سلالة العنفوان ..(ذنب عيناك)

الذنب29ج2

رواية...ذنب عينيك..سلالة العنفوان
منقوله للكاتبه...نور سمو العراق

💔💔💔💔💔💔💔💔💔

‏الوقت لا منطق له. نقضي حياتنا في اللحاق به.. وحين نتعب ونكفّ عن مطاردته، يأتينا بأمنياتنا القديمة لاهثة، بعد أن نكون قد تغيّرنا وتغيّرت هي بمرور الزمن.

‎#شهيًّا_كفِراق

...................

رغم البعد ورغم تعاسه الموضوع ورغم مرات نتانسئ أشياء غصبا عنه بس لازم يرجع هل ماضي ولازم الذكرئ تعود ولازم نشوف المجرم بعيونه ونتقابل لو بعد حين
واذا ما قابلنه الي ضلمنا بالحياة وناخذ حقنا منه راح نقابله بالاخره والله هو الحاكم بينه وهو خير الحاكمين...
من دخلت بثينه بوجهه مخطوف من دون اي سلام من دون اي كال بسرعه كالت...اطلعو من المستشفئ اطلعو عمج وشرهان نصبولكم كمين ما يردولكم الخير
ماكو دقايق اقل من تلاثه وما اشوف الا المجرم الي قتل امي دخل بكل حقاره لغرفة علي
من شفته احس الكون تكسر فوك راسي احس واحد طعني بسجين صعببب تشوفين الشخص الي هو سبب بتعاستج
صعب تشوفين الشخص الي قتل نبع الحنية كلها بدم بااااارد وصعب من تشوفين هل شخص الي هو سبب بدمار عائلة كاملة والاصعب من هيج نحمل نفس اللقب نحمل نفس الدم ...
غمضت عيوني بجزع مميت صعبببه حييل من اشوفه عايش حياته يسرح ويمرح وهناك مضلومين ينتظرون رحمة الله بالانتقام من هل كائن البغيض
انتي يا قربئ اهلج ما اعرف اذا ماتو او لا امج ماتت علئ ايد هذا السفاح وانتي ما اخذتي حقها ورضيتي بالضلم وسكتي عن الحق صرتي شيطانه خرسه يا قربئ...احجي نفسي والوم بيها واكو دافع يدفعني للقتل ...
هو من دخل سحب بثينه من ايدي وضربها راشدي بحيث التفت من قوة الضربه و وكعت ما تماسكت جان ثووور وحش ضخم واكرع وعيونه جاحه شكله يخوف وبثينه بالنسبه اله لا شئ مثل الصفر
رفعها مره ثانيه وهو يصرخ بيها...ولج كلبه ادبسز كح...شعندج هنا شجابج
ردت عليه بخوف وقلق وهي تبجي...اا اجيت للمستشفئ اخذ اشع
بعدها ما مكملة كلامها وجابها براشدي الثاني طير ملامح وجهه وهي صرخت مره ثانيه
صرخ بيها...ولج اني مراقبج مراقبج من زمان بسيطه اذا ما عدمتج بيدي وشنقتج فلا اطلع فياض بهاي ايدي اخنكج
جنت اباوعله بنهيار من كلها اخنكج واشنقج تخيلته شلون يخنك بامي شلون قتلها وشلون زهك انفاسها بيده
ما كدرت اكتم  اكثر بداخلي جان اكو مقص يستخدمو مرات المضمدين من يجون يعالجون علاوي ويفتحون الشاش اخذته بانتقام  صرخت بصوت عالي وهجمت عليه
اصرخ بعلو صوتي حسيت الاوتار الصوتيه تكطعت... يا حيووووان يا مجرم ياااا قاتل اليوم اكتلك والله اليوم اخذ حق امي واهلي منك كتلتهم
ضربته بجتفه نبتت المقص بي بس هو سحبه وشمره
ولزمني من ايدي بيده والثانيه خنكني بيها وهو يهز بيه واني دموعي تنزل بغزارة
كال بحده وانتقام...بسيطه تتهددين عليه الا الحكج بامج 
صرخت بي بانهيار...يا كلب يا حيوان انعل لابوك لابو الخلفك الا اشتكي عليك وخليك تموت بالسجن
دخلو الممرضين علئ صوتنه والناس كعدت تفارغ اني اغلط عليه وهو يفشر عليه ويكول...فتحتي عليج ابواب جهنم ولج ساقطه اني الج الا اطلكج من ذياب ورجعج اسويج مدمغه وخدامه عندي
من بين الناس والنسوان لازماتني صحت عليه...ما عاش الي يسوويني مدمغه يا مجرم يا قاتل هذا كتل اميي هذا خنكها والله هو موتها ...« اصيح بالمستشفئ كالبه الدنيا من حركة كلبي  »
