سلالة العنفوان ..(ذنب عيناك)

الذنب 33ج2

رواية...ذنب عينيك...سلالة العنفوان
منقوله للكاتبه...نور سمو العراق

💔💔💔💔💔💔💔💔

حنيتلك ...
والتم على شفافي الحجي
وتذكريتك
والتم على عيوني البجي
وبلا وعي
سولفت بيك لدنيتي وابجيتلك

.................
ف

اروق....
من كلي محكمة الثورة ايست من كل شئ فركت وجهي بتوتر حاولت ما ابين اله توتري وخوفي وقلقي علية...
بس هو حس بخوفي حط ايده علئ جتفي وضحك بحزن كال...لا تخاف فاروق كل شئ مكتوب يصير اعدام مؤبد سنين بضلمات السجن هل شئ مقدر ومكتوب من رب العالمين واحنه ما نكدر نغير الاقدار
بس ليكون بعلمك انه شغله وحده ماذيتني الكل يكدر ينسئ او يتناسئ يعيش حياتو طبيعيه الله ينطي صبر ياخذ شئ بس يصبر بشئ ثاني
وثنين بالوجود ما يكدرن يصبرن علئ غيابي يا فاروق وثنينهم مكسورات خاطر وضهر...
امي وقربان ذن انه اذا صارلي شئ ان جان انحكمت مؤبد او اعدام ثنينهن راح يتاذن وانه الي راح اتاذه اكثر منهن لان انه ماكل همهن وخاطري مكسور عليهن اكثر منهن
واعرفهن ما يصبرن علئ غيابي امي كلب والده معذوره وقربان مسكينه محد الها غيري ...
بعدها شابه وحلوه وعيون عليها ما راح تسلم من الكل
تنهد بحزن وجر نفس بعد ما بتر كلامه كال...بس يا فاروق صح هي راح تخسر شبابها اذا صارلي شئ ومن حقها تعوض بغيري
كعد علئ الكرسي وجر نفس رفع عيونه الدامعه اليه بحزن كال...ما اكدر اسمع اي خبر عنها بأن اذا صارلي شئ انعدمت او انحكمت ان تتزوج وتعيش حياتها هل شئ يذبحني يجرحني ما اكدر اتخيلها ويه غيري لحد يجبرها علئ شئ انه عندي ثقه بيها ان راح تضل علئ عهد الذكريات بس اخاف من الشامخ يجبرها « حجاها بحسره والم »
عضيت شفايفي بحزن وجاوبته...لا محد يجبرها بالعكس ذياب لا تخاف جدي واكف وياها ويحبها ما توقعت الشامخ يحب الغريبه من بعد امي بس الظاهر قربانتك الها تأثير قوي علئ الشامخ
ابتسمت بحب لذكراها كال...هي محبوبه وهادئه وفقيره وذكيه بنفس الوقت شلون ما يحبها الشامخ ترا قربى ما تنوصف بكلمة
حاولت الطف الجو كتله...اهووو ترا لحيت قربى وقربى شخبصتنه هي كلها شعرها جنه سيم مواعين
رد عليه بصدمة...ول ول لاااا ما ارضئ عليك فاروق كل شئ ولا شعر قربئ يسوه ديره كاملة
ابتسمت وجريت نفس...چااا شكد تحبها !!
