سلالة العنفوان ..(ذنب عيناك)

الذنب العشرون

الذنب العشرون
رواية...ذنب عينيك ...سلالة العنفوان
م

نقول للكاتبه...نور سمو العراق

💔💔💔💔💔💔💔💔💔
حطمتني وكأنني لم أكن بقلبك يومًا ما 🌿
صار ساعه من نشرت البارت بس الضاهر اكو خلل وما طلع عند الكل
..........................
ماكو شئ يشافيني غير الزمن لازم تمر فد فترة زمنية وهاي الفتره هي كفيله ان تنسيني كل الي صار اليه...
اني مجروحه نفسيا ماكو علاج ولا اكو حقنه ولا كلام نفسي يريحك غير الزمن الزمن كفيل بالنسيان...
زين اني شلون انسئ او اتناسه وشرهان الكلب طلعلي من بين البساتين مثل الثعلب الماكر...
شمرت المنجل من ايدي ورجليه ترجف رجعت خطوتين وگلبي احس دخل بي سجين ضربته نصين..
عيوني حسيت انعاد عليهن شريط قديم هذا الشيطان هذا الكلب الي اتهمني بشرفي هذا الي كال لعبو بيج الضباط
هذا الي،جان بيوم من الايام يدور رضاي وباول ازمه لكيته حط بنت عمي بحضنه وطلگني...
هذا الي يخجل من وحده دخلت السجن مضلومه يخجل مني اكون زوجه اله ما اشرفه ...
جنت مركزة عليه ولهيب من نار متسعره بنص صدري اتمنئ اكطعه اضربه اسوي اشلاء
لحد الان ما انسه كلامه قربى اني وعدت امج وهي بالثلاجه كلتلها يا ام سليم نامي بأمان قربى امانتي وما تنهضم وهي عندي...
يرجع ينعاد عليه نفس الموقف...طلكتج من اول ما دخلتي السجن اني ما اتشرف بوحده عار مثلج ما اتشرف بوحده شبعو بيها الضباط...
حطيت ايدي علئ راسي بسبب الدوخه الي لزمتني حسيت حتقيئ ما إريد اشوفه...
هو تقدم خطوتين وبصوت حنين كال...قربى حبيبتي
رجعت خطوات و ركضت بسرعه راجعه لبيت بيبي ما اريد احجي وياه اللساني ما ينطق كلمة بوجوده
انخرست واني بالسجن جنت انتظره عبالي يدورني عبالي مقهور عليه
ما ادري بي هو الي ضرني واذاني جنت اخلق اله الف عذر وعذر واكول يمكن يدورني يمكن اعتقلوا شرهان يحبني مستحيل يعوفني بالسجن...
ركضت بين المزارع بسرعه مثل غزال و راكض وراها وحش مفترس اريد بس افر منه
هو يصيح وراي قربى انتظري قربى خلينه نحجي لازم تفهنين مني...
جنت اركض وتراودني احلامي حسيت هذا الموقف شايفته من زمان وهذا اليوم الصار اني حاضرته بحلم او يقضه
راح اجن راح اتخبل اشياء تصير وياي احس شايفتها..وحاضرتها واعرف شحيصير بعدين
واني اركض واشبخ المشاريب الي يجري بيها المي ويتطافر المي ويبللني واني اركض  اللتوت رجلي و وكعت صرخت بصوت عالي واني ابجي واشهك والشوك دخل برجلي وطخت بحجارة ضلت تنزف دم...
مو بس رجلي حتى ايدي واني دااوكع ع الكاع انسندت بكفوف اديه وانترس اشواك صفرة ناعمة بس تموت من الوجع وتخترق الجلد وتجلب بي وتدممت راحة ايدي
هو ما صدك شافني وكعت شفته انحنى عليه واني واكعة ع الكاع استوعب الصدمة وحايرة بآلامي ، دنك عليه ولزمني واحتضني بقووة ....
صررخت و دفعته واني مرعوبه ومنهاره وادفع بي وازحف على الارض جانت مبللة بمي السگي
بحيث ملابسي صارت كلها طين ومي  ورجلية اختلط الدم بالوحل...
لزمني وحاول يثبتني وحجه بلهفه وانهيار ودموع...قربى قربى بس افهميني والله احبج لا يمكن اتركج تركتج مجبور
