سلالة العنفوان ..(ذنب عيناك)

الذنب21ج2

الذنب 21

رواية..ذنب عينيك...سلالة العنفوان
منقوله لكاتبه...نور سمو العراق

💔💔💔💔💔💔💔💔💔
ن

هــايه الوهم دائماً هي الخيــبة، لهذا يجب أن نسعى لكشــف وجه الحياة القاسي لنصل لخيــبتنا بأنفــسنا

.......................
ق

ربى...
فضاعة بالشعور صارت عندي يمكن اكون ابالغ بردة فعلي بس للاسف هذا الي صار ويايه...
ما جنت متوقعه ان بيوم من الايام انسال هيج سؤال ومن منو من جدو الشامخ...
يعني اني تقريبا هسه علاقتي تحسنت وياه وصار يتودد الي ويحبني ويحترمني وتقبلني بحياته
وممستعده اخوض معركه من جديد معركة اكون بيها الخسرانه من جديد اذا عرفو شرهان ابن عمتي
والادهئ من هذا كله اذا عرفو اني جنت سجينه عند ذياب واهلي معارضين
خفت اكوله ما اعرفه اطلع جذابه خفت اكوله اعرفه وابتلي علئ نفسي بلوه صرت مثل الي بالع موس مجروح بكل الحالتين
تنهد وقبض علئ سبحته كال...هم عود كليلي روح كل الذيبي هو يكلك
بللت شفايفي بحيره وجاوبته...هاااا والله شكولك جدو اني بصراحه م
جر نفس...احجي بويه لا تخافين وصدقيني القول تا اكدر اساعدج اذا اكو شئ وهمين نحافظ علئ ذياب اذا راد يسويله شئ...
حطيت ايدي على شفايفي محتاره ما اعرف شسوي باوعتله بنظرة متألمة...اء والله اني اخاف احجي واخاف تفهمني غلط
وكف وتقرب مني اكثر وعيونه تنطق بغضب احتضن اكتافي واني صابتني رجفه عبالك بوسط عاصفه هوجاء
كال...ما افهمج غلط بويه احجي انتي والج الأمان
ترددت احجي عضيت علئ شفايفي كتلة..ايي هو زين بلا زحمه اريد اطلب طلب قبل ما احجي
ركز بنظراته عليه...اي شنو طلبج بويه
تنفسي ضاق صدري...اذا كلت اعرفه او لا بعد ما تسألني اي شئ وعد يكون
رد باستغراب...عليش؟ انتي اذا كلتي ما اعرفو انه ما اصدكج لان واضح تعرفينو
نزلت عيوني...اي اعرفه هو قبل لا اتزوج ذياب جان خاطبني وبعدين فسخنه وتزوجت ذياب وانتفض ضدي لان تركته...
استغرب كال...افااا هل نذل جان خطيبج لو زوجج
جاوبته بسرعه...لا والله خطيبي وجنت حيل اكرهه اتخبل منه هو متخبل لان ذياب تزوجني
رد عليه...غريب لو قريب ؟
رديت عليه...لا غريب لا اعرفه ولا يعرفني ...
حجيت بداخلي ابرر كذبتي صدك اني لا اعرفه ولا يعرفني والغريب احسن منه شنو هو هذا حتئ اعترف بي ابن عمتي من عمه العماه هو وامه النذله
سكت كال ..عجل هو هيج هاجم علئ ذياب لانو انتي جنتي علئ ذمتو
هزيت راسي بأي ...
رد عليه..عجل خلي يولي انتي صرتي حرمة ذيب وحتئ لو جان خاطبج من قبل ما الو الحق تا يجي ويسبب فتنه بيني وبين ذيبي
جاوبته بهدوء...الحمدلله الله كشفه هو شنو الف الحمدلله جعل كيدهم في نحرهم...
مسح وجهه بتوتر وعصبية كال...انه اعرف شلون اتصرف وياه واخلي ازلامي تطيح حضو وحض الخلفو واريد كوا...الي يطلع الو
جريت نفس ...لا خلي يولي جدو يروحلك فدوه ذياب هو يتصرف وياه واكيد يطيح حضه وصبغه هماتين ويندمه علئ سوايته هاااي...
رد عليه ...الله كريم والله ولعب بنفسو انه اربي تا يعرف الشامخ منو...
