سلالة العنفوان ..(ذنب عيناك)

الذنب السادس عشر

رواية...ذنب عينيك..سلالة العنفوان
منقوله للكاتبه...نور سمو العراق
الذنب...السادس عشر
💔💔💔💔💔💔💔💔💔💔
"‏لا أستطيعُ أن أكونَ شيئاً آخرَ غيرَ نفسي، أفضلُ أن أعيشَ حياةً صغيرةً أملكها عن أن أعيشَ حياةً كبيرةً تملكني."
- مصطفى محمود || 📜
.......................................
فزيت مرعوبه من شفته يمسد علئ رجلي كعدت علئ ضوه الفانوس الخافت من شفته صرخت بصوت عالي...يمممه ذيب يمممممه ذيييب
عيونه حاده ومطلع لسانه ويلهث يخووف والله
ضليت صاكه بمكاني اني اصرخ ذيييب ذييييب
كعدت بيبي حضنتني...يمه اسم الله يده الله يهداج شبيج:
جاوبتها بانهيار تام ...ذيب ذييب جان صاعد فوكاي...
هو ما شفته اختفه باللحضات والكل اجه يركض كلها فزت من نومها فزت من نومها وخالو ومرته كعدت
هو شفته دخل مصدوم من عندي واني ارجف وبيبي حاضنتني وتمسح بوجهي...شبيج يده الله يهداج شجرالج ذيب نايم بذيج الغرفه شوكت صعد فوكاج
هو انصدم وباوعلهم وهو عاقد حواجبه باستغراب بعدها رجع باوعلي كال...شنوو اني شجابني يمج
بجيت واني افرك برجلي وحاضنه بيبي ...ذيب ذيب هجم عليه يريد يفترسني..
صاح عليه بغضب عارم...يوووول شوكت هجمت عليج واريد افترسج انتي تتبلين عليه؟
بلعت ريكي بخوف...لا مو انت هذا ذيب حقيقي يعني حيوان ..
هز ايده بغضب وطلع
وخالو كال..ولج وين اكوو ذيب لو هسه اكو ذيب جاا اكلج وما خله بيج مجان « مكان » صاحي
جاوبته بخوف ...والله شفت ذيب والله اني ما اجذب
رد عليه...خالي يتخايلج
حضنت وجهي بجفوف اديه...وروح امي مو خيال والله شفته صدك

