سلالة العنفوان ..(ذنب عيناك)

الذنب الثاني

الذنب الثاني
رواية..ذنب عينيك...سلالة العنفوان
منقوله لكاتبه...نور سمو العراق
💔💔💔💔💔💔💔💔💔💔💔
ﻳﻤﺔ ﺷﻴﺐ ﺭﺍﺳﻲ ﺑﻌﺪﺝ
ﺍﺑﺜﻜﻞ ﻛﺒﺮﺝ ﺛﻜﻞ ﻫﻤﻲ
ﻋﻜﺐ ﻣﺎﺑﻌﻴﻮﻧﺞ ﺍﺣﻠﻒ
ﻫﺴﻪ ﺍﻛﻮﻝ ﻭﺭﻭﺡ ﺍﻣﻲ.
............................................
جاء رجل إلى رسول صلى الله عليه وسلم، فقال: يا رسول الله من أحق الناس بحسن صحبتي، قال رسول الله صلى الله عليه وسلم: أمك، قال: ثم من؟، قال: أمك، قال: ثم من؟ قال: أمك، قال: ثم من؟، قال: أبوك) صدق رسول الله صلى الله عليه وسلم.
الرسول موصينه بيها هي صاحبتي وحبيبتي وكل ناسي هي جنتي وروحي واليوم ندفن الجنه...
ما احس امي هي الي،فارقت الحياة لا والله احس الحياة كلها فارگتنة...
شفتها واكعه من طولها على وجهها تفاجئت انصدمت ما اعرف احساسي بذاك اليوم رجليه رجفت وجسمي كله ماات بلحضتها ..
ركضت عليها اكذب الواقع لزمتها وحاولت اديرها علئ ظهرها بس جانت ثكيله...
دنكت راسي واني ارعش من الخوف والقلق باوعت الوجهها اهتزيت من اعماق روحي
شفت عيونها مفتوحه بقوووة بحيث شرايين عيونها حمر و واضحه حييل وخشمها وينزف دم
همست بخوف ونحيب...يممممه !! يمه شبيييج ؟ يممممممه لج يمه حاجيني
صرخت بصوت عالي ...يمه فدووووه يمه حاجيني شبييج لاااا فدوه يمه ...
ضليت اضرب علئ وجههي بانهيار لزمت ايدها بارده مثل قالب الثلج و زرك ومشنجات مثل اليابسات...
حطيت ايدي علئ،صدرها واراقب جسمها يتحرك لو لا بس مجان الها اي حركه...
ضليت اصرخ بصوووت عالي،وابجي واعيط واركض منا ومنا واصيح...امييييي امي مااااتتت يا ناس ولك تميم سليم وينك امي ماتت...
ما اشوف اله ام بثينه مدت راسها من سياج السطح كالت برعب وقلق...شكووو قربه شكوووو شصاير شبيها امج احجي
رجعت ركض لامي،وإني اضرب بيها...امي ماتت امي ما تكعد فدوووه واحد منكم يجي فدوووه بلكي الله وتطلع عايشه ...
عفتها ونزلت اركض وكعت من الدرج ورغم تكسرت من وكعتي بس نار بصدري تسعر نستني كل الوجع نزلت البيت جان فارغ محد بي وموحش
طلعت اركض للشارع واصررخ...فدووه الحكووو امي متخربطه و واكعه بالسطح فدوووه واحد منكم يجي ينزلها...
شفت ام بثينه هي،وبثية وبنات عمو طلعن من بيتهم وهن يتصارخن ويصيحن...ماتت ام سليم
لزكت روحي بالحايط من هول الصدمه والخوف الدخل بصدري مجنت متوقعه امي تعوفني،بأول العمر...
لتمت العالم نسوان وزلم وصعدوا للسطح الزلم كال..جيبوو بطانيه لا حول ولا قوة لا بالله العلي العظيم...
اني مكدرت ابد اتحرك من مكاني وبثينه راحت تركض جابت بطانيه من النضده وصعدتها الهم...
