Melting You Softly (Student Series #1)

Chapter 9

Chapter 9

My head was pounding as though it would suddenly detonate. I'm physically stagnant until we have completed the last step of our enrollment process. Ganito talaga ang nangyayari sa akin sa tuwing hindi nakakakain ng mabigat sa tiyan na almusal.

Bukod sa nakita kami ni Mama at wala naman akong mukhang maihaharap sa kanila, dumating na rin agad si Dwight dahil sa napag-usapan naming oras. Pinapasok ko muna siya at saglit na ipinakilala kay Mama bago kami umalis.

Although Mama knows I slack off whenever I skip breakfast, she had no choice but to let us go, or we'll be late. At bakit naman ako papayag pa lalong makasama sila sa breakfast kung nandoon din sina Tito Miko at Tita Dias? The former and Papa will just make the whole breakfast in chaos if they're together.

"Dapat ay dumaan talaga muna tayo kahit sa drive thru. Namumutla ka na, Izzy," nag-aalalang untag ni Dwight habang naglalakad kami palabas ng ICT Unit.

Nagbaon naman ako ng sandwich at saging na kinain ko sa sasakyan niya kanina. Problema lang dahil hindi talaga sapat iyon sa akin para sa almusal.

"Punta na muna tayong Dagohoy para kumain..." he said when I didn't speak.

Mag-aalas dose na kaya tumitirik na ang araw na nakapagdagdag sakit sa ulo ko. Kinuha ko ang panyo sa bulsa ng jeans at ginawang pamaypay sa akin.

"Sorry, I forgot to bring an umbrella."

I smiled faintly. "Ayos lang."

He softly grasped my arm to support me even though I could carry on alone. Ang hawak niyang envelope ay ipinatong niya sa ulo ko para magsilbing panangga sa araw kahit paano.

Malawak ang UdLAT pero hindi rin naman imposible na may makasalubong kaming kakilala rito. Unibersidad de La Trinidad is a state university that offers low tuition, one of the best options for students who are financially challenged or unable to pass the entrance exams of any other state university that has no tuition at all.

Ang alam ko ay meron namang scholarship program ang UdLAT para sa mga estudyanteng nais talagang walang bayaran na tuition at para magkaroon ng allowance every month. There are also other Student Financial Assistance or scholarship programs you can apply to as long as you meet the requirement.

Currently, there are many opportunities for students that will let them enjoy and maximize free, good, and even high quality education. Nasa estudyante naman iyon kung gustong pumasok sa university nang libre, may kaunting babayaran, o 'yong may pangmalakasang tuition every sem.

Hindi naman kami sobrang yaman kaya mas mabuti na ring maging praktikal sa pagpili ng papasukan. Plus, nandito rin naman ang gusto kong kurso kaya ayos na ako rito.

"Narinig ko kanina sa pila roon sa main building, nagkakaubusan na raw ng slot for Accountancy. Grabe, 'no? Balita ko ay mahigit dalawampu na ang section para sa program na 'yan pero paubos na. May susunod pa namang batch sa atin."

Madaldal na ako ulit dahil nakakain na kami rito sa Dagohoy. It is an open area at the university where you can choose what to eat from various stalls. Sementado ang mga upuan at mesa na gamit dito at may mga puno naman kaya kahit paano ay may masisilungan.

May mismong canteen naman ang unibersidad pero mas malayo iyon mula sa ICTU kung saan kami nanggaling kanina. Sabi rin ni Harley ay mas mura at mas maraming pagpipiliang pagkain dito sa Dagohoy kaysa sa canteen.

"Disadvantage talaga iyon para sa mga mahuhuling batch sa enrollment. Base pa naman sa result ng UdLATET ang schedule mo kaya mauuna talaga ang mga nakakuha ng matataas na score."

Ipinatong ko ang siko sa mesa at bahagyang humilig. "Ano kayang mangyayari kapag hindi nila nakuha ang degree program na gusto nila? Lilipat sila ng school o ibang program na lang ang iti-take?"