سحب نفس وزفره رد عليه...فاروق جنت انسان ما مهتم للحياة عايش وضارب الدنيا بعرض الحايط ما يهمني اي شخص تدري انه جنت من دون هدف تتصور
بحيث هذا هو انه مكتوبه اليه فريال كلت هذا هو دام الشامخ كال كلمتو انه منفذها رغم حثير مواقف كرهت بيها فريال وجنت احاول اصدها وابتعد عنها وصارحتها بهذا الشئ
بعدها من شفت اصرار الكل استسلمت للامر الواقع وقبلت بزواج قد يكون عابر ومجرد نكمل سنة الحياة ما جنت ناوي اعيش حياة اغامر بيها اعشك واذوب وينور كلبي اتزوج وخلاص
بس من شفتها بالسجن انه ما جنت منتبه الها ودخلت وطلعت من التحقيق وعادي بس فجأة ما اعرف اهاجس رب العالمين دار عيني عليها وخلاني اصد لعيونها و وكعت مذنب لهل عيون
اهاجس كلبي طلع من مكانو يخفق بقوه طلعوها ولحكتهم مشيت وراها وهي من دون وعي منها جانت تدحك الي وتشيح بنظراتها عني
نظرة كلها يأس وحزن والم طفله بيد عمالقه سجينه من دون ذنب مجرمه من دون جريمة
انه لحد الان اهاجس رب العالمين رسلني الها منقذ وخلاني بطريقه لان انه ما مستوعب هذا الحب الاحبو الها ومحد حضت بي غيرها
كمل بلهفه وشوگ ما حضت بي غيرها...انه اننه ما اعرف احبها بكل حالاتها عصبيتها عنفوانها برائتها وحزنها والمها وضحكتها كل شئ بيها حلو احب سلبياتها وايجابيتها ابرر اخطائها
رفع ايده بلهفه...هاااي ايدي ما فديوم مديتها عليها ولا هددتها بيها اكصها اذا تنمد عليها انه اعصاب ويه الكل الا هي من اشوفها تجمد كل اعصابي وينزاح عني التعب من شفتها صرت الها ذيب وهي قرباني
ابتسمت بحزن علئ،كلامه ولهفته عليها عرفته ما هامته كل هوسة السجن هو كل تفكيره عندها تفكير مميت اخاف يجبروها تعيش ويه غيره وخاف يصير عليه شئ وتحزن وهو ما يدري بيها فقدت النطق ولسانها ما ينطق الا بوجوده
لزمت ايده بحب كتله...احجي ذياب احجي فضفض طلع كل الي بداخلك
بلع ريكه وعض شفته بغضب وهو يصبر عن نفسه كال..اتذكر لحد الان انه عاشكها وهايم بيها ومن طلعت براءتها كالت سيدي اني مخطوبه
ضحك بقهر...ما تتصور فاروق الوجع الي هاجست بي ول حسيت اجزاء بروحي تكسرت اهاجس مثل الواحد الي لگحو عليه ماي جامد
ما تتصور القهره الي هاجست بيها وطلعت وانه عندي امل بيها وبعدها تعوذت بالله من الشيطان الرجيم ونهرت نفسي...ول ذياب تحب وحده علئ ذمة غيرك لا لا هاي مو من شيمك انساها
جنت أأمر نفسي بالنسيان بس المشكله صوت يصدر من اعماق روحي وهو يكول...ما انساه حبيتها حارب الكل يا ذياب واخذها لا تخليها الغيرك
وكف ملهوف وفرحان كال...فاروووق تدري من رجعت عليه وكالت شرهان مطلكها غيابي وهي مو علئ ذمتو هساع يوول ما تتصور الفرحه الهاجست بيها تتصور اجيت اشيلها وافرها من فرحتي
جاوبته بمزح...ادري بيك ساقط جاا غير ضابط شتطلع مؤذن الرسول انوب تربية الشامخ
ضحك كال...لا والله فاروق اول مره اسولف عن مشاعري تجاة قربئ ول فاروق لو تشوف من اجتني شلون تكسر الخاطر لحد هساع كلمتها ترن باذاني من كالت...ما يردوووني
همست بداخل بروحي ..انه اريدج شلج بيهم يولو