جاوبته ...ونعم منك جدو بس كتلك ذياب هو حيتصرف وياه وهو يطلع حقكم اكيد انت ثقتك بذياب عالية ...
جر نفس...اكيد ثقتي بذيبي عال العال الله كريم اريدو يجيبو هينا تا اربطو بصف الجواميس واعرف احاسبو خابريلي ذياب بسرعه ...
ترددت اخابر ذياب بعدها خليت وخابرته ما جاوبني حمدت الله واثنيت عليه من ما جاوب...
كتلة...جدو ماكو محد ديرد
رد عليه..خوش من يرد عود كليله جدك خابرك وخلي يخابرني ببيتي مفهوم ؟
هزيت راسي بأي ...مفهوم جدو مفهوم...
خله وراح بعد ما دخلت عمتي اخذت منها علي وكعدنه نسولف ونتناقش بينه
كلتلها اني حامل اخذتني حللت اليه طلع صح عندي حمل وصار شهرين والمسعده الي هي اني ما اعرف صار شهرين من حامل عبالي هسه...
رغم كولشي لكن رعب وخوف قالقني حييل احس عبالك كاعده بغابه وكل شويه هاجم عليه وحش يرعبني...
ومن بين كل هل تفكير هو تفكيري بابويه واهلي الي هل ايام اخذ حيز من تفكيري وارهق عقلي صار سنين من اختفو بسجون النظام وين صاروا
معقوله نفوهم لو ماتو ...
من طريت طاري الموت احس رجليه مثل شيش من نار دخل بيهن طردت الفكره من بالي...لا اسم الله عليهم ان شاء اللة كل العمر الهم وين ما يكونون
عندي صبر الحمد لله رغم اني من النوع الي متعلقه باهلي بس يا سبحان الله ربي نزل عليه السكينه والوقار
ادعيلهم صح اصلي الامي انطي ثواب الها صدقه جاريه باسمها بس مو نواحه ولطامه لا احاول اصبر نفسي عسئ ولعل ان يكون صبر جميل
واحمد الله بالسراء والضراء والبؤس ودائما اذكر نفسي يا قربئ لا تنتفضين علئ القدر والي كاتبه ربي
ولا تنسين ان كل هل ارواح هي امانه لازم ما نرهقها ونعذبها ولازم ترجع هل امانه رب العالمين وهو راضي عنا
جنت دائما هيج اصبر نفسي واحاول ما ارهق نفسي بتفكر سلبي دائما جنت اتحلئ بالايجابية حتئ لو جنت اكذب علئ نفسي
ودائما اكول ينسد باب بس ربي يفتح الف باب ...واكيد الله ما ينسئ عبده ان شاء اللة يبعد عني شر الاشرار وكل واحد يريد بيه السوء...
..................
فاروق...
صدمه الجمت كل الحواس من شفنه شرهان وين دخل افاا معقووله
معقوله هذا الخانس الجبان يشتغل بالأمن العام او يمكن بجهاز الاستخبارات...
كال ذياب...لااا مو معقوله يووول والله جبان بس انه شلون فاتتني هذا واحد عار كل شئ يطلع منو مو بعيده يلفق الي تهمه لازم اجتلو واخلص من شروا
ضحكت...يمعود علئ كيفك شنو هو دجاجه وتجتلو خلينه نشوف شنو قضيته يجوز جاي يشتكي ...
رد عليه بثقه...لا مبين جاسوس للدوله ما شفتو شلون انطه الباج الخاص بالاستخباراتيه
جاوبته...شفت بس يجوز جديد هسه متعيين او مترفع
جر نفس...الله اعلم ذول صار ينخاف منهم يا فاروق لازم نكون حذرين اكثر تا نعرف شلون نشتغل بعد
عم قربى جلاد وابن عمتها بالامن وهل شئ خطر بينما اهل قربئ يعتبرون معارضين قمه بالتناقض
شلون ما تهددت وضايفهم اذا هم ما الهم ايد بالتبليغ اكيد هم الي بلغو عن اهل قربى و وصلوهم الهل مواصيل
نفخت بضجر...والله هاي العالم انجلبت توحشت ما اعرف شبيهم مال صاروخ واطشرهم تطشر لا والله مال كيمياوي والعن شيب الخلفهم...
