Melting You Softly (Student Series #1)

Chapter 27

Chapter 27

The main library wasn't open yet when we arrived at the university. Pumunta tuloy muna kami ni Axe sa tagpuan namin sa Dagohoy para doon tumambay. Mag-aalas sais na rin kaya maliwanag naman na sa puwesto namin.

"What time did you sleep last night?" he asked after we sat abreast on the cement bench.

The whiff of his Johnson's cologne never left my nostrils. Nilapag ko ang maliit na bag sa ibabaw ng mesa habang ang kanya naman ay nasa tabi niya.

"Secret," I said and stuck out my tongue, chuckling.

Kinagat niya ang kanyang labi at tumango. Ngumisi ako at kumuha na ng coupon bond at ballpen sa bag.

"Last day ng exam niyo ngayon, 'di ba? Ilang subject na lang 'yon?" Sabay lingon ko sa kanya.

Tumagilid ang kanyang ulo at mataman akong tiningnan. "Secret."

Bumulanghit ako ng tawa at tinampal-tampal ang braso niya. Umiling siya at bumaling sa sariling bag. Umusog ako palapit pa sa kanya bago ikinawit ang braso sa kanya.

I sniffed on his grey hoodie. Hindi pa nakuntento at idinikit na mismo ang ilong sa malambot na tela.

"Pahiram," bulong ko at kinalabit siya nang sunod-sunod.

"Nilalamig ka pa?" bulong niya pabalik nang bumaling sa akin para pasadahan ang aking uniform.

I giggled. Nasa bag ang vest ko at hindi naman ako nilalamig nang sobra sa katawan dahil naka-long sleeves.

I looked down at my crossed legs. Dahil nakaupo ay mas tumaas pa iyon kaya hanggang kalahati ng hita ang exposed. Tinapik ko iyon bago muling tumingin sa kanya at ngumiti.

He avoided my gaze and slightly pulled his arm from my hook. His poking adam's apple bobbled as I freed up his arm so he could remove his hoodie. Ngumisi ako habang pinapanood siyang inayos iyon sa ibabaw ng hita ko.

I leaned near his ear and whispered sweetly, "Thanks, baby Axe."

His thin, pinkish lips clamped, thrusting his chin up faintly. Tumingin siya sa bond paper na inilabas ko.

"M-mag-aral na..." Mariin siyang pumikit nang nautal. "Izzy, nandito tayo para mag-aral."

Suminghap ako nang humilig siya patalikod at hinawakan ako sa magkabilang balikat para maitulak nang bahagya palayo sa kanya. Hindi pa nakuntento at umusog pa sa kaliwa bago inilagay ang bag niya sa pagitan naming dalawa.

"Hmp!" Umirap ako at sinimangutan siya.

He pointed at my things before he took a brief look at his black wrist watch. Tamad kong ipinatong ang magkabilang braso sa mesa at nagsimula nang magsulat.

Occasionally, I would move my left elbow to nudge his hand whilst he was writing. Matagal niya iyong tititigan kaya inilalayo ko rin sa kanya.

"What's your favorite subject, Axe?" I inquired out of nowhere. "Sa mga subject niyo ngayon?"

"General Biology," he replied fast.

"Least favorite?"

"Physical Education."

Napahawak ako sa braso niyang mas makinis at malambot pa yata sa akin. Pinisil-pisil at kinapa ko pa paitaas ang braso niya. Tumigil siya sa pagsusulat at bumaba ang tingin sa braso niyang hawak ko.

"Wala ka pong makakapa diyan," aniya.

Humalakhak ako. "Meron, ah! Balat, siyempre."

Kumunot ang noo niya at sinubukang hawiin ang kamay ko.