ထိထိလေးတစ်ယောက် Crushကြီးအိမ်ပေါ်တက်ရတော့မှာမို့ အထုပ်တွေပြင်ရင်းလေလေးတချွန်ချွန်..
ဥစ္စာပေါ ရုပ်ချော အရှုပ်အရှင်းကင်းတဲ့ အစ်ကိုကြီးက ခခယယ ထိထိလေးမှ ထိထိလေးဖြစ်နေပြီး အိမ်လာနေပေးခိုင်းတော့လည်း ထိထိတို့ဘယ်မူနိုင်မလဲ။ အချစ်နဲ့စစ်မှာ မူနေရင် အကုန်ရှုံးသွားလိမ့်မယ်။ ထိထိတို့က Bossလိုအရွယ်လွန်မခံနိုင်ပေါင်။
မြူက ထိထိဆီမှာအိပ်တာမို့ အခုထိထိအထုပ်သိမ်းတာမြင်တော့ တစ်မျိုးတွေးပြီးလန့်နေသည်။
"ငထိ မင်းမာမီက အိမ်ပေါ်ကနှင်ချလိုက်ပြီလား။ အခု ဘယ်ဘုန်းကြီးကျောင်းသွားနေမလို့လဲ။"
ထိထိ ပေါက်ကရပြောနေတဲ့ကောင်ကိုရှုတည်တည်လှည့်ကြည့်ပြီး မျက်စောင်းထိုးလိုက်သည်။
"ငါက ဘာကိစ္စဘုန်းကြီးကျောင်းသွားရမှာလဲ။ သွားချင်းသွား မင်းသွားရမှာ..
ထိထိတို့ကယောကျာ်းယူဦးမှာမို့ ဘုန်းကြီးမဝတ်နိုင်သေးဘူး။"မြူမျက်ခုံးပင့်ပြီး ငထိအနောက်လှည့်သွားတာနဲ့ ခြေထောက်နဲ့ပိတ်ကန်ဖို့ရွယ်လိုက်သည်။
"မင်းလမ်းမလျှောက်ချင်တော့ဘူးထင်တယ်။ ချိုးပေးရမလား။ ဒီအမြင့်ကကန်ချလိုက်ရင် ကတ္တရာပေါ်ကျတာနဲ့ အနည်းဆုံး နံရိုးသုံးချောင်းပဲ ငါ့ကောင်"
ထိထိ လက်စွမ်းကြီး သတိရသွားပြီး မြူခြေထောက်လေးပြန်ရုတ်လိုက်ရသည်။
"သားကြီးကလည်းကွာ ငါကချစ်လို့စတာကို
အကင်းကလည်းပါးချက်
ဘယ်လိုမြင်လဲမသိဘူး။""ငါ့ကိုမချစ်နဲ့။ ငါ့မှာချစ်ရမယ့် Bossရှိတယ်။ဘာနဲ့မြင်လဲဆို ငါ့ရဲ့နောက်စေ့က Seventh Sense မြင်ရလို့မင်းမဟုတ်တာကြံရင်ချက်ချင်းသိတယ်။"
အိတ်ကိုဇစ်ဖွင့်ရင်း ပါးစပ်ကလည်းမရပ်မနားပေါက်ပေါက်ဖောက်သည်။ညအိပ်သွားနေမှာမို့လို့ပဲ။ထည့်လိုက်တဲ့အဝတ်ပေါင်းက သောင်းခြောက်ထောင်။
မြူ မျက်နှာလေးရှုံ့မဲ့သွားသည်။ ငထိသည် စကားစစ်ထိုးပွဲဝင်ပြိုင်လျှင် ပထမရမှာသေချာသည်။
YOU ARE READING
ငါ့ယောကျာ်းက girl allergicရှိတယ်(Completed)
HumorAbout a guy who has WomenPhobia. Girl Allergic person. (Unicode & Zawgyi)