سلالة العنفوان ..(ذنب عيناك)

البارت17ج2

البارت 17

رواية...ذنب عينيك...سلالة العنفوان
منقول لكاتبه...نور سمو العراق

💔💔💔💔💔💔💔💔💔

عندما يغيب الضمير تموت المبادئ وتكفن الأخلاق وتدفن القيم والانسانيه

...................

وئام...

قبل لا افتح الباب اجتنه فريال هي،وامه وكاعده تدقق بالأوراق ما احبها من الله ولو عليش من الله من سوالفها الخايسه هي تخلي،واحد يكرهها...

ما سلمت عليه ولا انه سلمت عليها هم عوزها اسلم عليها وهي تغلط علئ،امي،وعلئ اخوي...

جنت بطني جبيره ومحمد بالمدرسه رجعت ايام المدارس والهوسه...وعمر بالشغل اندك الباب طلعت دحكت مره بنص الاربعين و وياها بنيه شابه بكدي اكبر الله اعلم...

سألتها عي منو جاوبتني كالت...اني من اقارب قربئ

انصدمت من كالت هي،كرابتة قربئ وبنفس الوقت فرحت اني احب اتعرف علئ اهل قربى اهاجسها غامضه وما تحجي عن اسرارها وعن أي شئ يخصها

حتئ اني كلتلها بيوم عرس فاروق كلتلها...عليش ما تخلين اهلج يجون بعرس فاروق تا نتعرف عليهم

ردت عليه...لا لا اهلي،مو يكدرون يجون ابويه مريض وامي همين واخواني ملتهين بالشغل...

سكتت مجاوبتها ولا اخذت وانطيت وياها بس،اهاجس خوفها مبالغ بي...

كلت للحرمة...اهلا وسهلا بيج تفضلي ادخلي زارتنا البركة...

جاوبتني ...فدوه الكلبج حبيبتي

دخلت جوه كلتلها ..تعالي هين بغرفتي لان عدنا خطار جوه وهل خطار مزعج شويه اريد خصوصياتنا بينه...

كالت...اي بكيفج وين ما نكعد نكعد ...

دخلنه جوه بالغرفه وقفلت الباب طلعت برا صحت علئ عمتي كالت باستغراب...هااا عمه وئومه بيج شئ اخذج للدكتور تحسين بوجع

ضحكت...هههه لا عمه ما بيه شئ بس عمه اجت حرمه من طرف حرمة ذياب ما اعرف شتريد

عقدت حواجبها كالت...يااا قربى من كرابتها يله بله روحي شوفي شتريد وبعدين تعاي سولفيلي اني احب اعرف منو اهلها وليا قبيله تنتمي

جريت نفس...اي تمام بس عمه هذن يأجوج ومأجوج لا دكليلهن عن شئ كليلهن صاحبات وئام تعرفين اخوي ذيب ما يحب يفصح عن اهل مرتو

ردت عليه...لا لا ما راح احجي يله روحي اخذيلهن جاي ماي اي شئ عيب ضيفيهن يضلن كرايب مرة اخوج...

خليت ورحت صبيت جاي واخذت ماي ودخلت للغرفه جانن كاعدات علئ البساط ومرتجيات علئ الكنتور...