سلالة العنفوان ..(ذنب عيناك)

الذنب الثامن عشر

الذنب الثامن عشر
رواية...ذنب عينيك...سلالة العنفوان
منقوله للكاتبه...نور سمو العراق
💔💔💔💔💔💔💔💔💔💔💔
و ڪلهم يا سَيدي
بَك مُعجبين إلا أنا يا مُلهمي مُغرمه 💙 .
..................................

عيد فطر مبارك💐 و كل عام وانتم بأفضل حال و خير وصحة وسلامة  ربي يتقبل الطاعات و يعيدة عليكم بليمن والبركات 🌺
...................
الحياة مو بكثرة الناس الموجوده اكو شخص يختصر الجميع
لطالما اعتبرت امي تختصر هاي الناس كلها بس الحمد لله على كل حال ما مقسوم توكف بعرسي
لذلك حسيت ام خمائل اختصرت الجميع بوجودها...فعلا انسانه طيبه ونزيهه
رغم دخولي السجن ورغم كثرة الوحوش السايبه الي تربصو بيه وشكلو دائرة ضدي
بس ربي ما يرضا بالضلم وبعثها اليه مثل الملاك المنقذ الي نقذني واني علئ جرف الهاويه
ابتسمت فرحانه بوجودها ونسيت وجود ذيبي هي اختصرت الجميع
وكفت ببدلتي البيضه واكليل الورد متناسيه العيون التنبض بإعجاب على هيئتي..
مشيت بخطوات وفتحت ايديه الها وهي سرعت بخطواتها حضنتني وتبارك اليه وتسمي بإسم الرحمن...
ما شاء الله قربى مثل الكمر طالعه تخبلين عيني النبي تحرسج ..
ابتسمت...شكرا خاله والله حيل فرحانه لان اجيتي
سحبتني وكعدتني وهو كعد يمنه ما اهتم بوجودي وجان مندهش باجواء العرس
ردت عليه بعد ما كعدتني...اني من اول يوم كال بي النقيب قربى عاجبتني واني شجعته يخطب صدك ما حبيت يتزوجج بالسر ...بس هذا الشئ المصلحتج واني اوعدج ذيب خوش ذيب بس اكو امور متعقده تختص بشغله ان شاء الله يحاول يضبط امورة ويعلن زواجكم
نزلت راسي وعضيت شفايفي مقهورة...مجنت موافقه بس الظروف عاكستني
ردت عليه...لا قربى النقيب انسب واحد الج الكل عيرج واحتقرج واذاج وخاف منج واتهمج باكل واستنكف منج لان دخلتي السجن اله النقيب جانت نظرته عكس نظرتهم لا تضيعينه من ايدج
جاوبتها بترقب وارتباك...يعني اامن من ناحيته ما اخاف؟
كرصت خدي وهي تبتسم...لا لتخافين وهو جابني وياها كال ما اريدها تحس بس اني جاي الوحدي والله واجيت رغم الطريق متعب و وعر...
ابتسمت ونزلت راسي بعدها باوعتله شفته يباوع للنسوان كرصت ايده هو باوعلي وضحك كال...هااا بوية سالمين
خزرته بخزره مصطنعه همست بصوت ناصي...شكو تباوع للبنات
تقرب من اذني وهمس...يوول انه جنت صافن وافكر اليوم اول ليلة الي ويه قربانتي ياا نسوان يا بطيخ صحيح ادحك الهن بس تفكيري بيج
جريت نفس حزين رد عليه...خايفه بويه
جاوبته...هوووواي
رد عليه...لا تخافين انه ما اجبرج علئ شئ انه احببج
دخل خالي وهو لازم عكازته و وكفني حط ايدي بيده و وصاه...هاي بت اختي هاي بت الغاليه المرحومه اريدك تخاف الله بيها وتحطها بين عيونك
جاوبه...افاا قربان بگلبي قبل عيوني وانه مو ذيب اذا خليتها بوجودي تنهضم لو تنضام...
بجيت من كلامهم ما كدرت اصبر نفسي وبيبي تبجي هي ومرة خالي
وعسوله كل شويه وكال...راح يخربن مكياجها گامن يتبجبجن هي شو راح تعرس وتكعد عدنه غابل وين مولية...
كرصتها امها وصكت اسنانها...خايبه اسكتي فضحتينه منا الوادم...
طلعت بعد ما حط خالي ايدي بيده وعلئ صوت الهلاهل ودموعي تنساب علئ خدي بدون سابق انذار..
هو ركبني بالسياره ورفع البدله دخلها بالسياره وراح صعد بالصدر جانت اكو سياره ماجرها راحت ويانه جان بيها مرة خالي وبنتها وبيبي وام خمائل..
اخذنه فرنه علئ الكورنيش وبعدها اخذنه كم صوره انوب اخذنه الفندق شيراتون...
مسحت دموعي همست...سيدي شلون راح يقبلون ندخل للفندق وانت ما عندك عقد زواج...
رد عليه ببرود...مالج شغل انه ذيب حلها عندي وانه اصلا متفق وياهم من زمان
نزلني ودخلنه للفندق حجه ويه ابو الفندق وصعدنه للغرفه حسيت الموت التف علئ جسمي جانت اريد انهزم منه بأي لحظه خفت وما عجبني الموضوع كله..
دخلنه كعدت علئ الجربايه و دموعي بغزارة تنزل هو مم شافني هيج تنهد
اجه كعد بصفي واني درت وجهي حط ايده علئ كتفي واني كمزت وكفت مسافه مهزومه منه...لااااا وخر
رد عليه...ول يابه انه هساع ماكل شارب كله طخيت چتفج
جاوبته...اي ما اريد
ضحك...هو شنو الما تردينه انه شطالب اصلا؟
بلعت ريكي...ما ادري بس ما اريد
رجع ضحك...ول بويه شجاج والله ما اريد شئ
رجع كعد علئ الجربايه...اهااا هل كعدت وسكتت وانتي اخذي راحتج شويه والمضيفه تجيب ملابسج
رجعت باوعتله...يعني كووولشي متريد مني
رد عليه...انه بس اريد افتهم هو شنو الاريده منج قابل اريد ورث الخلفوج
جاوبته واني ابلع بريكي...لا يعنييي.. انت تعرف كولش زين لا تغشم روحي
رد ببراءة...انه غشيم بسوالف الزواج انتي فهميني انه ما اعرف
فتحت عيوني مصدومه...لا تعرف تجذب عليه ...ودوم نيتك شاطحه
ضحك بملل...ولج شعرف هساع غير تگلي وبعدين شبيها نيتي انتي تحرضيني علئ فعل المنكر...
ابتسمت علئ كلامه ومديت ادي...اكعد واسكت لا تتقرب مني
رد عليه...انا كاعد بس انتي واكفه وهذا يبين انج مستعده للهجوم ..
جاوبته باستغراب...يا هجوم
رد عليه...انه اعرف؟ انتي ما ادري شبيج يووول جنج وحده تريد تهجم ...
درت وجهي وكتفت اديه...اي لا تتقرب مني
جاوب...هساع انه متقرب كاعد وساكت جني طفل يتيم والله انتي وكحه ولسان عجل شلون ما تصيرين اللسان وانتي مسدسج وانتي لا خليتي حرامي و لا خليتي جلب حتئ انه جا رحت بيها
درت وجهي عليه وضحكت ...اي ما سامع المثل شيكول حمد شابع تفگ وحمود شابع صيت...انت علمتني ارمي تاليها اجيت اكتلك هههه