| ذبـول الاقحوان | "باللهجة العراقية "

| الفصل العاشر |

#ذبول الاقحوان
#الفصل العاشر
#بقلم الراوية

.

صـلوا على النـبي 💚

صفاء..

انـصدمت من تواجـدها و من طـلبها..
دحگـتلها بتعجب شلون اكو ناس عـدها هاي الجراءة؟ حـاولت تشوه سمعتي يم اخـوية و حسب كلام ماهر الله يـرحمو انو جـتي تفرق بيـنا

ما رديـت عليها لو بحرف واحد..
و هي بـهدوء گالت

- عرفت انو انـتي و أمجد انفصلتو

كتفت ايـدية و اني اجـاوبها ببرود

- اي تطـلگنا

بلعت ريگـها و اني چـنت ادحگلها بعدم اهتمام..صح ضايجة منها..بس افكر مجـرد تفكير انو هي من طـرف امجد

- انصـدمت من الخـبر

- يعني ما چـنتي منتظرتوو

حچـيتها و هي تفاجئت
ضحـكت بسخرية و اني اردف

- ترا لا عـبالچ غشيـمة و ما اعرف شنو چان يصير..رجع اعزب حـر هه تلاحگـيه و حطي جـوه جنـاحچ

حچـيتها و اني اگـوم على حيلي، اخذت ملازمي و جنطتي و مشيت خطـوة بس وگفـت بمكاني لمـا گـالت

- يعني چـنتي تعرفيني احبو

انداريت عليها..هي ابتسمت و وگامت صارت مقابيل
تبتسم بـس لمحة حزن بعيـونها
بصراحة ما اهتميت لعيونهـا الغورگت بالدمع..هيچ گلبي من يقسى على احـد
يظل قاسي و بـارد

- و لأن تحبيـنو رحتي شوهتي سمعتي عنـد اخوية

- مـو بيدي والله..اني انانيـة بالحب

- و حقيرة..و حاقدة

سكتت و نـزلت راسها..دحگـتلها و اني بداخلي اگـول
من كل عقلي چـنت اتمنى اصـير مثلها؟؟
تقدمـت خطوة عليها و گلت برود

- تريدينو بالعافية عليـچ ما يهـمني لو قدر ذرة
أمـجد المنتفـح الواعي الي على گـولتچ ما يهتم بالطبقية و الدين..طـلگني تعرفين ليش؟

هزت راسـها بنفـي..و اني بهمس گـلت و عيـني بعينها

- علـمود سنية..و لأن بكل بساطة مـا يگدر يخالف كلمة اهلو و طلگني
أمـجد الي بسببو و بسبب حبچ الو حچيتي علية و ردتي تشوهين سمـعتي..طلـع بس گشور

رمشت بعينها و طبطبت على چـتفها و اني اكمل بقسوة

- روحي عليه و سوي نفسـچ حزينة و متأثرة
تقربي عليه اكثر و خلي يتزوجچ..عود نفسي 13 يـوم و يرجعچ لأهلـچ

مشيت و عفـتها ادحگلي بتعجب و عيونها ادمـع
ضغطت على ايـدي بقوة..جتي تا تكسـرني اكثر و ترش ملح على الجـرح
بس الحمدلله گدرت اسيطـر على نفسي..

كملت الدوام و رجـعت للسكن..مهرة گاعدة تقـرا
و لانا تخابر بابن عمها..و هو ما يقبل يرد عليها..و صايرة نار و تـوج كل شوية