ضحكت...ادبسز اخوووي
ضحك رد عليه...كلتلها انتي برنو ما يعشكج غير الرماي وانه الرماي وصدتها
جاوبته بحب ...والنعم منك لحد الان مصدوم من محبتك القربى احس ماكو منها بس،بالأفلام
جر نفس وزفره كال...فاروق تدري انه صرت الها ابو يوم ابوها ماكو صرت الها اخو يوم اخوها انفقد صرت الها ام من امها ماتت هاجست هي طفلة عندي وهل طفله محتاجه لكل هل حنان تتصور مرات اكعد من النوم اصفن عليها احط ايدي علئ نبضها اتحسس انفاسها من اهاجس منتظمه بانفاسها ترتاح روحي وانام وانه مطمئن المحبوبه بصحه وعافيه
وارجع واكول هم ضلمتها وياي وما ابرر النفسي غير ان انه احبها واعشكها وما اكدر اخليها تروح مني انه وياها جازفت بروحي جازفت برتبتي بمحبة جدي انه خليت كل شئ وراي والتجئت الها هي من دوم غيرها
جاوبته باسف...جنت اتمنئ تعيشون من دون مشاكل بس انت تعرف حياة من دون مشاكل ما تمشي والحياة هيج يوم حلوه ويوم مره واكيد الي،جاي يصير هسه مقدر ومكتوب ان شاء اللة يارب تتعدل أموركم وتطلع من السجن بفضل الله وبفضل دعائها مسكينه متخبله عليك حتئ صوتها فقدته
اتخبل هو ولزمني بقوه كال...صوتها فقدته شنو صوتها فقدته
جاوبته بارتباك...لا قصدي انبح من كثر ما تنوح عليك
بلل شفايفه بضيق...فاروق صبرو عليها شبيكم عليش هيج جلاب خطيه لا تخلونها تبجي
جاوبته بقلة صبر...انوب صرنه جلاب هاي تاليها ولك مخلينها مثل المي بالصينيه والله لا تخاف عليها الشامخ واكف الها سيف ودركه
اجه الشرطي كال..انتهت الزياره
هو لزمني بسرعه كال...فاروق سلملي علئ امي وكلها لا تبجي الكاتبو الله يصير وحاول تطمن قربان عني وكلها ذياب يحبج حييل كل شئ يصير عليه ضلي علئ عهد الذكرئ .اذا جبروج علئ شئ صيري قويه ولا تقبلين بكل شئ يكون ضدج وكلها ذياب واثق بيج مثل ما انتي واثقه بي ولا تخلين اي واحد يشتتج ويشتت ويلادنا...
ابتسمت بحزن علئ كلامه وعصرت ايده اطمنه جاوبته...لا تخاف مثل ما انت وكفت بطريق المظلوم ونقذته الله هم يبعثلك انسان زين مثلك وما ينساك كما تدين تدان ان شاء اللة ازمه وتعدي وترجع المرتك و جهالك
تنهد بضيق...ما اضن يا فاروق
صاح عليه الشرطي مره ثانيه واخذوه وانه ما شبعت شوف منه ضلت امشي وياهم واحجي وياه واطمنه واكله علئ المحامي والوكلاناه اله بس هو جان مايس من حياته وما مهتم غير الاهله ومرته وجهاله اكثر شئ قربئ حتئ جهاله كال يعيشون بس قربئ لا
...................
سوزان ...
خابرت علئ حفصه كالت...قربئ مو زينه كولش مريضه وصوتها ابد ما يطلع شكد حاولنه وياها ماكو
انقهرت عليها كولش هل لبنيه ابد ما ارتاحت ابد ولا عندها حظ بالحياة واحد بينه اذا وكع بفد مشكله يروح وينتهي وهي خطيه كل يوم بمشكله وصابره ومحتسبه ...
الحمد لله علئ كل حال يارب يارف بحالها ويطلع ذياب لان خطيه من دون ذياب تضيع هي لا عندها اهل ولا عندها سند غير رب العالمين ومن ثم ذياب
فاروق حبيبي يعمري يا حنيته وكلبه الطيب ونبي دا يصدمني شلون متخبل علئ ذياب ليله كله ما ينامه بس يفكر بذياب ومرته ...