ماكو دقايق ونزلو امي شايليها بالبطانيه من شفتها ملفوفه والزلم شايليها انرعبت وكعت علئ ركبي واصرخ بصوت عالي..ولج يممممممه يمه فدوووه لا تعوفيني،وحدي والله محد الي،غيرج
اجن جوارينه حضنني،كالن...لا تخافين لا تخافين مابيها شئ بيها نفس
باوعتلهن بدموع وحزن...لا تجذبن عليه والله...اني شفتها ميته امي،ماتت والله...
ام بثينه حضنتني،وجرت نفس وهي تبجي.. لا ما بيها شئ لا تخافين باعي اقفلي بيتكم وتعالي،وياي خليني اخابر من التيليفون الارضي علئ عمج فياض حتى يلم اخوته ونروح للمستشفئ...
بجيت بصوت ...ما اكدر والله احس اديه ماتت كولشي ما اكدر اسوي،والله
طلعتني وطلعت النسوان وقفلت البيت ورحت يمهم...
شويه واجه عمي،فياض وجهه مخطوف وعمي،ضيدان حاله بعد اتعس،منه...
ركضت عليهم وحجيت يتوسل...فدوه عمو امي شلونها ابوي واخواني،وين ...
عمي فياض تجاهل كلامي وحجه ويه ام بثينه كلها...ام بثينه روحي جيبي جنسية ام سليم وباقي المستمسكات..
بس عمي ضيدان رد عليه كال...ابوج واخوتج اجوو يم امج بالطب العدلي...
سالته بغصه ودموع...وامي شلونها؟
شتت نظره وتنهد كال...زينه زينه
ضليت متوترة وافرك باديه وابجي وادعيلها بهاي الاثناء دخل شرهان عيونه حمر و وجهه معصب خفت منه حييل حسيت امي ميته بس يجذبون عليه..
باوعلي وبلع ريگه ونظرة حزن بعيونه كال...قربى اني وامي وخالتي رايحيين لامج بالمستشفئ تمشيين ويانه
ركضت عليه ملهوفه وخايفه...اي اي اروح اخذني وياك فدووه
باوعلي جنت لابسه ملابس المدرسه وضافره شعري وحتئ بعدني بحذاء المدرسه كال...يله امشي بسرعه حتئ لا تبدلين
مشيت وراه همست بخوف...شرهان امي بيها شئ ؟
رد عليه بدون ما يباوعلي وبغصه...لاااا بس،هي صاعد ضغطها ونزف خشمها دم وصارت زينه...
لزمت ايده واستوقفته بخوف...بس اوكف تحجي صدك يعني امي حترجع لبيتها ما بيها شئ الله عليك
جر نفس وزفره ورد بارتباك...كتلج ما بيها شئ وترجع صدكيني...
رحت لسيارته لكيت عمتي ام شرهان وعمتي الثانيه كاعدات بالسياره ويبجن بس بهدوء مو بعياط لا عادي
كعدت يم عمتي ام محمد وهنه يبجن واني ابجي وقلقه حيييل وصلنه للطب العدلي ...
واشوف اخواني سليم وتميم وابويه يلطمون والعالم ملتمه عليهم اخواني مشگگين قمصانهم ويلطمون علئ روسهم...
من شفت منظرهم سيخ من نار دخل برجليه عبالك فتحت باب السياره بسرعه وركضت عليهم...
شفت التابوت مخلينه مقابيلهم ويلطمون وتميم يصيح...ولج يممممممه ولج ويين مغربببه
ضليت بس اباوعلهم مصدومه والدمعه تنزل و وراها جيوش من الدموع
حسيت بايد علئ كتفي وهو يهمس بحزن ...قربى هاي امج الي بالتابوت انا لله وانا اليه راجعون
باوعتله منهاره وصرخت بصوت....لااااااا لااااا مو امي يمممممه لاااا فدوووه والله لااااا ولج يمه فدووه اروحلج لا تسوووين هيج اكعدي فدوووه
حضني ابويه حييل حسيت تكسرت بحضنته وهو يصرخ...بووويه قربه بويه امج ماتت