سلالة العنفوان ..(ذنب عيناك)

الذنب 14

الذنب الرابع عشر

رواية..ذنب عينيك سلالة العنفوان
منقوله لكاتبه...نور سمو العراق
💔💔💔💔💔💔💔💔
ﮔـلي ابياكتر عاشور ودة العيد
دنيانه انتهت ماتت هلاهلهه
...............................
الإنسان مو حجر ولا حيوان ولا نبات بس مجرد يتوفر اله هوا ومي حتئ يعيش...!!
لا الناس كتله من المشاعر والتفكير عقل وروح وقلب...عقل يفكر...روح تتعذب وقلب ينبض...
وهذا الي صار ويايه اليوم من اجينه ننضرب بلاندكروزر القديمه...
بسرعه داس بريك و وكف عاطت بي بيبي بغضب...ما تشوف انت ما تشوف جااا چسرتنه الله يچسرك كون...
رد عليها...العفو حجيه ما شفتج
انصدمت من شفته هذا اعرفه شايفته اي شايفته عرفت وين اي عرفت هذا الي اجه بالسجن
خليت ودرت وجهي بس هو ضل مركز عليه بيبي جاوبته...لا والله وانه ربحي بالعفوو ماتك « مالتك »
ضحك...هسه شتردين افصلج ؟ عمي تدللين افصل
كلتله...جااا جسرت بت بتي وابو فاضل يو طاكها يو طاخها طخ غير اسوي الدم للرچاب ..« للركاب »
رد عليها بنفس الضحكه...اخذها فصلية ولا يهمج
كلتله...ياااا وانه اطيها فص
سحبتها بقلق...امشي بيبي امشي لا تحجين وياه مو اعتذر كافي
مشينه وهو صاح علينه...بس شويه انتظري دلونه ببيتكم حتئ نجي نفصل ...والله جني اعرفكم
مشيت بسرعه واني اسحب بيبي ورجليه ترجف ما عولت اوصل للبيت...
دخلنه للبيت وتلكتنه عسيله...هااا يتن « اجيتن » غربو اكيد يبتي « جبتي » هدوم مصلخه اعرفنج هاي سوالفج
باوعتلها بنظرة عتب وعفتها ورحت دخلت للغرفه مال بيبي خليت الأغراض علئ صفحه وكعدت علئ الجربايه
سرحت بتفكيري...هذا اعرفه هذا الي اجه للسجن وانطه ضرف للنقيب اعتقد اسمه فاروق الي شكت منه حمزية سألني عن اسمي وعن عمري...
ياربي بس لا يطلع عار ويلحكنه ويعرف مكاني يمكن يسبب الي ضرر...
وكفت بتعب ...وين صرت يا سليم يا روح اختك وگلبه انت الوحيد الضليت من ريحة اهلي...
وين الكاك بيا مكان ..بجيت بوجع ...والله احس بعدني طفله بحاجة اهلي اريدد امي اريد ابويه اخواني اريد كل عائلتي گلبي نار
مدا ارتاح هنا ماكو بسبب بس ما اكدر اعيش بدون اهلي احسهم وطن وهل وطن انهدم ودمر
حسيت گلبي نااار حسيت روحي مثل الرماد ما باقي مني بس بقايا انثئ...اصد للنسوان وامي مو وياهن
اني الجنت مثل الفراشه الطايره بوجود امي واتباهه بروحي هسه احس مكصوص جناحي ولا اكدر اطير..
البنات امهن وياهن واني امي ماتت من صغري...
ما كدرت اتمالك نفسي صرخت بصوت عالي اطلع كل الي بداخلي..ليييييييييش ليييييييش ااااااااااه
اجت بيبي تركض هي ومرة خالو شافت الدموع ماليه وجهي واحس الاوتار الصوتيه تكطعت
حضنتي بيبي واني ارجف...يمه شبيج يمه سوده عليه غربة يمه شجاج ياهو وياج...بسم الله الرحمن الرحيم ..بسم الله يمه
