سلالة العنفوان ..(ذنب عيناك)

الذنب الاربعه و الاربعون

البارت 44

 

رواية...ذنب عينيك ...سلالة العنفوان
منقوله للكاتبه...نور سمو العراق

💔💔💔💔💔💔💔💔💔

..................

قربئ...

احلام مزعجه تنهال عليه بالضرب كل ما اغفه شويه وترجع الي احداث الماضي احس دماغي مجاي يستوعب كل الي،يصير...

مخاوف عندي من الحاضر اكثر من الماضي وهذا الي يفززني من نومي باول الفجر

وتعودت اني،كل يوم من بعد كل حلم مزعج اكعد الفجر يا سبحان الله وكأن هذا الحلم منبة لوقت اذات الصلاة

اول ما فتحت عيني،واسمع المؤذن ياذن بعبق ايماني بحيت احس الروح تنجلي وتتطهر مثل قدسية الطهارة ...

بسم الله اصبحنا واصبح الملك ل الله اللهم صلي على محمد وآل محمد وصحبة أجمعين...

طلعت من الغرفه بس جان اكو خوف بداخلي صح البيت كبير وحلو بس ممتعوده عليه لذلك جنت امشي والتفت يمنئ ويسرئ ..

غسلت وجهي وتوضيت ورحت فتحت جنطتي طلعت منها احرام الصلاة خيطتة اليه بيبي وصليت ام خمائل لحد الان نايمه

كلت حرام علية خلي اروح اكعدها حتئ تصلي كعدتها خطيه المره كعدت صلت ورجعت نامت

اني عيني ما اخذت نوم ضليت محتاره فتحت باب الغرفة

باوعت للحديقه وابتسمت...يا الله شكد حلوه روح الربيع تهتز منها الورود بروعه والهوا شايل وياه انواع من عطور الورد...وتغريد العصافير مالي المكان...

شلون حلو الجو ويفتح النفس احس حتئ الاوكسجين تغير وتغير جوي الكئيب

طلعت برا ونسيم الهوا البارد يضرب ببشرتي وشعري
هدوء عالم منفرد بس اني وأحلامي بس تضل مشاعري مثل الميت المدفون ...

نفضت افكاري السيئة وصليت علئ النبي مرة اللخ وصلت للاسطبل رفعت الجت وانطيته بيدي بخوف للحصان اخد ياكل منه واني اباوعله وابتسم وفرحانه لان كدر الحصان يتجاوب ويايه وياكل...

ابتسمت فرحانه وسرحت بخيالي...ياريت لو ما افيق من هذا الحلم يا ريت لو اكون فعلا اني موجوده بهذا البيت بيتي الي يؤويني اني ذياب بدون قيود بدون شروط

بدون اسرار وافكار تتعب كل ذرة بجسمي وتفكير بالواجهة الصعبه محتارة حد الذبول

مشيت بخطوات سريعه ورحت للغزال هي بقفصها قدمت الها الاكل وابتسمت...صباح الخير يا حلوه ما ناويه تتريكين وشعندج كاعده من الصبح ليكون عاشقه مثلي