A Forgotten Love[Completed]

A Forgotten Love-41

Unicode

//အထပ်ထပ်အခါခါပြောဖြစ်တဲ့စကား..
အဲ့တာဟာ ချစ်တယ်ဆိုလား//

Jakeတို့အား ပိုင့်မေမေက ထမင်းစားဖိတ်ထား
တော့ မီးဖိုချောင်ထဲ ဝင်စီမံနေသူကတော့ ပိုင်ပင်။
ကာလအပိုင်းအခြားတစ်ခု၌ မင်းပိုင်စိုးသူသည်
ဟင်းလည်းချက်တတ်နေခဲ့ပြီ။ရံဖန်ရံခါ ဂေဟာရှိ
ကလေးများ၊သူနာပြုဆရာမများနှင့် စေတနာ့
ဝန်ထမ်းများကိုလည်း သူကိုယ်တိုင်ပင် ဟင်းချက် ကျွေးတတ်သည်။

"ဟန်နီ ဒီမှာဟင်းလာမြည်းပေးပါဦး"

ငါးခေါင်းဟင်းချိုအနံ့မှာမူ အစာအိမ်ကိုပင်
ဆွဲဆောင်နေနိုင်သည်။ချက်ပြုတ်ပြီးနောက်တော့ ရှမ်းနံနံကိုလှီးကာ အိုးထဲသို့ထည့်မွှေလိုက်ရင်း ဟယ်ရီ့ကိုလည်း မြည်းကြည့်ခိုင်းရသည်။
ဇွန်းထဲမှ ဟင်းရည်ကိုမှုတ်ကာလည်း ဟယ်ရီ့အား
သူကိုယ်တိုင်ခွံ့တိုက်မိရသည်။

"ကောင်းလားဟင်..ဘာများလိုသေးလဲ"

"ဆားလေး နည်းနည်းလောက်ထပ်ထည့်ရင်
ပိုကောင်းမယ်။ပိုင် ရေသွားချိုးတော့..ငါ ထည့်
လိုက်မယ်"

"ချစ်တယ်နော်"

ဟယ်ရီ့ခါးသို့ဖက်တွယ်လာသော ပိုင်သည်ခပ်ချွဲ
ချွဲဟန်ဖြင့် ပြောနေတတ်တော့​၏။

သည်စကားတွေကိုပြောခွင့်ရရဖို့ သူဘယ်လောက် တောင်မှ စောင့်ဆိုင်းနေခဲ့ရပါသလဲ။ယခုတော့
ဟယ်ရီ့ကိုပင် သူအမြဲတမ်းပြောနေနိုင်ပြီဖြစ်သည့် အလျောက်တော့ ပြောခွင့်လည်းရနေပြီပင်။

ပိုင့်စကားကိုကြားတော့ ဟယ်ရီက အသာအယာ
ကလေးသာ ရယ်​၏။ခဲခရမ်းဖောက်ရောင် ဆံသား
ရှည်တို့အား စုစည်းထားဖြစ်တော့ အရှေ့ဆံပင်
အနည်းစုတို့က ကပိုကရိုလေးလည်း ကျနေသည်။

"ကိုယ့်ဟန်နီက ချောလာလိုက်တာ"

"ပိုပြီ.."

"မပိုပါဘူး ဟန်နီရာ..ကိုယ်တကယ်ပြောတာ။
ကိုယ်မင်းကို အများကြီးချစ်မိသွားတာ။
တကယ်လည်း ချစ်မိရော မင်းက ကိုယ့်ကို.."

"ဒီမယ် ငါပြောမယ် ပိုင်။
အတိတ်တွေနဲ့ပတ်သက်လာရင် ပိုင့်ကို
ခွင့်မလွှတ်ဘူး။ဒါပေမဲ့ အတိတ်တွေကို
ပြန်မတူးဆွဘူး။မင်းလည်း ဒါတွေကို
ပြန်မတွေးနဲ့၊ပြန်မပြောနဲ့။နာကျင်ရတာမျိုး
တွေနဲ့ ကိုယ့်ကိုယ်ကို ထပ်ပြီးမညှဉ်းဆဲနဲ့ပိုင်။
ငါ့စကားကိုနားထောင်ပါ။