سلالة العنفوان ..(ذنب عيناك)

البارت 16ج2

البارت 16

رواية...ذنب عينيك...سلالة العنفوان
منقوله لكاتبه...نور سمو العراق

💔💔💔💔💔💔💔💔💔💔

يسرقون رغيفك... ثم يعطونك منه كِسرة... ثم يأمرونك أن تشكرهم على كرمهم... يالوقاحتهم

...........................

تنبية...اسم جدة فاروق تم تغييره لاسباب روحيه بعدين ان شاء اللة نتطرق الها دمتم بخير...احبتي الحلوين

............
قربى...

اكثر الناس حقاره هو الانسان الي ينطيك ضهره وانت بأمس الحاجه اله...

من طلعت من السجن جنت ابرر اله جنت احاول ابين النفسي ان هو مو خاين مو حقير اصنع اله الأعذار

ما اتأسف عليه ابد لان ربي رزقني برجال رفعة راس مستحيل يخليني اتأسف علئ واحد حقير خاين مثل شرهان...

بس لحد الان يحز بخاطري الموقف الي اجيت اني،بي حزينه مكسورة مرعوبه الدمعه بعيني ادور بي ملجئ الكسرتي والهضمي

لكن ما لكيت غير الجفا والاتهامات والطعن بالشرف لكيت نفسي ضايعه وما نقذني غير ذياب بيوم الي،القريب تبره مني خايف عن نفسه...

بس ذياب لا ضحه بكل شئ ضحه بمنصبه ضحه بسمعته دخل نفسه بقوقعة بس،حتئ يحميني...

من شفت شرهان مو انصدمت لان عار كل شئ اتوقع منه بس رجع عليه الماضي الأليم ذكرني بأيام السجن ذكرني بموت امي وفقدان اهلي،واخواني بصوت ابويه واخويه من يتعذبون

من دون سابق انذار حسيت بالدموع حجبت عندي الرؤيه

كال بصوت حزين ومتاسف...قربى اجيت اليوم خصيصا الج

بلعت ريكي بعذاب ومسحت طرف دمعتي...انت شجابك هينا وشلون اندليت مكاني يول ابتعد عني وجودكم انتم يسببلي حالة من الغثيان والقلق

رد عليه وهو يتقرب اكثر لزكت روحي بالمصعد وضليت ادوس بالدكم عشوائيا صرخت بي بكل غضب...شوووف لك شرهااان اذا حاولت لو محاوله تمد طرف ايدك عليه والله اكسرها الك والم عليك العماره كلها...

حجه بصوت هادئ وحزين...لا ما اسويلج شئ قربى والله اصلا اصلا اني ...

صرخت بي مره ثانية واني اضغط علئ الدكمه الي تصعدني للشقة مالتي...انت شنووو لو مهما صار ومهما دار ما اريد اسمع منك اي كلمه ان كان تبرير او كلام عابر انتم مثل النعال انكطعتو وشمرتكم

سحب ايدي ونزل المصعد مره ثانيه للطابق الارضي اني من شفته نزله للطابق الارضي حسيت امعائي تكطعت فتحت عيوني مرعوبه...انت شدتسوي شدتسوي وخر مني خليني اروح ابني هسه مات من البجي