي و يا مـُر عذبي يـا من عشقـتهُ من اولى وهلاتـي تعـلقت بـتأليب عشقـكَ الأ ان تقطـعت اوردة يـدي احببتـني..احـتويتني..ثـم هجـرتني و نبـذتني..كـ رحمٍ نـبذ جـنين مـن حـبٍ محرماً . حـسناء من غـرب البلاد استطـونت بمـا يسمى قـلباً م...