ضحكت بعدها كتله...بس ذياب لا تنسئ احنه هم مو شويه انا صديق الريس وانت رائد
ضحك...مو وكتت فاروق ههه خلينه نشوف شنسوي ويه هذا المصيبه
جاوبته...انخطفه
رد عليه...لا يول شنخطفه لازم اكضب عليه فد شغله تا اغط راسو بالطين خلي هساع بعدين اعرف شلون انصبلو كمين هل جربوع هذا
فر السياره ومشينه كتله...ذياب دير بالك ذول ترا خونه وحقراء انوب لا تروح بيها وانت عندك عائله لا يلبسونك تهمه
جاوبني ببرود...ماخذ احتياطي
بعدها كال...امشي وياي تا نروح لبيت عمتها ام بثينه تا نشوف شنو اخر الاخبار
رفعت اكتافي بعد معرفه..كيفك امشينه
مشينه مسافه وصلنه عندهم جان بيت قديم نوعا ما مو البيت القبل جانو كاعدين بي لا هذا غيره إيجار ما اجرينه...
هن من شافنه رحبن بينه ودخلنه جوه اعوذ بالله من غضب الله مبين من وجوهن مو راحه هاي قربى احضها بيا طهاره نايم كل اقاربها نعل ما بيهم واحد بي حظ بس هي فقيرة عليها مية العجين الا البقية زبااااااالة...
هسه احنه صدك عدنه بعشيرتنه مجلوبات بس مو هيج و وجوهن عمي فريال مجلوبه بس حلوه وصبيحه هم شايله روحها ولو خشمها بي كيلو لحم ومسامات وجهها يدخل بيهن جريذي
خلوني ساكت ما احب اعيب علئ خلقة الله واتنمر ...
كعدنه جانت البنيه لابسه جلابيه صفره جنها غاطه بجدر العنبه وشعرها كذلك عبالك جايبه جيس البهارات وصابغته بي ...
والكحله والحمره المن مكحله ما ادري واردان الكلبيه كلها ريش مال بط مدري مال دجاج جانت الموده عود...طالعه جنها دجاجه منتوفه
جانت تباوعلي وتتغامز ووتلامز وتلعب بخصلة شعرها وانه كوه علئ روحي متحمل يبا مو حلوه وينها وين سوزان تغدي سبع فدوات السوزان...
اووف سوزان مريضه خطيه ...ان شاء الله المرض لصبوحه وذني الكح...ولا بيج يبعدي...
انوب والله جابن الشربت وكعدن يسولف هاي،بتها ساعه عينها عليه ساعه علئ ذياب تسوي قالا بالا محتاره تاخذ منو منه ما تدري ثنينه متزوجين ولا ليش،ما تدري تدري وتعلم بعد
جبناها نسولف عن اهلهم والي صار جانت امها تشكي وتبجي من فياض الضاهر مهددها وتدعي عليه بحرگة گلب
انتبهت الها حلكها صاير اعوج وحتئ عينها مكلوبه ضلت بنفسي هاي السالفه لازم اسأل سالتها عن تغيير شكلها ...
كالت...ضربتني شرجيه من وره فياض وندارت عيني وفجي...
انه استغربت كلت لا يمكن جلطه بس ما تريد تحجي..
يطبها مرض هاي الي تخلي الكلاب تتماده عليها وتنطي مجال وبعدها يشمرها شمرة الجلب وتكعد تتحسف وتذبح بروحها
تستاهل الصار الها الي يخيلي عينه علئ مرة اخو هذا مو رجال ومو مال ثقه هذا حيوان وكلب
ما اعرف النسوان شلون يثقن بهيج شخص وهو بالاصل خاين شلون تامنين علئ نفسج علئ حياتج من هيج حثاله...
شني هل قابليه الي عندها شلون تتقبل ان تنكشف علئ غير زوجها وهي زانيه والفاحشه راكبتها من ساسها الراسها شلون باجر تقابل ربها بأي وجهه
ماكو ضمير ؟ ما تعرف دينها لا وتنحسب علئ الاسلام والمسلمين تبره منج الدين وكل الي يسوي،بيها فياض مستاهلته ويطبها الف مرض وابو زايد ان شاء اللة...
