| ذبـول الاقحوان | "باللهجة العراقية "

| الفصل الواحد والعشرين |

#ذبول الاقحوان
#الفصل الواحد و العشرين
#بقلم الراوية

.

صـلوا على النـبي 💚

.

صفاء..

صوت جـواد خلاني اصحصح و هـو يضربني على وجـهي
مسـحت وجهي و گـمت على حيلي و هو همين
و بتـساؤل گال و عيونو مليـانة حيرة

- علي صدگ چـتل الولد

بلعـت ريگي بغصة و گـلت

- مـا اعرف

فتت للغـرفة و دحگت لـ فاطمة صح ساكته بس واضح البچي و الحزن بعيونها
گعدت بصفها و هي گـالت بهمس

- مـو معقولـة علي يسوي هيچ

مـا جـاوبتها و هي صدت عليـة و اردفت بحـرگة گلب

- انتي مو حـرمته گوليلـي علي يسوي هيچ لو لاا

نزلت راسـي و غصيت بدموعي
مـرتو؟ يمكن بس بالجنسية شايلة هالأسـم..ما اعرف عنو اي شي..شنو يحـب و شنو يكرهه
كل الي اعرفو محد بينـا يطـيق الثاني

العم حـسن و زيد طلعوا لـمركز الشرطة
و البـيت صار عبارة عـن صندوگ و مسـدود على الكل
كل اهـل البيت الحـسرة و الحيرة بعيونهـم..محد يصدگ سوايت علي..الكل يحلف علي ما تـوصل بيه المواصـيل لهـاي الدرجة

ما انكـر چنت مقهورة..و من داخلي دعيت يكـون بريئ
مـوقفو وياي بالشقـة غيرت ولـو القليل من نظرتي ناحيتو..ما اريد ارجع لنقطـة البداية

.

فاطمة..

مـرات الوجع و الالـم اذا ما ظهرته للـعلن
يكتلك و هـيچ صار وياي..اهيس الكـل شايل هم علي
بـس محد فكر بحـال غيث
اذا مات لو بعده عـدل..تركت ريم و صفاء و صعـدت لـغرفتي

فتت و طـبگت الباب وراي..اريد ابچي اصرخ بدون محـد يحاسبني..بدون ما يسألـون ليش تبچـين

مددت على الچـرباية و انه اعاين بالسـگف..و كل لحظة مع غيث تنـرسم من بالي

مـن اول مرة عـاينته بيها بالبستان گـبل عام
بوكتها چـنت اكرهه و ما زلت اكرهه بيـت جابر

بس غيث اجـه مثل النسمة الباردة الخـلتني اتعـلگ بي، چـنت انه و ريم بوكتها و هو ما شال عينه عـني
و ابتسامة علـى خدة..تـكررت لقائتنا
و صرت هـواي اشوفة..بدون ما اهـتم اله

بس بيوم طـلعت للبستان انه و ريم و البقيـة..گـبل لا تجي صفاء بـ اربعة ايام هيچـي

لمحـتة من بعيد و تحجـجت اروح ادور سواري طايح
من صرت جـدامة گال بدون اي مقدمـت

- انه احـبنچ

رمـشت بعيوني و انـه احاول استوعب كلامة
ابتسـمت و مد ايـدة و هو شايل سوار خرز ناعم