مسحت علئ صدري وهي تقره ايات من القران
خطيه مرة خالو غسلت وجهي وهي تسمي وتهدء بيه هدئت من ثورتي ونحيبي شويه بس،جنت اشهك وكل شهكه احسها تكطع امعائي وشفايفي ترجف
بللت ملابسي من يم صدري و وجهي غسلته بحيث شعري لزك بوجهي جنت بس ارجف واباوع بالفراغ وهن يسألني ما اجاوب..
بيبي كالت...يمه غربه بعد يدتج شبيج مو تونه يينه من السوك و شريتلج التردينه ليش تبجين وتكطعين كلبي ..انه ما يهون عليه اشوفج بهل حال...
حطيت اديه علئ وجهي وبجيت بصوت عالي
حضنتني بيبي،وهي تبجي وياي ومرت خالي خطيه تمسح علئ صدري وكل شويه وكالت...غل اعوذ برب الفلغ...
عسيلة جانت واكفه بالباب كالت...يده خاف دخل بيه يني « جني »
امها عضت اصبعها وعكطعت عليها النعال اجه بالحايط..
عاطت بيها امها...امشي ولي امشي لا تراويني ويهج بنية ما تعرف تحجيلها كلمة بيها خير انه نبط جبدي منها علئ يوم اطكنها واكتلها...
بيبي ردت عليها...الله يهداج عوفيها ما تفهم
جلثوم بعصبية...شمالها ما تفهم مو هل تريدلها ريل بس هي هاي رعينه ...
رجعت باوعتلي وجرت نفس كالت..خاله حبيبتي انتي ضايجه اخذنج ونروح للخياطه هناك وناسه يمها..
مسحت دموعي...مقهورة علئ اهلي حيل ما عندهم حظ بهل دنيا واني مدا اكدر اعيش بدونهم
همست بعذاب...اني ابجي علئ منو علئ سليم علئ تميم علئ امي علئ ابويه عائلتي كلها راحت هدر ما اكدر استوعب اني فقدتهم كلهم بلحظه وحده...
تنهدت بحزن...سوده عليه الله يرحم امج ويرجع ابوج واخوتج بالسلامه...
كالت...هسه بس نتعشه نروح انه وياج للخياطه وتخيطلج ذيج لهدمه الحلوه...
وكفتني غسلت واجيت توضيت وصليت قريت شويه قران لحد الان تجيني مرات أتاتا بالكلام والهل شئ حيل يضوجني...
لان هاي عسيلة تصيح عليه الخرسه ولو هي ما خلت شئ ما گالته بحقي...العويه الخرسه ام السعف وليف
كملت قراءة قران ورجعت بذاكرتي واني اربط الخيوط...امي ليش ماتت وهي ما بيها شئ شلون اجتها الجلطه منو قهرها...
سليم ليش يكرهه بيت عمي وما يقبل ادخل الهم وشنو السر الي حجاه لامي وخلاها تخبلت
زين ليش من ابويه هد علئ عمي صارت مشاكل وبعدها اهلي انسجنو وسليم انهزم شنو السر ...
مرة عمي ليش مجنونه وفاقده عقلها وامي جانت دكول هي مجان بيها شئ...
تذكرت...اي اي تذكرت مره من المرات دخلت عليهم فجأة وصعدت فوك ادور علئ البنات...
شفت او تخيلي مرة عمي ضيدان هي وعمي فياض؟
ما ادري يارب هذا واقع او خيال...اتذكر نزلت اركض اركض من الدرج و وكفت افتريت بنص الصاله حسيت نفسي بدوامه...
هي واكفه وهو يهدد بيها وتالي حضنها وباسها ورفع ثوبها...
وكفت واني انفض هاي الافكار من بالي من كثر ما تراكمت عليه الاحداث حسيت مرات اتخييل
المشكلة مو هنا المشكلة اني من نزلت ودخت. خفت حييل حسيت نفسي اني الي جنت بوضع مخل عبالك اني المرتكبه جريمة مو هم...