هو اخذ بثينه ويصيح ...لا تصدكوها وحده جذابه انجنت لان زوجت بنتي الصاحبها
انصدمت ..!!! صاحبي شرهان النذل مثلك صاحبي ولك يوم عيد يوم الخلصت منك ومن العار ابن اختك يا زبالة الزلم
هو اخذ بثينه وطلع واني النسوان تهدي بيه شفت ذياب من انفتح باب المصعد وطلع منه تركت النسوان وركضت عليه واني ابجي...ذيااااب الحك ذياب تعال شوووف شصار بيه
باوعلي مرعوب ولزم اكتافي  مصدوم من انهياري كال..شبييج شكو شصاير منو الي اجه
شهكت من بين دموعي...فياض العار اجه وتعاركت وياه وضل يتهدد
فتح عيونه بصدمه كال...وينو وينووو هل زمال والله اطيح حضو اليوم
شهكت واني امشي وراه والدموع تتطاير من عيوني...راااح ذياب لازم ما نضل بالمستشفئ هذول كل شئ يسوون
دار وجهه عليه وعقد حواجبه...شنو قصدج ؟
بلعت ريكي وفركت اديه بتوتر ...امشي خلي اسولفلك هل ادبسز شلون يهددني
دخلنه لغرفه وهو بيده الاوراق وجهه محتقن كال...اي احجيلي احجي بسرعه
شهكت من بين دموعي ...اجت بثينه بنت عمي ضيدان وكالت اطلعو منا عمي وشرهان ناصبيلكم كمين وما اشوف الا عمي هجم عليه وضل يضرب ببثينه
اني ما تحملت تخايلته شلون كتل امي انهرت وضربته بالمقص وهو ضل يتهدد عليه وكال والله الحكج بامج
شد علئ شفايفه بقسوه وجر نفس كال..يا كلب ما عاش الي يمس منج شعره يا قربان ما رايد روحو
وكف كال...انه هساع اجي لاتتحركين من مكانج وسدي الغرفه عليج لا تفتحيها الا للمضمدين والدكاتره مفهوم
لزمته من قميصه بخوووف...وين رايح
احتضن وجهي بحنان ...هسه اجي لا تخافين
بجيت برعب وتمسكت بي اكثر...لا متروح
ضحك...هههه ول عليش شبيج بويه لا تخافين ما رايح بعيد هساع اجي اكو علاج لازم اجيبو من الصيدليه لان هينا ما موجود
باوعتله بحزن...ذياب لا تكذب عليه وين تريد تروح
جر نفس ...وين اروح يعني عمج وابن اختو تمادو جثير وانه جزعت منهم ومن العيشه وهم موجودين وشافوني ساكت تمادو اكثر واكثر ...
تنهدت ومسحت بقايا دموعي...خيولون ذياب حقراء يردون يحققون غايتهم ويستفزوك خليهم يولون
واني من حجيت الك هسه تندمت بس اني اجيتك ملهوفه وخايفه ومصدومه من الي صار ولو اعرف بيك هيج تسوي وتريد تروح عليهم ما اكلك اني ما اريد مشاكل وياهم
غمض عيونه باسئ...بويه هو منو مسوي وياهم مشاكل هم يشترون المشاكل شرايه هم يردون يتخلصون منج انتي لان انتي تفتحين عليهم قضايا
تفتحين عليهم ابواب جهنم انتي الوحيده من اهلج الي عشتي وتواجدتي بينهم وعرفتي حقيقتهم وهم يخافون علئ نفسهم منج فلازم يتخلصون منج وانه هذا الشئ لا يمكن ارضئ بيه انتي خط احمر تكاون ويه الكل الخاطر عيونج
ابتسمت حزينه...اي اني الوحيده الي ضليت واني الي اريد اخذ بثار اهلي ولو مو طالع بيدي شئ ولا اكدر اخلق فد قوة خارقه النفسي وانتقم منهم
ما اكدر اشوف البهذله واسكت عنها ما اكدر اتذكر امي ماتت مضلومه والقاتل عايش حياته وكأن ما صار شئ
باس عيوني وهمس...الله موجود يا بويه وهو المنتقم الجبار ينتقم من كل ضالم وان شاء اللة كل واحد ينال جزاءو لو مهما طالت المده ...
سحب نفس عميق وزفرته....ما اعرف شكول ذياب بس غصه بداخلي تخنكني
باس راسي...الله كريم خلي الايمان علئ صدرج وخلي ثقتج ربج جبيره
همست...ونعم بالله