جان مكرفص كدامي ويحجي ويرجف دفعته بقوة وكع علئ مشروب مال مي وراه  وتدمرت ملابسه...طين ومي ..
عدل نفسه بهمه ورجع اقترب مني لزم اديه من معاصمي بغضب عارم هزني بكل قوة وعيونه تخوف خازرني : ...قربى شلون تدفعيني اذبحج هسه انتي تخبلتي رسمي اني بعد ما الي شغل بأي واحد اني قررت ارجعج واحبسج بگلبي انفرادي محد تشاركج
من سمعته كال هاي الكلمة مدري شصار بيه
هالكلمة ظلت تررن بأذاني ويصير الها صدى يخربط دكات كلبي واحسها فاتت لعقلي مباشرة
تمتمت بخوف ورعب...انن نفرادي انفرادي هه
وشويه شويه فقدت اتزاني وصرخت :  لاااا لاااااا
باوعتله هذا مو شرهان لعد شرهان وين هذا سعيد سعيييد حبسني انفرادي سعيد يريد يغتصبني اكرههه
حضنت نفسي وغطيت رجليه بخوف والملم بملابسي علئ صدري...لاااا وخررر ما اريد انفرادي ما اريد تنفرد بيه ماااا ارييييد
صرخت بصوت...لازم اكتلك لازم انتقم منك اني من زمااان واني ادعي عليك تموووت حتئ اخلص منك ما اريد انفرادي ماااااريد
هجمت عليه بقسووة ولزمت عنقه بثنين اديه مثل بزونه متوحشه ودموعي تتطافر من عيوني
نبتت اضافري بعنقه واني اصرخ...مووووت موووووت اكرهككك يمه وخري منييي ...لا تضربني
هو جان يحاول يفتح أصابعي من عنقه بس ما كدر واني ما اعرف منين اجتني هاي القوة
بعدها ضربني براشدي حسيت اذاني اتمزقت وكعت علئ الجانب الثاني والدم نزل من خشمي ومن اذاني
عكسي نبت بالارض والارض بيها حجار مفتت ناشف لزك بجلدي وجرحني
على صوت الضجة والصياح ما اشوف اله الفلاحين اجتمعوا ويتراكضون وبيبي وخالو ومرته وبناته يركضون
كال واحد من الفلاحين...منا الصوت منا هاااي البنيه
شرهان تقرب مني ورفعني من خصري اني جسمي تعب وضربته جان قاسيه سببت عندي غثيان ونوع من الإغماء...
جنت مثل الجثه الهامده بين اديه يحركني يمين وشمال ..
اجت بيبي تركض كالت...يمه بنيتي،غربه يمه سوده عليه غروبه يده شجاج ...ولك شسويتلها مصخم الووويه شبيهاااا شبيهاااا يمه غرووبه حاجيني
والفلاحين وخالي لزمو شرهان ويدفعون بي ويضربون بي وهو يحلف الهم مو هو السبب وهو ابن عمتي وانصدمت من بين غثياني كلهم...هي زوجتي وآلله زوجتي...
واني أبن عمتها وهي تحبني واني احبها...
خالي رد عليه...موطلكتها شنو هالحجي هذا جاي تكوله هسه ولك اشايفنه غمان احنه احجييييي
جاوبه...باطل طلاك باطل مو صحيح لان مجان عن قناعه وبساعة عصبية..
هجمت عليه بيبي وهي تضرب بي وهي دكوله...ليش ضربتها يا نذل ما كفاكم البنيه يتيمه و وحيده ما كفاكم موت امها ما كفاكم ابوها واخوانها ما معروفين بيا ديره انتم شتردون من بنية بتي شتردون تردون تموتونها...عكب امها شتردووون
رد عليها بتوسل ...لاااا بس هي مرتي واني احبها وجاي اعتذر اني ما ضربتها بس هي تخبلت عليه وخنكتني اني دفاعا عن نفسي هيج سويت مو قصدي اضربها والله
خالي رد ...كافي فضايح امشونه للبيت وخلونه نتفاهم
واحد من الفلاحين سألوا خالي محتاج شي ابو عسل امرنا حاضرين
رد عليهم رحم الله والديك خووتي وما گصرتوا كلكم غيره
وحمية ربي يحفظكم لعوايلكم
كلمن علك مسحاته على جتفه وداروا ظهرهم ويمشون بس يتهامسون بيناتهم ...