واني كووولش فرحانه بهذا الشئ يعني فعلا هذا انسان ونعم منه ومتخبل هماتين علئ قربئ يسأل عنها ويموت عليها وعلئ اطفالها ابد ما حقد علئ اي واحد منهم...
هو اليوم عند المحامي مالت ذياب لان جدو الشامخ خابر عليه وكله بويه فاروق روح للمحامي وانه مناك اخابره وهو خطيه ما قصر وراح
اني اليوم عندي دوام بالجامعه ولازم اروح عندي امتحان لبست نفنوف مال حوامل وحذاء ناصي وشسورت شعري ورحت اوووي كولش دا امل من الدوام ونفسيتي زفت بسبب الحمل بس لازم ابري ذمتي كدام نفسي واداوم واجتهد حتئ شنو باجر اطفالي يفتخرون بيه يكولون يااااي ماما كانت حامل
بينه وتداوم وشطوره ههههههههههه
خليت ورحت صديقتي اجتني اخذنا والدها للجامعه لان يعمري فاروقي مشغول حاليا فدوه العمره شكد مقهورة عليه...وصلت للجامعه امتحنت وكملت دا اطلع
وما اشوف الا فريال كاعده بسياره ليوره من شافتني نزلت الجام وابتسمت وبعدها نزلت سلمت عليه كالت...شنو طالعه ؟
رديت عليها بارتباك...اي خلصت امتحان دا اطلع
جاوبتني...امم تعالي نكعد شويه هنا بالكوفي ونسولف شويه دا اريد انبهج علئ امور تخصج
استغربت ...تخصني ؟
سحبتني واخذتني طلبت كهوه ثنين وكعدنه انتظرتها تسولف كالت ...سوزان انتي راضيه عن زوجة ابوج حامل؟
عقدت حواجبي باستغراب...واني شنو دخلني يعني من حقها تصير حامل بعد هي لتتزوج لازم تصير حامل
كالت...اعرف حبي بس انتي كان لازم توكفين بوجههم بهذا الموضوع لان هذا الموضوع يهدد مكانتج عند ابوج تعرفين شلون انتي مراح تكون الج قيمه عند ابوج بعد ما يجي اله طفل من زوجته الجديده حيصب كل اهتمامه بطفله الجديد ويهملج انتي واخوج
باوعتلها بنظرة مصدومه...عزا انتي شدتحجين لا بابا مو هيج بابا مستحيل يسوي هيج اصلا هو يموت عليه واكيد اذا اجاه طفل مراح ينساني
ضحكت بخبث...هههههه هو من شاف نادين وجمالها نسئ امج والخلفها انتي شنو وما ينساج هذا اهتمامه بس بالبدايه حتئ ما تتحسسين حتئ املاكم يسجلهت باسم ابنه الجديد اذا نزت براسه نادين الكح...
