البارت 11
البارت 11
رواية...ذنب عينيك...سلالة العنفوان
منقوله لكاتبه...نور سمو العراق
💔💔💔💔💔💔💔💔💔
دللني داريني ضل اكبر بعيني...
......................
ملاحظة جميع الكلمات المدرجة بكلام البصراويين الي بالقصة كلمات بصراوية خاصة البصرة تاااريخ متحتاج تتطفل على لهجة ثانية البصرة بحالها تاريخ والي عايش بابو الخصيب يعرف شنو لهجتهم .. وقد تكون هذه الكلمات منقرضة من نهاية التسعينات وقد تكون دارجة الى الان على اللسنة كبار السن الله يحفظهم ❤فلا تجي وحدة وتكول كلام كويتي او خليجي الكلمات منقحة ومتأكدين منها تمام احبكم
......................
قربى....
ما اعرف شلون انطيت ابني الحذيفه صدك جنت كولش متردده وخايفه حتئ من سلمته اله جانت ايدي ترجف علاوي مو مال يطلع والله الجو بارد وهو بعده صغير واخاف عليه...
فركت اديه بخوف بعد ما راح وضليت افتر بالمزرعه اروح واجي وكلبي دا احسه ينزف عليه
لمت ذياب علئ السواه معقوله يدز علئ علاوي وهو بعده صغير ومن دوني ياخذه ما اعرف ليش الرعب دب بداخلي...
طمنت نفسي وذكرت الرحمن...« لا اله الا انت سبحانك اني كنت من الضالمين »
دخلت دا ارتب بالغرفه كعدت لكيت تشيرت علاوي اخذته وشميته خليته علئ صدري نهرت نفسي ...كافي قربى كافي لا تخافين هسه يجيبه ابوه ويجي...
تقريبا نص ساعة واني اكوي بملابس ذياب دخل عليه اول ما دخل درت وجهي عليه بقلق...
نزلت الاوتي علئ القميص بخوووف وبهت وجهي بلعت ريكي بقلق ...ذياااب وين علاوي
عقد حواجبه باستغراب...شنو وينو علاوي غير عندج؟
صرخت بيه وركضت...عزااا عزااا ذياب مو انت دزيت عليه واخذته
احتقن وجهه ولزمني من اكتافي وهزني...شنو ايمت انه دزيت عليه منيلج هذا الكلام...
عطت بصوت عالي واديه ترجف...مو انت دزيت عليه حذيفه اخوك حتئ تشوفه امك ؟
جر نفس عميق وتركني وراح سريع بمشيته بدون ما ينطق اي كلمة ...
ركضت وراه بعد ما لبست نعالي هو يمشي واني اركص وراه
دار وجهه بنص الطريق باوعلي كال...قربااااااان شجابج وراي ارجعي
لزمت كلبي،بيدي وعطت بي...لاااااا يمه ابني اروح وياك ما لي شغل اروح ويااااك اخذو علاوي مني
YOU ARE READING
سلالة العنفوان ..(ذنب عيناك)
General Fictionسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
