ထိထိတစ်ယောက် အသည်းကြီးခိုင်းတဲ့ဆီမသွားခင် လမ်းမှာ အကိတ်လေးကိုသွားရည်ကျနေသည်။သူ့လည်းအပြစ်မဆိုနိုင်ပါလေ.. လူဆိုတာ လောဘနဲ့မကင်းဘူးမလား။
"ပေါင်တံလေးကစင်းပြီး ရင်လေးကမောက်နေတာပဲ ဒီနေ့တော့မင်းကိုငွေကြေးနဲ့ သိမ်းပိုက်ရတော့မယ်
အစ်ကိုရေ ကြက်ကြော် နှစ်ထောင်ဖိုးလောက်"
မြူ အမြင်ကတ်ကတ်နဲ့ ငတ်ကြီးကျနေတဲ့ကောင်ကို Tissueလှမ်းပစ်ပေးလိုက်သည်။
"သွားသိမ်း ဟေ့ကောင်...
ကလေးလည်းမဟုတ်ဘဲ သွားရည်က တတောက်တောက်.. မင်းကို ဟိုဘဲကြီးမကြိုက်တာလည်းမပြောနဲ့။တစ်စက်ကလေးမှကိုကြိုက်ချင်စရာမရှိတာ"ထိထိ ခါးထောက်ကြည့်ပစ်လိုက်သည်။ဒီဂေါ်မစွံကောင်ဟာလေ..သူမစွံတိုင်းသူများကိုပတ်ရမ်းနေတာ..
"မင်းမှာရော.. ငါ့လိုချစ်ချစ်ကြီးရှိလား
ဘယ်ရှိမလဲ။ တစ်နေ့ တစ်နေ့သူများအကြောင်းပဲစပ်စုနေတာကိုး။ ငါတို့မင်္ဂလာဆောင်ကျရင် မင်းကိုမဖိတ်ဘူး သိလား မြူခိုးစုတ်...""မဖိတ်လည်းနေ..လက်ဖွဲ့ဖိုးသက်သာတယ်။ ပြီးတော့ ... မင်းအပြောကြီးမနေနဲ့ဦး။ ဟိုဘိုးတော်က သူ့အခြေအနေနဲ့ အတည်ယူပါ့မလား။စဥ်းစားနော်"
သူငယ်ချင်းအချင်းချင်းမို့ အတည်စိတ်ပူ၍သတိပေးမှန်းသိသော်လည်း အခုတစ်ခါမြူပြောလိုက်သောစကားကထိထိရင်ထဲသံမှိုရိုက်သွင်းသလိုနစ်ဝင်သွားသည်။
"ငထိဘာစားမလဲ။ ရင်ပုံလား ပေါင်လား ငါ့တစ်ချောင်းကျွေးဦး။ ငထိ..."
ကြက်ကြော်ရပြီမို့ လှမ်းမေးတာတောင်မဖြေ။ မျက်နှာဖြူဖြူကပြာနှမ်းပြီးမြူ့ကိုတစ်ချက်ကြည့်ကာလှည့်ထွက်သွားသည်မို့ပိုက်ဆံရှင်းပြီးပြေးလိုက်ရသည်။
"ဒီကောင် ဘာဖြစ်သွားတာလဲဟ.."
ထိထိအတွေးထဲမှာတော့ Bossက သူ့ကိုမလိုအပ်တော့ရင်ကန်ထုတ်မလားဟုစိုးရိမ်နေမိသည်။
"မဖြစ်နိုင်ပါဘူး။ ထိထိလေးကဒီလောက်ချစ်ဖို့ကောင်းတာ.. အလိုလိုနေရင်းတောင် ကိုယ်ရောင်ကိုယ်ဝါတောက်နေလို့ သိကြားမင်းနဲ့မှားနိုင်သေးတယ်။ Bossကမျက်လုံးမကန်းရင်တော့ ငါ့ကိုချစ်မှာပါ။ ဟုတ်တယ် ငါ့ကိုချစ်မှာ
အဟင့် ဒီအရည်တွေကဘာလို့မျက်လုံးထဲကထွက်လာတာလဲ။ပြန်ဝင်စမ်း"
YOU ARE READING
ငါ့ယောကျာ်းက girl allergicရှိတယ်(Completed)
HumorAbout a guy who has WomenPhobia. Girl Allergic person. (Unicode & Zawgyi)