بهل اثناء اجت الكهرباء ونسمع اللهثه مال الذيب درت وجهي شفته من بعيد بزاوية الغرفة صرخت...الذييب الذيب
التاف خالي وباوع كال وهو يهز راسه باسئ...ولج خالي هذا جلب بيت ام عليوي جيرانه ...اصلا هذا ما يخوف اليف عسيله تكتله...
راح وطلعه برا ورجع يضحك كال...ولج خالي هو لو بي خير جااا اكلج ولج فززتينه من نومنه وتاليتها يطلع جلب بيت ام عليوي الاغم
خله وراح ومرة خالي راحت وراه عسوله غمتني بثنين اديها وهي تحك بشعرها والنعاس بعيونها...وقمه كووون جلب بيت ام عليوي وخبصتي الدنيا ..شورت بيج بس ما انسه لكتله...
خلت وراحت واني احس متت بدمي من الفشله والله عبالي ذيب يشبة الذيب مو عبالك جلب
بيبي كالت...ولج يده فضحتينه وانه كلت شماله ذيب هجم علئ الفرخه مو من عوايده هو ثكيل وخوش ولد
غطيت نفسي بفشلة واحراج...ما ادري عبالي ذيب
حضنت بيبي ونمت يا ربي احس نفسي دا اتعلق بالنقيب هوايه واني ما اريد اتعلق بي اخاف كوولشي يصير اخاف اهله ما يقبلون اكون زوجته بس يعني هو جبير و واعي ما اعتقد اكو احد يجبره...
كوولش اشتاقله من يبتعد ومن يجي اخاف واتردد واتمنئ يروح احس نفسي ممستقره...
اني هم مليت اريد شخص يسندني كل يوم اريده دوم بجانبي والنقيب متشتت من الغربية لبغداد للبصره..
لو يتزوجني وياخذني للانبار وبعد ما يبهذل روحه ويجي للبصره لان الطريق طويل ومتعب والجو دمار...للي ممتعود علئ حر البصره اقصد..
شويه ما عندي ثقه ليش هيج شخص يتعب نفسه اذا ما عنده غايه معقوله يحبني..
نمت وكعدت الصبح لكيته مموجود كالت بيبي طلع..راح هو وخالج للصيد
رمشت بعيوني...ياااا اخاف زعل من البارحه اخاف حجيت كلمه مو حلوه بحقه
ردت مرة خالو...لا لا ما عليج منه ما زعلان بس هو راح للصيد يريد يدحك البصره علئ كولته ههههه
ضحكت...ههههه صرتي تحجين انباري
عسيله...من رافغ الغوم اربعين يوم صار مثلهم...مو هاي انه مرافكتج وصايره مسودنه
امها...شبيج يمه عسله شبيج مو بت عمتج وتحبج وانتي تحبينها
جاوبتها باستنكار...لاا ما احبنها عمن شني تروح دكول للنغيب جنك شوارب عسيله
باوعتلي مرة خالي بنظرة عتب...لا خاله مو عيب شلون هيج تحجين علئ عسوله ترى ما ارضه عليها صدك انه اصيح واضرب من ضيم كلبي بس انه بناتي طالعات من كلبي وما اغبل اي واحد يتجاوز عليهن
وانه بناتي فغيرات وما عدهن اذيه بس عسيله هم تعبانه وتطلع حركتها بالوادم واذا زعلتج مو معناتها تحجين عليها يم ريلج عيب...
بلعت ريكي بفشله...هااا لا لا اني محجيت كدامه بس جنت اتشاقه وياها
جرت نفس...خاله لا تتقشمرين ويه عسوله هيج تره هي طكه ونص
ردت عليها...شني انه مسودنه مثل ام السعف وليف
جاوبتها...لا يمه مو مسودنه انتي عاغله بس هودي وكافي مشاكل...
اجيت يمها وبستها بخده...لعفو عسوله والله بعد ما احجي عليج
ردت بغرور...خوووش
طلعت برا للبستان شفت خالي لازم العصه يتوجه عليها لان رجله ميكدر منها..
والنقيب واكف يمه ويسولف من شافوني خالي صاح عليه...تعاي خالي تعاي بعد خالج النغيب عنده حجي وياج...
اجيت وكفت بارتباك وخالي راح كال بتنهيده...شلونج قرباني
رمشت بعيني...الحمد لله سيدي زينه
جر نفس حزين كال...اموري جاي تتازم بس انه احبج تعرفين هذا الشئ؟
اشرت علئ نفسي...تحبني سيدي؟
اتمعن بوجهي شويه وعقد حواجبه ...تشكين بهذا الشئ انه لو ما احبج ابهذل نفسي لخاطرج واني ادري القرب منج قنبله علئ ساعه وتنفجر
عضيت شفايفي بحيرة...سيدي عادي اذا اني هيج مسببه الك مشاكل طلكني
تقرب مني وركز بعيوني لزم ايدي وخلاها علئ صدره كال...وگلبي شلون اقنعه انه احببج تعرفين شنو احبج ...
بس انه حاسج ما تحبيني واحسج مجبوره ورغم انه ادحك لهفتج وتگومين بواجبج تجاهي بس هذا ما يعني ان انه ملكت گلبج
بلعت ريكي بغصه..سيدي تعرف اني محتاره مثلك وهم اخاف عليك حتئ لو اريد احبك امنع نفسي لان سيدي الظروف عكسنه
ضل مركز بوجهي وعيونه تتنقل بملامحي بلع ريكه وجر نفس كال...انه ما تهمني الظروف انه اذا حبيت شئ حافظت علي بس انه اخاف اجبرج علئ شئ وانتي ما تحبينو احب تكونين راضيه ومقتنعه
همست بحيره...سيدي والمطلوب ؟
شتت نظرة وبعدها باوعلي...اريد اتمم زواجنه
حسيت الدنيا تكسرت فوك راسي باوعتله وصفنت احس روحي مجروحه احس اكو شئ مكسور بخاطري
ما حسيت غير دموعي نزلت تقرب مني محتار لزم اكتافي كال...قربان شبيج عليش بجيتي اذا هل موضوع يزعجج بلاه من اساسو
نزلت عيوني والدموع تتساقط بدون سابق انذار باوعتله ومسحت دموعي...سيدي اني اني احس نفسي بعده جرحي ما طاب...