سلالة العنفوان ..(ذنب عيناك)

الذنب الثاني و العشرون

الذنب 22

 

الذنب 22

رواية..ذنب عينيك...سلالة العنفوان
منقوله للكاتبه...نور سمو العراق
💔💔💔💔💔💔💔💔💔💔
الغربة
من الليل سكته تخلصه وحدك
الوحده
من اشوف ناسك
عادي متعوده اعله فكدك
منقول 💔
...................................
بعد ما اجه جدي و ذياب من الغربية جدي دخل وعصاته بيده ومتعصب چثير ..
ركضت عليه عمتي كالت...هااا بوية الله يساعدك طيحت حضه لفاروق
رد عليها بغضب...غسلته غسل نعلت اسلاف جدادو هنتو جدام الكل وكضبتو من خوانيكو..
وهو خلصاها يتوسل بيه ويبوس بيدي...جدي انت تأمر جدي بس اكعد اشرب جاي
اني رديت عليه...ما اريد جايك ولا اشربو انه اجيت هينا بس تطلگ سوزان
عمتي بلهفه وترقب...اي وشكلك هل ساقط الادبسز
ذيب بغضب...عممممه
جدي رمقة بعدم قبول...شبيك ذياب انت هم ما عاحبني مثل اخووك ذاك العاق شبيك تخبلت واكف النه عظم بالبلعوم شتريد احجي...
جاوبو بجمود..يعني فاروق ما حجه شئ وجان محترم ويانه ما يصير عمتي تتجاوز علية
جدي بحزم...بس هو يستحق التجاوز لانو واحد عار وابن امو المطلگه
رديت علية...وهيج المطلكه عار بنظركم شنو امي خانت لو کتلت حتئ تطلگت كل ذنبها الشامخ ما يرضه يناسب الغرب...
ضحك باستهزاء وجبروت....اي بس العار والاخلاقها زفت وبنت الزنا تتزوج بالسر
ذياب جاوبو مصدوم مقهور من كلامو انتفض بسرعه ضدو...جدي لاااا هذا مو كلام شيخ وشيباتو مالين وجهو...واذا تزوجت بالسر كل شخص وظروفوا
الشامخ...ول ول ول ههههه تدافع لشريجة امك يا ذيب التاخذ رجال من مرتو هاي بنت زنا..
جر نفس...مو ادافع لشريجة امي بس انه ويه الحق ابوي هو الغلطان المره شدخلها ابوي هو الشاهت عينو عليها وهو الي ورط الحرمه وياه
اذا يعرف نفسو مو كد المسؤؤلية ليش يورط بنت الناس وياة
الشامخ...هو انذل خلق الله يعرف انه ما اواطن الغريبه وراح تزوجها وتضل هي وياه بنفس الجرم لو ما شاف منها دبگه ما تزوجها بس اكيد سوتلو واهس ولعبت بعقلو او يمكن سحرتو
ذيب...وهو ابوي ما عنده عقل حتئ سوتلو واهس نسه نفسو متزوج وعندو ويلاد الحرمه مو ذنبها...وابوي هو الغلطان مجان لازم يطلكها
عاد جدي تخبل كضب ذياب من خوانيكو بكل غضب وسحبو ناحيتو وهو حاط عيونو بعيون ذياب...افاااا وتريدو يكسر كلمتي ويغضبني يا ذيب
بلع ريكه ورد عليه بقوه...ابغض الحلال عند الله الطلاق باطل يرضيك ويغضب ربو..
ركز بملامح ذياب بكل جبروت وشد علئ شفايفو و وجهو احتقن...كلامك صاير متناقض يذيب وين ذاك ذيبي الصبور صاير متمرد وكأن ما تعرف بقوانين عشيرتنه ...
انه ما اريد واحد يغضب ربو بس انه كايل الكم ومحدد هل شئ واختار الكم من نسلكم طاهرات يصوننكم ويتحملن وبعدين ليش حلالنه يروح للغربية ليش كل هل خير يروح للغربية