تافئفت بضيق...فريال انتي شدتحجين ترا هل كلام ممقبول منج انتي دتسيئين البابا وعائلته الجديده عفيه كافي لا تسممين افكاري
هزت ايدها باستهزها كالت...انتي ضلي مثل البزون العميه منا لمن نادين تكوش علئ كل شئ مثل ما كوشت علئ ابوج واخذته حاصل فاصل من امج وشتتكم
فركت اديه بتوتر...حتئ لو كلامج نفرض صحيح اولا بابا واعي مو صغير حتئ تكوش عليه وتاخذ املاكه بالعكس بابا حقاني ويعرف كولش زين شلون يتصرف وثانيا الطفل رزق من الله يعني شتردين مثلا اسوي
بللت شفايفها وحجت بهدوء وبرود..عادي حبايه تخليها الها بالعصير هل طفل راح يتكطع وبعدها الحق يرجع لأصحابه
وكفت مصدومه من كلامها...شنوووو عزا انتي ما تخافين من رب العالمين انتي تردين اكون قاتله لا سوري انتي تخبلتي ولازم ترحين باقرب وقت المستشفى الأمراض النفسية بلكي تعقلين شويه عزاا تريد اصير مجرمه والله لو علئ كطع ركبتي مو اقتل طفل بريئ هههه انوب اخويه
لزمت ايدي وكعدتني كال...يمعوده اتشاقه وياج قابل صدك دا احجي هيج مجرد دا اجس النبض عفيه عليج سوزان لا تخلين اي شخص يقره براسج اني كنت دا اختبرج لان اكو ناس تريد توكعج بهيج موضوع
عقدت حواجبي...منووو؟
جرت نفس وزفرته كالت...ما اكدر احجي محلفيني هسه المهم فاروق شلونه وياج
ابتسمت بحب الذكر اسمه..الحمد لله كولش زين ويايه ولطيييف
كالت...اي انتي ضلو يحسدونج علئ فاروق المهم ديري بالج عليه لا ينخطف مثل ابوج ترا النسوان ما ترحم وتبني سعادتها علئ تعاسة غيرها
ضحكت... ههههه لا فاروق يحبني ما يسوي شئ يضرني
كالت بتنهيده...ابوج هماتين كان يحب امج لكن من شاف نادين لعبت بعقله وبعدها تزوجها وطرد امج فاني من احذرح احذرج المصلحتج
باوعتلها بنظره مستفهمه كالت...ديري بالج من قربى حبيبه ترا اذا راح ذياب ما الها امل غير بفاروق
رمشت بعيوني ما مستوعبه كلامها كلتلها...شقصدج
ضحكت...هههه راح ذياب ما تضل بدون رجل اكيد تلف وتدور علئ غيره وما تلكه غير فاروق يلم شتاتها هي واطفالها
فتحت عيوني مصدومه ومرعوبه من كلامه صكيت علئ اسناني...فريال لا تستفزيني رجاءا ترئ روحي بخشمي وكوه مصبره روحي
ضحكت باستهزاء...شوفي ونبي هذا كلامي حتتذكري بعدين صدكيني وحتندمين ندامه ما بعدها ندامه لان هي معروفه الي،يموت زوجها تاخذ حماها...
ضربت الطاوله بيدي و وكفت ...اني اروح احسن من الكعده وياج سميتي بدني وبعدين هاي بدل ما تدعين لذياب يطلع من السجن ويلم عائلته تكولين يموت ومرته تاخذ زوجج انتي شلون تفكرين
ردت عليه ببرود...مثل ما تفكر قربئ خاتون وغيرها سوزان خليج ذكيه وانتبهي اذا مو هي لعبت لعبتها يلعبها الشامخ ويزوج قربى الفاروق ...