بعدها كتله...اي ذياب علي شلونه تحليلاته والاشعه
بلل شفايفه بحيره كال...احسن من قبل بجثير
رحت يم علي النايم مثل الملاك بسته بين عيونه وهمست...الحمد الله
ضلينه شويه كاعدين بس هو احسه كاعد علئ نار حتئ من احجي وياه ما منتبه عليه خفت منه حييل خفت لا تصير مشكله
دخل الشامخ علينه كال...هاا بويه شلونه الشيخ
رد عليه ذياب بتنهيده...لا الحمد لله بخير طلعت تحليلاته والاشعه يكول ديتحسن شويه وهو طفل عظمه قابل للعلاج مو مثل الجبير
الشامخ...عجل الحمد لله هذا الكلام الي يريح الكلب
وكف ذياب كال...انه رايح اخذ الاوراق للدكتور جدي دير بالك علئ قربئ وعلي لا تخليهم الوحدهم
فتحت عيوني مصدومه عزا حيروح ما كدرت امنعه واحجي خفت من الشامخ ...
طلع واني ضليت مثل الضاربته عاصفه هوجاء صرت مثله يحجي ويايه الشامخ واني بس اصفن وبالي مو عنده ابد...
........................
فاروق
رجعت من الكليه تعبان هو انه وجهه كليه انه وجهه ملاهي ركص بارات شكلي مو مال دراسه بس غير كله من وره سوزان
مخلصتها نوم سوزان وتنعوص عليه والله شني تتنسي ...
سبحت وبدلت رحت للمطبخ ما ردت اكعدها خطيه سويتلي لفه وخياره واكلتها والله لو تدري جدتي صالحه بيه اكل خيار وخبز وسوزان نايمه الا تخبزها خبز
حسيت اكو حركه باوعت من ناحية الباب مال المطبخ شفتها واكفه بالباب وتحك بشعرها بطفوله
لابسه مالبس مال نوم ستن وبيهن دبب صغار كال وهي تتثاوب...اجيت حبيبي
رديت عليها...لا بعدني بالازدحام
ضحكت...هههه شدتاكل
هزيت ايدي...خياره وخبزه
ابتسمت...نعمه من الله احسن من ماكو
جريت نفس وزفرته شحجي شكول مضلوم وحق مكه سكتت جااا اذا حجيت سوزان تضل ترطن بالاتكيت عليه
اندك الباب رادت تروح تفتحه كلتلها...اوكفي يبا انه رايح
طلعت وانه اعلس بخيارتي والخبزه اليابسه جني صخل
فتحت الباب وفشلت ذيج الفشله ما اتمناها بس لعمتي صبيحه
مرة ابو سوزان جانت جايه لابسه ستره سوده وتنورة كصيره سوده وقميص ابيض جوه وشعرها مخليته علئ صفحه من جتفها ومشسورته وهي شايله بيدها كارتونه ما عرفت شنو بيها اخذتها من ايدها بسرعه طاكتني الجوعه
وابو سوزان شايل بنت ذياب غدير لان اذا عدنه دوام نخليها يم يم مرة ابو سوزان
دخلو كلهم وسامر اخو سوزان وياهم سلمت عليهم ودخلنه جوه
صحت عليها اجت سلمت علئ اهلها واخذت الكارتونه رحت وراها كلتلها...شبيها الكارتونه بس لا كتكوت
ضحكت كالت...هههه والله ما اعرف دا افتحهه واشوف
فتحته وانه من الجوع انسحنت روحي ما مخلين شئ ما جايبينه شلون ناس مرتبه مخلين الكبه بحافظه والكباب بحافظه والزلاطه كذلك وكلهن لونهن وردي وكيك صغار مدري شيسمونه كلهن بهل كارتونه
جاااا مثل جدتي مره جنت اشتغل حارس علئ مدرسه ومرات اجوع باليل عود مخليتلي متاع وصارته بثوبها وانوب بعلاكه وانه مكيف بيهن كدام صديقي ويوم الفتحتهن تطلع بيتنجانه لا مكلايه لا مشويه وانوب شكبرها يكول ركيه مو بيتنجانه
من الجوع فشكتها واكلتها هيح عبالك اكل بفلين لا انوب من تحجي جنت فاروغ مدللته دلال فاروغ مدلل محد يلحكه انه ربيته
وانه مره مواعد وحده ولابس كلاسيكي بنطرون وهي جانت الموده البنطرون العدل قبل لا اروح لفيت البنطرون وسويته عدل من وصلت الها انفتح ورجع كلاسيكي عن اي دلال تحجين جده...
