البارت 15
رواية..ذنب عينيك ..سلالة العنفوان
منقوله لكاتبه..نور سمو العراق
💔💔💔💔💔💔💔💔
أنتِ خليتي الغصن بالروح يثمر گبل وكته
أنتِ رجعتي النفس لسنين ميتة،
أنتِ رجعتي الحنين
البلزغر عند أُمي شفته
.................................
قربى
تبلدت احاسيسي وتجمدت شراييني كلبي يرجف بكل قوة...
هيئة الضابط وضخامته وحدة شكله سبب عندي نوع من الهلع ...والرجفه الي اعتلت كل جسمي...
ضليت بحالة صدمة رجعتلي ذكريات من الماضي رجع كل شئ كدامي من اشوف الضباط والشرطه تتوقف عندي الحياة موت يدخل بكل جسمي
احساس مستحيل ماكو شخص مار بيه من خوفه او رعب يحس جسمه كله يموت والگلب ينخطف من الجسد...
فاروق جان يباوعلي مصدوم. واخيرا حس عليه وعرف المصيبه الي اني،بيها...
رجع سالني الضباط مره ثانية وبحده اكبر...مو دا اسالج شنو اسمج بابا ليش متحجين
حسيت بغواش علئ عيوني وارتطمت بالحايط من دون سابق انذار احس بيهم يركضون ويحجون ويايه بس لا افهم كلامهم ولا اشوف صورتهم واضحه
ميزت منهم بس فاروق من شالني وهو يحجي وياي...قربى
بعدها ما حسيت علئ شئ،وفعلا دخلت بعالم ما ينتمي العالمي ولا حسيت علئ،نفسي بعد...
...فاروق
ما جنت متوقع او انه نسيت ان قربى تعتبر معارضه للدوله جنت ناسي الموضوع كله او ما عايره اي اهمية
اصلا استغربت منها من ما انطت اسمها بله الجنسيه كلت اكيد ما جايبتها بس من سألها عن اسمها هي وجهه صار اصفر وتغير لونها...
لحظتها انه حسيت عليها ردت اصحح الموقف اكله اسمها حفصه حتئ لو اورط حفصه بس المشكله هي قربى وكعت مغمي عليها...
صارت ضجه من قبل الضباط والشرطه وانه همين انخبصت وياهم نزلت الها وضربتها علئ خدها احاول اصحيها صحت...قربى قربى يبا تسمعيني بس هي،جانت لا حياة لمن تنادي...
شلتها وركضت بيها وانه اصيح علئ الممرضات والدكتورات يجن يسعفنها اخذوها مني بالطوارئ
وضليت منتظرهم خفت عليها حييل وجهه انكلب لونه اصصصصفر عجيب والله
ولو خطيه هي تعبانه ضاله تنوح وتبجي وحده ومحد يطمنها وانوب ما نايمه ولا ماكله وجبتها من الغربية لهنا اكلت خوفه من هذا الضابط جنه رفش..
أنت تقرأ
سلالة العنفوان ..(ذنب عيناك)
General Fictionسجينةٌ هيَ ؛ تفرقت عن عائلتها مجبرة ، فأتخذها زوجةٌ محرمة ، ليجرفهما طوفان الظلم والطغيان ، ظلم جلاد قاتل استباح الحرمات وانتهك الاعراض وسفك الدماء البريئة من جهة ...!! و إعصار التعصب والتمسك بالقانون السائد للعائلة ، والذي يجبر الافراد على طاعة ال...