وبعدين انتي شتتوقعين من واحد متزوج بالسر من وحده اهلها معارضين وهو رتبه عاليه بالدوله وقتل شخص بالجهاز الاستخباراتي اكيد اعدام اذا مو مؤبد
ترا اني سالت عنه اكثر من محامي كال قضيته ما دام راحت المحكمة الثورة اكيد اعدام القاضئ يصدر الحكم من دون ادله او حتئ يفهم السالفه شنو يعني مو ذات اهميه ارواح الشباب زين شلون بذياب الي ذنبه مغطي
جاوبتها...بس هو دافع عن شرفه
ضحكت بسخرية...صايره غبيه كثير سوزان ولو انتي من يوم يومج غبيه ماكو شئ جديد
رديت عليها بحده...اني ذكيه بالعكس بس مو خبيثه
وكفت واخذت جنطتها وحركت شعرها بغرور كالت...باي حبيبتي وفكري بكلامي زين تمام عيوني لا تنطردين مثل امج
عضيت شفتي واني اكتم عصبيتي
كالت...اهااا نسيت صدك هي صايره خرسه لو لعبه منها حتئ تثير عاطفة الشامخ
رفعت عيوني الها بس مجاوبتها ابتسمت كالت...اي كوولشي تسوي هاي الفگر بس لفت علئ ذياب دمرته دمار مو طبيعي مثل البومة شئم وين ما تحل يحل الخراب والدمار
ما اعرف شنو العجب ذياب بيها ما بيها فد شئ يجذب بنيه عاديه صح عيونها حلوه بس مو ذاك الزود وصفره بشرتها صفره مثل الحيه الشاحبه
جريت نفس وجاوبتها...ما فد يوم حجت عنج هي ابد رغم انتي جنتي محجوزه الزوجها بس ما جابت سيرتج بالباطل هذا يبين الفرق بينج وبيها
ضحكت وتخصرت كالت...اي ست سوزان وشنو الفرق بله
ركزت بعيوني عليها وجاوبتها...هي انسانه عندها ثقه بنفسها وانتي الثقه معدومه عندج بحيث هي ما شايلتج من كاعج وانتي ضاله تاكلين بيها مثل اللحم الميت...
باوعتلي من فوك ليجوه بنظرة انتقام وخلت وراحت
مسحت وجهي بتوتر رغم ثقتي بفاروق لكن اثارت الشك عندي مو من ناحية قربى ولا فاروق خفت هماتين الشامخ يجبر فاروق علئ قربئ اذا لا سامح الله صار شي...
استغفرت ربي ودعيت الذياب بالتوفيق والتحرير من هل سجن ودعيت القربئ تتشافه بس رغم كل شئ صار عندي شك بداخلي...
خليت ورجعت للبيت فورتات لان فاروق لو ما مشغول كان اجاني بس،هو مشغول...
رجعت للبيت تعبانه وهل موضوع شغل بالي معقوله فاروق يتزوج قربى!!
استغفر الله يا ربي ما اعرف شنو الدا احس بي بس احس كولش موجوعه وما اتخيل قربى ويه فاروق مستحيل
يا ربي ذياب تخلص محاكمته ويطلع افراج او ينحكم مده قليله يارب ...
اجه فاروق العصر كتله اصبلك غدا كال لا ما اريد شبعان تغديت برا بس اريد اروح للانبار
استغربت ...ليش؟
جر نفس كال...قربئ نريد ناخذها للدكتور انه والشامخ وذياب وصاني عليها لازم اكون وياها وهم خطيه هي تخاف من الشامخ من انه موجود شويه تحس بأمان
بللت شفايفي بحيره وسحبت نفس وزفرته كتله...تمام روح بس لا تتاخر لان اني هماتين تعبانه نفسيا وصحتي دا تتدهور بسبب الحمل
باس جبيني،ورد عليه..يبا لو ما اخاف علئ الجاهل جا اخذتج ويايه
تلمست لحيته بحب جاوبته...اروح فدوه للجا مالتك
باس خدي وضحك...يبا انتي شحلاتج انوب سمانه تورين ور كولة ذياب
حطيت ايدي علئ شفايفه...لا هاي بس القربئ لا تحجيها
عض اصبعي ورد بضحكة ...اي انه اكول وابو فاضل تطيحين الطير من السما
ضحكت عليه وبعدها جمعت ملابسي اخذني الاهلي وهو راح للانبار
.................
قربى...
جنت كاعده اوكل بعلي وهو كل شويه وكال...بابا ماكو
وخالتي ام ذياب من تسمعه هيج يحجي خطيه تتخبل تضل تبجي وتنوح واني " /> وخالتي ام ذياب من تسمعه هيج يحجي خطيه تتخبل تضل تبجي وتنوح واني " />
>وخالتي ام ذياب من تسمعه هيج يحجي خطيه تتخبل تضل تبجي وتنوح واني ما اعرف شيصير بيه احس الوجع ينهش بصدري