سلالة العنفوان ..(ذنب عيناك)

الذنب لاول

ر

واية...ذنب عينيكِ...سلالة العنفوان
منقوله لكاتبه
.نور سمو العراق
💔💔💔💔💔💔💔💔💔💔💔
من حقك أن تحزن ومن حقك أن تبكي لكن لا تنكسر أبدا..
ربما أسقطت المحن الاقنعة وبانت حقائق الناس ومعادنهم..
فالناس معادن كالذهب والفضة.... ولربما اردت ان تقف بك الحياة لتبكي على أمر...
لاثقف عاجزا اعمل ولاتقتل ارادتك وعزيمتك بالقعود...
.................................
ببساطة الحياة ونقاء القلوب لكل شخص بينه عنده ذكريات وهل ذكريات تكون خالده اكو بيها موجعه واكو بيها قاسيه ومستحيل ننساها واكو بيها حلوه تبهج ارواحنا...
بالتسعين...
جنت بعمر ال 12 سنه جنت طفله الئ ابعد الحدود بحيث الاصغر مني افهم مني احب العب اركض اتشاقه عندي لعابه اخيط الها ملابس واكون الها ام حنونه ما احب اكبر ابد ولحد الان بقوقعة الطفولة ...
صاحت عليه امي ...قربى
تركت لعابتي ورديت عليها...هااا يمه
اجت دخلت للغرفة وجرت نفس كالت..عوفي لعابتج وروحي صعدي الفراش فوك بلكي يوكع عليه البرد مدام دنيا العصر فد شويه يجي ابوج واخوتج تعبانين حتئ يصعدون ينامون
رديت عليه بقهر...اهووو عود ليش ما خلفتي غيري ترئ تعبت كله قربى كله قربى نعال على قربى
عاطت بيه بغضب...امشي لج لسانج طولان كله قربى ولج انتي شمسويه اصلا مكابله هل لعابه وكاعده لو مداريتني بكد اللعابه جان دخلتي الجنه...
وكفت متعصبه وخليت وفتت من يمها واني ادردم جرتني من ياخة ثوبي طرت بيدها كالت بغضب..شبيج تدردمين ولج شدكولين ؟
بلعت ريكي بخوف...اءء لااا لااا يمه والله هسه اروح بسرعه اصعد الفراش...حتئ يطيح عليه لفراش..اءء قصدي يطيح عليه البرد
صعدت فوك ورشيت السطح بالمي وخليته ينشف مديت راسي علئ سطح بيت عمي من الستاره شفت بثينه كاعده ترش بالسطح بثينة بنت عمي...
لابسة ثوب كصيف حييل وحاطه حمره ورابطه شعرها بوصله ملونه وتطك بعلجها...
صحت عليها بضحكه...بثينه بثينه
ردت عليه بغرور...خير شرايده
جريت نفس...شبيج بثينه ليش تكرهيني ذاك اليوم من رجعت من المدرسه مو جبتلج ابو الجيس وياي
تنهدت واجت قريب مني كالت...ما اكرهج والله بس يا اختي أنتي طفله واني ما اكدر اصادق طفله اني كبيره والانظار عليه وبعدين امج بس احجي احجايه وكالت لا تحجين يم قربى هيج لا تتعلم ...
اردفت وهي تطك بعلجها وكلبت عيونها...بعدين اني اريد افشر اريد احجي اريد اغلط اسب اسولف بالزلم وامج متقبل...
رديت عليها ببراءة...اي احجي احجي ومن تجي امي اسكتي
هزت ايدها...امشي ولي من وجهي
ضليت متعلگه بالستاره واباوع عليها شكد حلوه تحط حمره وامي ما تقبل احط حمره ليييش ؟
بعدها باوعتلي وابتسمت بمكر كالت...قربى اطلب منج طلب
عاد اني فرحت لان محد يسولف وياي وما عندي اخوات امي دكول سوت عقد بعد ما تخلف مدري شنو ما افهم كلامها بس اني عندي ثنين اخوان بس شنو ما يسولفون وياي لان هم بشغل ويه بابا
رديت عليها...اطلبي عيوني الج
تقربت مني ومدت ايدها بصدرها وطلعت ورقه كالت...هاي اريدج توصليها للشخص المطلوب
رمشت بعيوني وعكدت حواجبي ...منو الشخص المطلوب
كالت بجرة نفس...هوبي ابن خلوده...
شهكت...يااا عزا وشنو بيها
مطكت بحلكها كالت...اقريها ؟
فتحتها اقرها شفت مرسوم قلب الحب ومضروب سهم وينزف وجواها كاس مكتوب القلب يدمع والكاس يجمع...
وبعدها كاتبه...هوبي احبك اتمنئ انام بحضنك وحط صدري علئ صدرك
شمرت الرساله بخوووف وكلبي يدك عبالك صرصرة وحطت علئ ايدي ما كملت قراءة الباقي
هي شالتها بغضب كالت...وگرص شبييج
لطمت علئ وجهي...عزا العزاج صخام الصخمج عمي فياض لو يدري بيج هيج كاتبه لهوبي يموتج ولا تنسين عمي جلاد مدري شنو
جنت اسمع من امي عمي جلاد عمي جلاد بس ما اعرف شنو بس الاعرفه يعني شئ بشع
ردت بضحكه...وهو عمي فياض منين يعرف وبعدين امي هي راضيه وابوي راضي...
بلعت ريكي...لا عفيه بثينه اخاف ما اخذها لهوبي والله امي تفطسني تفطس...
جاوبت بغضب...دمشي ولي من وجهي..
سمعت امي صاحت عليه واني نزلت اركض لكيتها واكفه علئ حافة الدرج كالت ...اتاخرتي وين جنتي
تنهدت...اي مو رشيت السطح والفراش شريته علئ الستاره كلت اخاف تنام عليه لبزازين...
وهااا شفت بثينه وسولفت وياها شويه
غمضت عيونها وسحبت نفس...بعد لا تسولفين ويه بثينه فكيني منها هاي فد وحده استغفر الله منها...
كعدت علئ الدرج بخيبة امل...صدك يمه بثينه ليش مدلله واني لاااااا
كعدت بحزن وحطت ايدها علئ كتفي كالت بنبرة ذوبت گلبي...ليش يمه ناقصج شئ
باوعت لامي بحزن...عماتي يحبنها وعمي فياض يحبها ومدللها ويشتري الها ذهب وابوها همين وامها ما دكلها علئ عينج حاجب وحتئ بنات عمي بس اني محد يحبني...
بلعت ريكها بغصه...غير عمج فياض بضهرها احنه محد النه ...النه الله لاحسن من عمج ومن عشيرتج كلها..
ابتسمت ...ونعم بالله
حضنتني كالت...وبعدين اني احبج واخوتج وابوج يحبونج شلج بحبهم بعد...وبعدين شتترجين من ناس ياكلون لحم اخوهم المسكين ويطردونه باليله ضلمه...جانت تقصد بابا
نزلت راسي بقهر...بس يمه لان احنه منبوذين من عمامي وعماتي احس نفسي يتيمه
ضحكت بعذاب كالت...اذا متت اني كولي صدك تيتمتي يقربى وهاي الناس كلها هييج
فزيت مرعوبه من كلامها وحضنتها...لااااا يمه لا دكولين هيج مستحيل ما اكدر اتخيل البيت بدونج فدوه يمه لا تحجين هييج محد الي غيرج
جرت نفس عميق وباست راسي وراحت تحضر العشا لاخواني...
حسيت بغصه بصدري ...