كلها ذياب...شرهان جان خانس هساع شعندو كل شويه وهجم عليه وايمت صار بالاستخبارات
ردت عليه...ما صار هواي من صار بهل مركز وكل همه شلون يرجع قربى لذمته
وكف ذياب مصدوم من كلامه...شنوووو يرجع منو الذمتو والله لو اعرف تصير مجاتل ما اخلي يمس شعره منها وانه ذيب الشامخ
وكفت ام بثينه وردت عليه...هم مو حبا بقربى بس قربى خطر عليهم فلازم يتخلصون منها قربى تفتح عليهم ابواب بقتل امها واني اعترفت بهذا الشئ ومستعده اعترف بي كدام الحكومه ...
وجنت ناويه اروح اقدم بلاغ ضد فياض بس هو نذل هددني ببثينه
كالت بثينه...لا ماما بس ترا شرهان حييل يحب قربى وفعلا ضيعها من ايده ولو يعني هو ما يستاهلها بس لا تنسين جان السبب من فياض هو الي طلب منه يطلكها ويزوجه ابتسام بنته
هو يموت عليها من جانت طفله وهي شالعه كلبه وميت عليها ولحد الان يكره ابتسام ويحبها الها خطيه هم تعب هو لخاطرها
ذياب بعصبية...ول محد يستاهلها غيري والله وحق الحسين اذا سولت نفسه وحجه بقربى انعل والديه شنو يحبها شنو خاطبها هذا حتئ ما اريدو يلفظ اسمها كل شئ ولا قربان
ضحكت بثينه وهزت ايدها بسخرية...والله عمي خوش حضها كاعد ثنين يتعاركون عليها
تجاهلها ذياب وتقرب من ام بثينه ورفع اصبعه بتهديد...شوفي ام بثينه هذا الكلام توصلينه بخيط وابره الحماج وابن حماتج ذول العارات كليلهم قربى خط احمر الي يتقرب منها ما رايد روحو والله اسوي سالفه محد مسويها گبلي ودليلي عليهم جبير وهم يعرفون كلش زين
وكليلهم ابو ندى الفلاج اعترف عليهم وهساع هو محبوس عندي بالسرداب بله اريد اعرف شلون يطلعون نفسهم
هي سكتت ما حجت وبثينه ترد عليه...خوش خوش نكلهم بس عود هم تعالو زورونا
خله وطلع بدون ما يجاوبها و وجهه محتقن ومتعصب كال...شفت النذل شيريد كل هذا يسونه تا يرجعون قربئ يردون يوعزعون العلاقه بيني وبين قربان تا اطلكها او الشامخ يكون ضدي مره ثانيه ...
تا ترجع الهم يذلوها ويخبلوها عمود ما تعترف عليهم هي المسكينه هساع معترفه كاعده وساكته وهم بالينها بلوه
ضلينه مراقبينهم نراقب تحركاتهم لليوم الثالث وتبين ان فعلا هذا العار بالامن العامه هو وخاله شلون ثنين...
.........................
سوزان...
وكفت علئ السنك واني اغسل باديه بصابون وارجع مره ثانيه وثالثه ورابعه وخامسه اغسل وارجع ليوره
احس اديه صارت ملح من كثر الصابون بس دا اغسل واحس اديه وسخه لذلك ارجع اغسل مره ثانيه
هاي صار فتره علئ هل حاله اغسل اديه هوايه ليل كله اضل كاعده للصبح بس اغسل باديه واضل ابجي
اديه تحفرت ولجلد تاااخ وصار يتقشر اختنكت حيييل خليت وطلعت كعدت بالحديقه جان يمي فاروق كتله ان شاء اللة اليوم اجي للبيت بس شويه ارتاح
كال ميخالف خطيه ما حجه ومساندني عندي رغبه كبيره اتخلص من نفسي اني المن عايشه واني محد مهتم بيه والعظم النابت بعنقي جارحني ليش هيج ليش اني متعوبه
بجيت بصمت محد ديحس بيه محد يعرف من شنو اني دا اعاني ونبي اليل كله مدا انام ماما دكول ما بيج شئ من الفكر مال فاروق هيج صار بيج
هم اخذتني للدكتور كلها مبيها شئ زين اذا مبيه شئ لويش هذا العظم الي بحنجرتي دا يخنكني ليش...
