Angelzy, You're Mine Forever - Old Maid Series 3 (COMPLETED)

KABANATA 2

Warning: Expect wrong typo and grammatical error ahead...
Un-edited update.
               **************

    "Ate, do you think na magiging successful iyan plano mo na ituloy pa rin ang kasal nila Rhaime at Dylan, gayong alam natin pare-pareho na umatras na si Rhaime?" May pag-aalinlangang tanong ni Ysmiellien sa kaniyang Ate.

    Tinawagan ni Angel ang kapatid na si Ysmiellien sa Ina para humingi nga ng tulong dito para sa plano niyang pagtuloy pa rin ng kasal ng kaibigan nitong si Rhaime sa kaibigan naman niyang si Dylan.

    Nalaman din kasi niya na si Rhaime pala ang palagi nitong kinukwento sa kaniya na malapit na kaibigan nito. Never naman kasi nagbanggit ito ng pangalan sa kaniya basta makapagkwento lang.

    Minsan nabangit ni Mond sa kanila na ayon daw kay Sansky na sa Isla sealandia raw plano magpunta ni Rhaime para ubusin ang mga natitira pa nitong araw ng bakasyon.

    Ang Isla sealandia o mas kilalang sealandia pradise ay pag-aari ng Ama ni Ysmiellien.

    Dalawang taon lamang siya ng iniwan siya ng ina sa poder ng Papa niya, halos ito ang kasa-kasama niya sa kaniyang paglaki. Ganoon pa man, ay hindi naman nagkulang ang kaniyang Papa na ilapit ang kaniyang loob sa Ina kahit sabihin pa na lumaki siya at nagka-isip nang mga panahon na iyon na hindi ito kasama, at tanging sa mga tawag at sulat lang sila may komunikasyon.

    Paminsan-minsan ay umuuwi ito ng pilipinas noon. matagal na ang isang buwan na pamamalagi nito at sobrang tagal naman na ulit bago iyon muling masundan.

    Nasa grade one na siya noon ng mag-umpisa siyang magtanong sa kaniyang Papa kung bakit ang Mama niya ay mas matagal namamalagi sa Amerika gayong nandito sila pareho.

    Ang tanging paliwanag lamang nito sa kaniya ay masiyado raw abala ang kaniyang Mama sa pagtatrabaho doon. Dumating sa punto na naging tampulan siya ng tukso ng mga kapwa niya bata dahil nga sa sitwasyon ng pamilyang mayroon siya.

    May mga pagkakataon pa na madalas itawag sa kaniya ng mga ito ay anak siya sa pagkakasala na ipinagwawalang bahala lang niya, dahil hindi naman nga niya pinapansin ang mga pang-aasar ng mga ito sa kaniya.

    Pero habang unti-unting nagkaka-isip sa murang edad, at ma-realize ang  mga salitang kaniyang madalas naririnig sa mga ito ay dito na siya naging matanong sa Ama.

    Gayon na lamang ang kaniyang sama ng loob na naramdaman ng malaman niya ang buong katotohanan na magpinsan buo pala ang kaniyang mga magulang.

    Minsang nagmahalan daw ang mga ito at hindi inisip ang panghuhusga ng tao. Katotohanang nagpabago sa musmos niyang isipan at nagpamulat sa kaniya ng salitang katatagan.

    Kaya pala madali lang sa Ina ang magpasyang iwan siya sa kaniyang Papa at magpuntang Amerika sapagkat na petisyon na pala ito ng mga magulang nito doon, at doon na rin nakapag-asawa agad at si Miellien nga ang naging anak ng mga ito.

   Kaya pala hindi ang epilyido ng kaniyang Papa ang gamit niya kundi ang sa kaniyang Ina. Naisip na lamang niya na marahil iyon ay dahil sa hindi kasal ang mga ito.
  
    Maaga siyang namulat sa pagiging indefendent at tanging ang kaniyang yaya lamang ang kaniyang naging kasama sa kaniyang paglaki kaya halos ito na ang itinuring niyang pangalawang Ina.

    Ang kaniya naman Ama ay masyado rin abala sa trabaho ng mga panahong iyon kaya naman madali lang para dito na payagan siyang mamuhay kasama ng yaya niya.

    Sa edad niyang trenta'y tres ngayon ay masasabi na niyang sobrang stable na siya. May trabaho, may sariling bahay, sariling kotse at may ipon na pera sa bangko. Ang lahat ng iyon ay na-invest niya dahil sa pagtatrabaho sa bestfriend na si Dylan bilang personal secretary nito sa loob ng sampung taon.