سلالة العنفوان ..(ذنب عيناك)

الذنب الواحد وعشرون

الذنب 21

الذنب الواحد والعشرون
رواية...ذنب عينيك...سلالة العنفوان...
منقوله للكاتبه...نور سمو العراق
💔💔💔💔💔💔💔💔💔💔
‏"الإنسان لا ينتبه إلا إلى ألمه، أما سعادته فلا يتوقف عندها ولا يلتفت إليها، ولو فكر الإنسان في سعادته لوجد أن لكل مرحلة من مراحل حياته لهُ حظاً منها."
........................
مثل المجنونه اركض وناسيه كل الموجودين ابني نايم والله عفتو نايم شلون طلع منو اخذوا
اي والله ابني مستحيل يكون طلع هو يخاف ما يطلع برا ياربي دخيل اذا ضاع ابني اني اضيع
اضل عثرة للملامه والشماته والله محد يرحمني...سيف وامو وشامخ يريد بس يكضبون عليه مستمتك
والله هساع يكولون داحت ببغداد والصالونات وضيعت ابنها...
لطمت علئ وجهي وعمتي كضبتني...علئ كيفج علئ كيفج تلكينه
بجيت بصوت عالي...وين الگاه وين صار المغرب وهو ماكو...عمه فدوه ابني فدوه
عمر ما خله مكان ما دورو وحتئ بالجوامع ناده باسمو...
خطيه جان ملهوف عليه ويدور جنت مثل الطير المنحور لا اني للسما ولا اني للارض
هاجست الناس مو يمي هاجست وحدي بهل عالم بس اذاني تصفر وحلكي جف وكلبي دكاتو صعدت للالف...
كعدت علئ الارض ودموعي تتسابق والعالم متجمعه وكف عمر كال...ادخلي جوه ادخلي هسه اروح للمركز وشوف بلكي ضايع ولاكينه بالمركز...
رفعت عيوني الو جاوبتو بقلب محروگ...شلون ادخل شلون اطمئن شلون وابني ما اعرف وينو ما اعرف عدل ميت خطفو اريد ابني فدوه اريد ابني...
دحكت ذيب اجه من بعيد مم شاف التجمع بباب البيت انصدم اجه بسرعه ملهوف كال...شكووو شصاير بيكم شئ احد مات
عمر حط ايدو علئ كتفو وجاوبو...لا بس ابن وئام ضاع ولحد هسه ملگيناه
دحكلي ورجع دحك لعمر...شنووو وين جنتو عنو وئام شلون تغفلين عن ابنج هساع دنيا ليل وهو ماكو وين نلكاه
كضبتو من قميصو وابجي...لا فدوه لااا ذيب لا دكول هيج اني اموت والله اموت اذا ما لكيت ابني...
جر نفس وهو متعصب كال...خليني اروح للمركز تا اقدم بلاغ بفقدانو وبعدها نشوف وين ندور
كال لعمتي...بس عمه بلا زحمه اريد ماي ميت عطش انه
عمتي كالت...عمر يمه فدوه اروحلك روح جيب ماي من الثلاجه والله انهد حيلي ورجلية ما اكدر اعينهن
دخل وشويه واجه جايب المي ويضحك بهستريا تمنيت اضربو علئ وجهو اني ابجي وهو يتمضحك علئ شنو ما ادري...
استغرب ذياب كال وهو عاقد حواجبو...علئ شنو تضحك ضحكنه وياك
انطه المي لذياب وكال...تعالو شوفوا هل مشهد الحلو
دخلنه باستغراب واني ضجت مو وكته هذا ابني ضايع وهو جايني مشهد حلو يمكن البزونه جابت وهو يريد نشوف بزونتو..
وخر الباب من المبرده واشوف حمودي نايم وعاكف رجليه وحاضن نفسو ومصاصتو بيدو وغافي ببطن المبرده ومكسر روحو تكسير
صرخت عليه وسحبتو من المبرده وحضنتو واني ابجي فز مرعوب ويدحك الوجهي حضني ورجع نام..
ضحك ذياب وهز ايدو وعمر ضحك كال...صار ساعه ندور عليه وهو نايم بالمبرده والله خاله فاروق ما عليه عتب
