سلالة العنفوان ..(ذنب عيناك)

البارت 19ج2

الذنب 19

الذنب...التاسع عشر
رواية...ذنب عينيك..سلالة العنفوان
منقوله لكاتبه...نور سمو العراق

💔💔💔💔💔💔💔💔💔💔

يأتي أحدهم، وكأنه يُنير في روحك ماكان مُظلما 🔥🤎

........................

فاروق...

من شفت سوزان مغمي عليها وبالعه اللسانها وكل عضلاتها مرتخيه ارتعبت احس كل اعضائي جمدت

بس حسيت بالمسؤولية تجاهه سوزان مو بس زوجتي سوزان زهرة حياتي...

ركضت عليها بسرعه هزيتها حجيت وياها صرخت بوجهها..ما جان الها اي رد فعل...

تقربت منها رجعت راسها للخلف ورفعت حنجاها ليفوك شويه خليت ابهامي جواه وضغطت عليه اريد افتح عندها مجرئ التنفس

جنت ارجف واضغط علئ اسفل حنجها واحجي وياها واضغط بهدوء وحذر سوزان حبيبتي سوزان يروحي ساعديني حاولي تتنفسين ...

ضلت تسحب نفس وتنازع بروحها البريئة وانه غلبني الحنين عليها احي روحي المختنكه مو سوزان

وكعت دمعتي علئ خدها وانه احاول اصحيها..شهكت من بين التقاطها الانفاسها وضلت تستعيد وعيها وتسحب نفس كحت بصعوبه

ميلتها علئ الحانب الثاني من جسمها وحطيت ايدي علئ ضهرها وامسح عليه بهدوء ردتها تتنفس اكثر...

لازم اسعفها لازم اخذها للمستشفئ...

مرة تقريبا تلث دقايق وهي صرخت بصوت عالي...فااااروووق فاررروق راح اموت

حضنته وبستها براسها حييل...لا لا لتخافين ما تموتين حبيبتي انتي لا تخافين ما بيج حاله طبيعية لكل انسان تصير...

شلتها بين اديه وطلعتها بره صعدتها بالسياره بعد ما غسلت الها تبللت تبلل بالماي...

رحنه علئ المستشفى وهي ترجف وتبجي وتنفسها ضعيف كوة تتنفس...

اخذوها سعفوها مني بالطوارئ حجيت ويه الدكتور كتله عن حالتها كال...خلينه نسوي الها فحوصات كاملة حتئ نشوف سبب الاصابه الاصلية...

ضلت روحي تحوم عليه وافرك باديه بتوتر...والحسره تاكل بروحي سوزان النسمه الهادئة هيج يصير بيها

ما اكدر اطمن نفسي عليها روحي ترجف عليها والدمعه ما نشفت من عيني انه مات ابوي كلت الله يرحمه شفت هواي سوالف تعبانه بحياتي بس جنت صابر وما اتذكر مره بجيت بس اليوم علئ سوزان دموعي المعانده وكعت وصارت العزيز الها رخيص

سوزان احسها طفلتي حبيبي عشيقتي بنيتي ما اعرف شنو اوصفها كلها رقه ما تغدش جنح الفراش