| ذبـول الاقحوان | "باللهجة العراقية "

| الفصل الثامن |

#ذبول الاقحوان
#الفصل الثامن
#بقلم الراوية

.

صـلوا على النـبي 💚

.

صفاء..

تـعدلت بگعدتي و اني اعگـد حاجبي بسبب كلامو
و بسرعة گـلت

- ليش عـود؟

و بصـوت ضعيف واهن حچـة

- لأن لازم هيـچ يصير

و بثقة رديت

- ليش تتهـرب أمجـد؟ گـول بسبب جدتي و اريد استعجـل لا روح تخرب

و بصـياح جفلني و هو يحچـي

- ايي من ورا بـيبي
اريد احطـها گدام الأمـر الواقع و نتزوج و شتريد سوي خلي تسوي

و برود عكـس داخلي گلت محاولة اتماسك نفسي

- شـلون تريد تتزوجين و كـل اهلك ما رايـديني؟
شلون راح اعيش وياهم هاا..ناس كارهتني و ما راضيـة على الزواج شلون نتزوج

- بابا شعلـيج منهم !! انـي راح اتزوجـچ و شيريدون يسوون خلي يسوون

- عجـل ما طـول هما شعليـهم جدتك شعلـيهاا
عـليش تقدم العـرس تخاف لا تسوي مشكلة تمنـعوا

و بعـتب گال

- اني اخـاف

تنهدت و مسـحت على گصتي..كمل بهدوء

- اني ما خـايفة منها صفاء
خايفة لا انحـرم منچ

- أمجـد..اذا بدايتـنا هيچ بـاچر عگـبو ورا الزواج شراح يصير

- محـد يگدر يفـك حلـگه لو يعتـرض

سكتـت و ما رديت
و هو اردف ورا لحـظات

- هواي اسبوعيـن و نتزوج..الغـرفة جاهزة الشغلات النواعم نكملهـن على الـسريع..اني رح اتصل بابـوچ و احچي ويا

- و اذا گـالك شنو السبب؟ تگـلو بسبب جدتي

سكـت.و طول سكـوته
تنهدت براحة لمـن گال

- ايي احچـيلة

- خوش عجـل..اني اريد انام

- روحـي اني راسي مصـدع

سلم و سد التلفون..ظليت ادحـگ للتلفون، ذبيتو على الميز و اني امسـح وجهي و استغفر ربـي

مددت بمكاني و اني صافنـة بالسگـف و افكر شنو راح يصيـر ؟؟
بعدنا توي گـلنا بسم الله و بدت المشاكل
عجل من اتزوج و اصيـر بيتهم و گدام عين جدتـو شـراح تسوي؟

نمت هـذيچ الليلة بعد ارق و تفكـير قاتل
الظهر ابـوية حچه ويايـة و گال أمجـد دگ علية و حاچيلـو بخصوص تقـديم الزواج

جـدة چـانت گاعدة يمنا ادحگ عليه ادور حچـايه منها..بلكي تحل الوضـع بس چـانت ساكته و تسمع كلامنا