مدا اعرف شنو السبب فتحت باب الشارع اشتميت هوا شفت اجت نادين دتمشي شايله علاكتها
ابتسمت بوجهي واني،ضحكت بحزن سلمت عليه ودخلت كالت...هااا شلون صرتي
رديت عليها...والله مو زينه كلبي دا احس يريد يطلع من مكانه ونفسيتي تعبانه
جاوبت ...اخاف هاي نظرة وعين تعالي لامي تقره عليج ايات قرانية
جريت نفس...ان شاء اللة
دخلت جوه كعدت تنظف وتشتغل وماما كاعده عازمه صديقاتها
هي خلصت البنيه واجت كالت...ام سوزان محتاجه شئ اني اريد اروح لان خلصت ساعات شغلي
جرت نفس ماما كلتلها...لا خليج بعد ساعه لان صديقاتي حيجون واريد تضيفينهم
نادين..بس ام سوزان احنه ما اتفقنه هيج انتي تعرفين امي مريضه وما اكدر اتاخر عنها اكثر من هيج
امي...ميخالف كتلج راح ازيد من المبلغ ما بيها شئ اذا تاخرتي شويه وان شاء اللة امج ما حيصير بيها شئ...
نزلت راسها باسف...يله بس ساعه مو اكثر ام سوزان لان والله امي ما اكدر اخليها اكثر من هيج تحتاجني خطيه ومحد يمها...
ردت عليها...تمام
ضلت البنيه تحوص بالبيت اجه بابا صبت اله غدا اكل لوحده بس جان حيل متضايق من وجود هل بنيه بابا من النوع الي يعني ميحب يضايق اي واحد وديحس وجوده مضايقها لهذا السبب هو ممرتاح...
اتاخرن صاحبات ماما وهي لبنيه كل شويه واجت لماما تريد تروح ماما ضاجت ضلت تصيح عليها وكلتلها روحي من وراج حتى ما اجن...
خلت وراحت وشويه واجن صاحبات ماما هههههه
ماما ضلت تحجي كالت...هاي المطيه لو متاخره بعد شويه هسه محد شافها عندي هسه صديقاتي عبالهن جذابه من اكول عندي خدامه لو بس شايفينها حرامات
رديت عليها...انتي جايبتها تخدميها لو تذليها
كالت بعصبية...مالج شغل سوزان اسكتي وعوفيني،بحالي
سكتت منها ورحت خابرت فاروق كال اني مموجود ان شاء اللة امر عليج باليل اخذج
عفت الوضع كايس وخليت ونمت وبابا حاد اسنانه علئ ماما يريد يكتلها شلون جابت خدامه للبيت وخربطت حتئ الوضع...والله اشوف ما الها داعي هل خدامه...
......................
وئام ...
دخلت للغرفة وبيدي بنتي ضايجة ومقهورة لهسه كلام عليوة يررن بأذني والله شنو طيبة تشبه سهام واني من كل عقلي مصدكتها وعقلي الباطن يبني افكار خاف صدك عمر بعدو يفكر بيها وطلعت تشبهها لسهام
دخلت ادردم واخلي طيبة بسريرها جانت هستوها نايمة دحكت عمر رفع راسوا يدحك عليه
وعاكد حواجبو ويسال شكو ليش تدردمين ؟
رحت كعدت على السرير بكل قوة وعصبية وغضب
هو من دحك حالتي هيج جثير ضايجة كعد على حيلو
ويدحك عليه بنظرات مستفسرة
كضبتو من ايدو وكتلو طيبة طيبة تشبه منو ها جاوبني ؟
كال وئام من الاخير شبيج شكوو وشنو هالسؤال هسه هيه طفلة صغيرة وين تبين تشبه منو
كمت من يمو ورحت جبت طيبة وهيه نايمة وقربتها منه وكتلو دحك هاك دحك على بنتك صدك تشبه سهام ؟
هو كال بصوت عالي شنووو ومنو سهام حتى تشبهه شبيج فلفلة سهام عم وليد خال بنية حتى تشبهه شكو تجيبين اسمها علئ لسانج جم مره حذرتج
بنبرة بكاء جاوبتوا اي روح كول لاختك علياء كوللها هيه كالت هالحجي" /> بنبرة بكاء جاوبتوا اي روح كول لاختك علياء كوللها هيه كالت هالحجي" />
>بنبرة بكاء جاوبتوا اي روح كول لاختك علياء كوللها هيه كالت هالحجي الي قبل شوي وتعيب عليه تكول سهام احلى مني وطيبة تشبه والله شنو عمر بعده يحبها ويفكر بيها وطلعت طيبة تشبهها بله هذا حجي اختك دوم تسمعني كلام واني بعد ما اتحمل