| ذبـول الاقحوان | "باللهجة العراقية "

|الفصل السابع و الثلاثون |

#ذبول الاقحوان
الفصل السابع و الثلاثون
#بقلم الراوية

.

صـلوا على النـبي 💚

.

رضا..

قـبل لا تصير المشكلة الي خلتنـي اتراجـع عن الزواج بسـارة..خلتني اعرف انـو يمكن الفرح ما يحـب يندليلي درب

عرفت انـو ملاك فسخت خطوبتهـا..و عضيت اصابعـي نـدم لأن استعجلت او بالاحـرئ تهورت و انه اخطي هاي الخطوة و اروح اخطب...

اكـيد موضوع فـسخ خطوبتي ما اجه بسبب والله ملاك راح ترجع لبيتـهم لو لأنها فسخت و هـسا صارتلي فرصة اتقدم الهـا..

بالـ4 العصر بدلت و دگيت على سارة انطيتها خبر راح أجـي عليهم..و هي حسيتها فرحـت لأن مرة وحدة رحـت عليهم..
غيرت ملابسـي و طلعت بسيارتـي بوجهي على السـوگ اشتريت كيكة و رحت عليهم
دگيت الباب..و لحظات فتحته..و ابتسامة حلوة على وجهها
فتت و بستها من خدها و هي احـمرت من الخجل
تلگونا ابوها و امـها..ناس محترميـن و كلش نفسهم طيبة و يهلون و يـرحبون..

گعـدت وياهم و سولفنا و انـه اسحب نفسي من نقطة تفكيري بـ ملاك..سارة تستاهـل واحد ما باله وحدة غيرها..بس ما اگدر اتركها
الناس ما راح تحچـي عليه انمـا عليها..و انه ما اريد احـد يجيب اسمها بالشـي الي مو زين..فـ رضيت بقسمتي و نصيـبي و گلت مثل ما حبيت ملاك اگـدر احبها لـ سارة..

ابوها و امـها طلعوا و خلـونا وحدنا..عاينتها و حسيت اكـو حچاي بعيونها..گمت و گعدت بصفها و انـه اجـس ايدها بس هي بسرعة سـحبتها..

عگـدت حاجبي و گلت بهمس

- شمـالچ سارة ؟؟

تعـدلت بگعدتها و بقت ثـواني تعايني گبل لا تگول بهدوء و تردد

- بس امانة لا تـزعل

ضيقت عيوني و گلت

- ليش ازعل ؟؟ صاير شي سـارة

- رضا انـه اريد اسألك سؤال بس لا تزعل منـي

تأفف و انه اگول بنفاذ صبر

- شكـوو سارة صايـر شي

التفتت ليگـدام و گـالت

- رضـا انـه اريد اسالك صفاء..حرمة علي عدها جهـال ! هي چبيرة لو صغيرة

ضيقت عيوني و انه اسالها باستغراب

- لـيش ؟؟

- جاوبني على سؤالي

- مـا عدهـم ترا ما صار اربعة اشهر من متـزوجين
و عمرها هي مواليد 94

- همم يعني مو چـبيرة

- شني داعي هاي الاسئلة

ابتسمت و هي ترد عليه

- مجرد فضـول