လမ်းခွဲခြင်းကဟာသမဟုတ် (Myanmar translation)

Moisturizing

(Unicode)

(T/N: တရုတ်စာသိပ်မကျွမ်းတဲ့ ကို်ယ့်အမှားကြောင့် ပေါ်ယွီကို ပေါ်ရွှီလို့ ဆယ့်သုံးပိုင်းတိတိပြန်လာမိခဲ့ပါတယ် တောင်းပန်ပါတယ်ရှင် အခုအပိုင်းကစပြီး ပေါ်ယွီလို့ပဲပြန်ပါတော့မယ်နော်)

နှစ်နှစ်လောက်ပျောက်သွားပြီးမှ တစ်ဖန်ပြန်နာမည်ကြီးလာတဲ့ နောက်တစ်နေ့မှာတော့ ပေါ်ယွီက သူ့ရဲ့ ယောကျာ်းဆန်တဲ့ ဟော်မုန်းဓာတ်တွေကို သတိလက်လွတ် ထုတ်လွှတ်နေ၏။ရင့်ကျက်တဲ့ အမျိုးသားရဲ့ ညို့ဓာတ်က သူ့ပတ်ဝန်းကျင်မှာရှိတဲ့ အမျိုးသမီးတွေရဲ့ အာရုံကို ဆွဲဆောင်နေသည်။

မိတ်ကပ်ဆရာမငယ်လေး လုလုက သူ့သူငယ်ချင်းနားကို ကပ်သွားပြီး တိုးတိုးလေးပြောလိုက်တယ်
"ငါတို့ တစ်ရက်ပဲ မတွေ့လိုက်ရတာပါ သူ ဘာလို့ အဲ့လောက် ကလူတတ်လာတာလဲ?"

"သူက သိသိသာသာကို ဆွဲဆောင်မှုရှိပါတယ်ဟ ငါ့idolကို မစော်ကားနဲ့"
အဝေးကနေ ပေါ်ယွီရဲ့နောက်ကျောကို ချစ်မြတ်နို်းတဲ့ မျက်လုံးတွေနဲ့ ကြည့်နေတဲ့ မိန်းမငယ်လေးက မကျေနပ်တော့ပေ။

လုလု နှုတ်ခမ်းတစ်ဖက်တွန့်လိုက်ပြီး သူမက တကယ်ကို ငြီးငွေ့စရာကြီးလို့တောင် တွေးမိလိုက်၏။ပေါ်ယွီက ချောမောတဲ့ သရုပ်ဆောင်လေးတစ်ယောက်သာပင်။နှစ်ရှစ်ရာလောက် မတွေ့ဖူးတဲ့ ယောကျာ်းတစ်ယောက်ကို တွေ့ရသလိုမျိုး သူမက သူ့ကို နေ့တိုင်းလိုလို အရူးထနေတတ်ပြီး သူမ သူ့ကို ကြိုက်တာ တစ်ခြားသူတွေ သိသွားမှာကိုလည်း ကြောက်ရွံ့နေတတ်သေးတယ်။

ပြီးတော့ ပေါ်ယွီက သိပ်ချောနေတာလည်းမဟုတ်ဘူးလေ။သူမ ဘာလို့အဲ့လောက် သူ့ကို ရူးသွပ်နေမှန်း ငါ နားကိုမလည်တော့ဘူး။

ချောမောတဲ့အရှိန်အဝါတွေ ထုတ်လွှတ်နေတဲ့ ဆွဲဆောင်မှုရှိလှတဲ့ အမျိုးသားကတော့ သူ့ကိုကြည့်နေတဲ့  ရိုက်ကူးရေးအဖဲွဲ့ဝင် မိန်းမငယ်လေးရဲ့ မျက်လုံးတောက်တောက်တွေကို သတိမထားမိပေ။

မိန်းမဆိုးလေးတွေကို ဆွဲဆောင်နိုင်ထားတဲ့ ပေါ်ယွီက ဒါရိုက်တာဟုန်ဆီကို ဖြည်းညှင်းစွာ လျှောက်သွားပြီး ပြောလိုက်တယ်
"ဒါရိုက်တာဟုန် ဒီနေ့ ခင်ဗျား ဘယ်အခန်းကိုရိုက် မှာလဲ?"