ذياب...هههه اي والله ذاك اليوم اكلو فاروق كافي مخلصها تركض من بغداد للبصرا استقر وابني شخصيتك
يرد عليه...والله ما عندي فلوس اشتري طابوك حتئ ابني شخصيتي
عمر...اي فد واحد كلاوجي وملعب ما اثق بي منا لهنا ولو هو صديقي المفضل بس يضل فاروق مخلصها يوعدني وكلشي ماكو
ذياب بتنهيده...اي هو هذا فاروق بس ترا هو كلبه طيب بس يتصرف تصرفات مو منطقيه ولو اني ما الومو...
دخلنه جوه واني حاضنه محمد وابوس بي وضامتو الصدري
كالت عمتي بتعب وهي تفرك برجليها...تعبت من الركض والله الحمد لله عمه ذيب جيتك خير بس اجيت واحنه لكينه محمد
عمر كال...هو جان كاعد يمي واني اصلح بالمبرده وجان المبرده من فتحتها لكيت بيها بزازين نايمات هو من شافهن ضلن بباله لذلك اجه ونام هنا
ذياب سحب نفس من جكارتو ورد عليه بدون ما يدحك بوجهي...مثل امو يحب يجرب كلسب بدون ما يستشير او يكول الاحد
اني فشلت وغطست بملابسي عمتي ردت عليه...هههه اي وئام معدله تحب تجرب كلشي
دحكلي ذياب بطرف عينو بجمود ودار وجهو عرفتو لهلساع زعلان مني ...
ضلينه كاعدين شويه انتبهت لعمر ابد ما يرفع عينو اليه ولا مهتم كأن امو من خطبتني خطبتني من ذات نفسها بدون ما تستشيروا
ردنه نروح بس عمر ما قبل حلف يفلش البيت اذا رحنه بدون عشا...
والله عاد تعشينه واني ما قبلت اروح كلت اغسل المواعين يله اروح غسلتهن واسمع عمتي دكوله ...ذياب يمه حاجي عمر يتزوج والله مليت منو
هو رد عليها...ومنو بيها حظ واتزوجها كلهن نفس الصنف بعدين شكو جايبلي عله علئ كلبي وحاطها ببيتي
رد عليه ذياب..مو كل النسوان سوة عمر
جاوبه...والله اني مزاجي وروحي بخشمي محد تتحملني
عمتي بضحكه...هههههه لكيت الي تتحملك انت بس كول اي
سكت مجاوبها واني خليت حضرت اغراضي وطلعت شفتو ما مهتم الي ابد يمكن اني مو ببالو
كلت اذا خطبني وعمتي دفعت الفلوس اوافق واشوف بلكي اكدر اتاقلم وياه
واذا ما خطب اشيلو من بالي رغم هو ابد ما اهاجس عندو مشاعر الي...
ركبت بالسياره جان ليل ورجعنه للغربية ذيب ما نطق بكلمة واني هم جنت ساكته وادحك للشوارع المضلمه
ما اعرف هاجست حياتي كلها غلط بغلط اني وين اروح اروح لامي ما ارتاح وهم بروحهم كوه عايشين
اجي لبيت ابوي ما ارتاح من وره جدي وسوالفو ومن وره سيف وتهديداتو
اجي البغداد نفس الحاله انه ما اعرف وين اروح تجيني لحضات اكرهه العالم كلها .اتمنئ لو اعيش بصحراء بدون وجودهم كلهم...
وصلنه لكيت جدي طالع عندو فصل وسيف من شافني ضحك بسخرية واخذ محمد مني وهو يبوس بي ويشمو
تقرب مني كال...هااا ام شبعتي خوارة
دحكتلو وخزرتو ...انت ما تستحي اني هساع اذا كلت الذيب عليك ما يسوي وجهك خريطه عليش ما تحترم نفسك
اخذ محمد ومشا كعد بدون ما يجاوبني كانو ما حجه شئ واني اهاجس روحي اشتعلت نار اخذت حمودي ورحت لغرفتي نيمتو ونمت تعبانه من الطريق...
.........................
قربى...
ما اعرف ليش صار عندي خوف من اجه هذا الولد خطب اصلا اني صايره تتخيلي اشياء تخوف ما اعرف شنو السبب...