والله واكعد بالمطبخ واكل ورد ليوره وادعي لابو سوزان ومرته لو هيج النسيب لو ما ينراد شحلاتهم
ولو هو لازم يجيبلي طلي زوجته كتكوت بعد ما جان متزوج وحسناوي الوحش « الحسناء والوحش»
طلعت يمهم كلتلهم..اؤله بالخير يابه
ردو علية...الله بالخير والعافيه
شويه واندك الباب رحت فتحته طلعت ام ذياب عاد ام ذياب كاعده مصدومه مكابلة مرة ابو سوزان
ابو سوزان كلها... بابا سوزي اليوم اجينه وجايبين ويانه خبر راح يسعدج اكيد
ابتسمت سوزان بحب كبير لابوها...شنو بابا فرحني
حط اديه على جتف نادين وقربها لصدره كال...نادين حامل ان شاء اللة راح يجيج اخ جديد
سوزان اندهشت من الخبر وضلت بحالة صدمه
وانه وكفت وحضنت ابو سوزان...مبروووك ابو سوزان ان شاء اللة مرتك تكوم بالسلامه وشايفين كل الخير يارب والله هل خبر فعلا اسعدني
سوزان فركت اديها وردت بهدوء...مبروك ان شاء اللة
ضلو كاعدين وبعدها راحو بس غدير ضلت يم سوزان وام ذياب
كالت ذياب...زعلانه وفاء دكول ليش ما قربى خلت غدير عندي وحذيفه يكول اي عود عليش تخاف لا نطمع بيها احنه ما ردنا بس نكوم باصلنا ونسوي الواجب احسن مخليها يم الغريبة مرة ابو سوزان
جاوبتها ...ام ذياب قربئ من اخذت بتها مو ما تريدها يم وفاء بس ما تريد يكون بينهن بعد هي كل يوم تجي تشوف بنتها من تجي تسبح وتأخذ اغراضها
بس اذا ضلت بالغربية شلون راح تشوفها ترا خطيه مو قصدها قربى لا كل شويه و وحده منهن طلعت الها سالفه عليها هي جهالها ما تحب يبتعدون عنها وعلاج علي يطول ما تكدر ما تشوف بنتها اكثر من شهر تره هي ام وطفلتها رضيعه اكيج يعني اذا تشوفها دقايق احسن ما تفاركها شهر
وبعدين ترا سوزان بس اذا عندها امتحان تروح للجامعه وكل عندها غدير ومرات تاخذها مرة ابو سوزان
ردت ام ذياب...والله هم حاجيتها كلتلها لا تتحسسين قربئ مو قصدها بنتها تريدها وياها
جريت نفس ...عفيه عليج ام ذياب لا تنطين مجال ترا ذن حيايه وما يصدكن يلكن موضوع يلوچن بي
تنهدت ...اي والله صدك
اخذت غدير تلعب بيها وانه خليت ورحت لذياب بسيارتي اول ما دخلت للجمله العصبية واشوف ذياب طلع منها و وجهه محتقن ومخطوف ومبين العصبية علئ ملامحه
نزلت من سيارتي وركضت عليه صحت...ذياب يمعود ابو الغيره انتظر لحظه
دار وجهه عليه وكتم اعصابه كال...هااا فاروق
كتله بقلق ...شكو شبيك اصيح عليك ما ترد عليه
جاوبني...ماكو شئ
ابتسمت باستهزاء...لا الله عليك شكوو
رد عليه بعصبية...هذا الكلب الحيوان عم قربى جاي للمستشفئ ويهدد وحتئ ضاربها والله اليوم الا اخبزه خبز
جاوبته بحزم...افاااااا والله اليوم الا نحرك بيته يا الله نجي
ركبنه بالسياره وانطلقنا وصلنه البيتهم وذياب رفس الباب مالهم وهو يصيح...وييينك ول جبان فياص يا حقير اطلع اذا انت زلمه و واجهني لا تكعد تتهدد علئ نسوان من تروح فدوه للنسوان
صحت بصوت عالي وانه اخسف بالباب...اطلع لك كلب اطلع يا زماااال انت منو وتهدد علينه والله ما جابته امه الي يمس شعره منهالعالم التمت علئ صوت الهوسه والضجه الي صارت وطلعت مرة فياض الجديده تصيح خرب وعلي اع" /> العالم التمت علئ صوت الهوسه والضجه الي صارت وطلعت مرة فياض الجديده تصيح خرب وعلي اع" />
>العالم التمتلئ صوت الهوسه والضجه الي صارت وطلعت مرة فياض الجديده تصيح خرب وعلي اعرفها جانت بالملهئ تطلع بفلسين ونص هلا والله