ذياب...بس تضل قناعتنه اني مثلا ما مقتنع بفريال وما احبها مو بيدي تضل هاي قناعه بالإنسان وما يكدر يتحكم بمشاعرو...
الشامخ بغضب...انت تلكه احسن من فريال وظيفه وشهاده ومال وجمال الف واحد يتمناها
ذياب...عندها كل شئ الله يسعدها بس انه ما اهاجس الي مشاعر الها...
الشامخ بغموض...ليكون ناوي تتزوج غريبه
ردت مرة ابوي.. لا ذياب ما يسويها ويزعل جده بس مو بيده اذا ما يكدر يحب فريال خلي هو يختار وحده من بنات العشيرة
الشامخ بحزم...لاااا فريال يعني فريال وحتئ لو ما احبه هساع يحبها بالمستقبل الله يكول وجعلنا بينهم موده ورحمه
بس يتزوجون الله يجعل بينهم مودة ورحمه واكيد واحد يضل يموت علئ تراب الثاني...
ذياب ترك الكل ومشه بخطوات واثقه...اني العنده حجيتو ما اتزوج فريال اتزوج اي وحده وهي لااا
خله وطلع وجدي تخبل كضب التحفية علئ شكل حصان ورافع حوافروا جانت من كزاز ولونها ذهبي
كضبها ولگحها علئ الارض بكل قوووة تناثر الكزاز وسوزي صرخت بخوف وضمت نفسها وره امها كالت...ماما خلينه نرجع البغداد
ضل يصول ويجول...ذيااااب ذياااب يتمرد عليه انه كله مني اني السبب دللتو ورفعتو وميزتو عن الكل تاليها يوكف بوجهي ويجادلني ولا كأني جده ولازم يحترمني
كضبتو حرمة ابوي وهي تتوسل بي...اهدي عمي اهدي وليسمك والله شويه ويرجع يبوس يدك ويعتذر منك
انت تعرف ذياب كلبو طيب وما يقصد بكلامو شئ...انت تعرفو كلش زين
كعد علئ القنفه وحط ايدو علئ گلبو اعرفو الشامخ من يتعارك يمرض روحو تنخاف عليه وبعد ما نستفزو ونمشي طوع امرو
كال وهو يلهف...جيبيلي حبوب الضغط اهاجس ضغطي صعد من كلام ذياب قهرني وگلبي اهجس تضخم ...
ركضت حرمة ابوي نجيب ماي وحبوب وصبيحه كعدت بصفو...بوية يعني فاروق راح يطلك سوزان
زكح بوجهها بكل غضب خلاها جفلت بمكانها...انعل ابوووج لابو سوزانه وخري من وجهي لا بارك الله بشوفتج وخري...
خلت وشردت هي وبنتها وصعدن فوك ...
ضلن يومين وراحن وذياب اهاجس روحو تريد تطلع ومهموم وما اعرف شنو البيه
بس انه شكيت يحب وحده غريبه واسمها قربان لان هو فضح نفسو بدون ما يعرف وهمين دوم الاگيه محدر عند الغزال
والله حالتو ما تبشر بالخير اني استبعد متزوج بالسر بس اكول متأكده وكلي يقين يحب بنية واسمها قربان...
مر جم يوم ذياب اخذ عمتي وبنتها رجع بيهن البغداد
وفاروق قرر يطلگ سوزان وجدي ما مقصر بي اني تفاجئت معقولة الشامخ يرزل فاروق ويسكت
اني ما متطمنه من ناحية فاروق هو اخوي ومحد يعرفو بكدي اهاجس الهدوء ما بعد العاصفه
واهاجس كلامو ويه الشامخ مجرد بنج للاوضاع
...................................
سوزان
فتحت عيوني بغواش وغلقتهن مدا اكدر افتح عيوني اكثر
رفعت ايدي واني افرك بجبيني واحس نفسي دا اريد اتقيئ كولش لعبانه نفسي