سلالة العنفوان ..(ذنب عيناك)

مشهد من القصه

جريت نفس واني ادعي الهم بصدق نية...اللهم لا تفجعنا بأنفسنا ولا أهلنا ونعوذ بك من مصائب الدنيا وتقلب حوادثها..
اللهم إنا نخاف الفقد فلا تحملنا ما لا طاقة لنا به”. ياربي احفظ اهلي بعينك الذي لا تنام...

لبست جاكيتي ومسحت دموعي بكم الجاكيت من اغمض تجي معاناتهم وعذابهم كدامي وهذا الي يعذبني ويدمرني اكثر...

حاولت اتغاضه عن الموضوع كعدت بيبي للصلاه هي فزت مرعوبه ...هااا يده «جده » شني شصاير ياهو الاجانه

حطت ايدها علئ صدرها وتنفست براحه ....رحنه اني وياها توضينه وصلينه

بعدها طلعت للبستان اني ما احب اتريك من الفجر احب يفوت وقت يالله...

ابتسمت...لا تخافين بيبي محد بس اذن يله انصلي...

صاحت عليه...غربه « قربى » يده لا ترحين بعيد لا تضلين الطريج وبعد ياهو يرجعج...

ابتسمت وطلعت للبستان واني اشوف روعة الورود وحفيف الاشجار وعبير الريحان...
صرت امشي بالبستان وابجي...اني شسويت بهل دنيا حتئ درب السعاده يعاندني ...روحي يا دنيا والله كرهتج وكرهت هل عيشه بيج...

باوعت للسما واني اشوفها تستقبل الشمس ابتسمت بذبول...هنيالج تغيبين باليل وما تشوفين المأساة...بس اني وين اروح من يجيني اليل...

مسحت دموعي واني اشوووفه من بعيييد اجه گلبي ضل محتار وين يروح ودگاته صعدت للالف...

بلعت ريگي تلقائيا وابتسمت بخوف وحزن...بس ضلت عيوني مثبته عليه...

وصل عندي وابتسم كال...ول يابه كاعده من الصبح تتستقبليني مووو؟

بلعت ريكي الجاف واني ارمش...ايييي ...لا لا ما اعرف هو اني هنا اكعد من الصبح..يعني هيج حياة بيت بيبي

تقرب مني وجر نفس كال...مشتاقلج يووول

استبشرت ملامحي وتنفسي طار مني نزلت راسي بخجل...اي والله اني اكثر شلونك...

باوعلي من فوك ليجوه وهو يقيمني جنت لابسه ثوب بي ورود بس كصير شلون الفستان وبي دكم من صدره ولابسه فوكه جاكيت كصير

تقرب مني ولزم ايدي كال بتنهيده...ول ياااب هذا لبس تلبسينه
باوعت الملابسي ببراءه ورجعت باوعتله وعصرت جاكيتي بيدي...شنووو مو حلوو بيبي خيطته اليه هسه

سحب نفس وزفره...لا بويه حلوو بس وادم جثير هنا وانا ما احب واحد يدحك عليج

رفعت عيوني وشتت نظري وبعدها باوعت للورد ابتسمت...شوف الورد شلون حلووو ههههه

باوعلي بنظرات جريئه...دحكت عليه...مو احله منج

قطف ورده وقدمها اليه باوعت اله وابتسم بحزن...لا ليش خطيه يمكن تكون هاي الورده ام وانت فرقتها عن اطفالها 

گلبي يخفق بقوووه من كلامه ومن نظراته مجنت اعرف شنو اسوي بس كلبي واديه ترجف..

رفع حاجب...اكضبج هسه واذبحج بيدي يولو شويه رومانسيه لخاطر السماوات...

ابتسمت واخذتها من ايده...لا لا شكرا شكرا بس خطيه شوف الورد من يمها هوايه حسيتهم اطفالها يالله مدام انت موتت امهم اني حداريهم واربيهم وحيكونون اطفالي...

جر نفس...تحبين الأطفال

جاوبته بفرحه...ايييي اموت عليهم حتئ مقرره من قبل من اتزوج اخلف فد عشرين طفل...
استغربت...شنوو يعني شنو نشط

ضحك...متعرفين شنو نشط عجل شلون تردين عشرين طفل؟

برطمت شفايفي...ما اعرف هسه غير دكول شنو نشط ؟

باوعتله باستغراب...يعني شنو انت نشط قوي ؟

تقرب مني بلهفه ولزم ايدي كال...يعني قوووي عنده نشاط مثلي...غمزلي

ضحك وغمزلي مره ثانية...تجربين ...انصحج جربي وشوفي

ضربته علئ صدره...انت شتقصد مبينه نيتك مو صافيه .. عفيه خلي نيتي صافيه حتئ اطفال بعد ما اريد

عفته ومشيت واني لازمه الورده وهو صاح عليه...وين رايحه يبووويه مو تردين اطفال ههههه

استنشقت الورده وابتسمت واني استمع الضحكته الرنانه

رجعت لبوابة الحزن واني اتذكر اهلي وعذابي عليهم يارب يجمعني بيهم ويخلصني من هل هم الكاتم علئ صدري...