Unicode
~~~~~~~"ဟုတ်ကဲ့ တွေ့ရတာဝမ်းသာပါတယ်ဗျာ။"
သိပ်မကြာလိုက် အဲ့ဒီခပ်ပေပေမျက်နှာလေးက
လူကြီးတွေဘက်ကိုပြန်လှည့်သွားပြီး
ပါလေးတွေချိုင့်ဝင်သွားတဲ့အထိ
ပြုံးရယ်ရင်းပြောလိုက်တာကို ကြည့်ပြီး 'သိင်္ခ'လဲ
မသိမသာနှာခေါင်းရှုံ့မိသွားတယ်။"ဒေါ်ဒေါ်တို့လဲဝမ်းသာပါတယ်ကွယ်
နှစ်ယောက်လုံးကလူချောလေးတွေပါလား။ "'ဒေါ်ရွှေဇင်ညိမ်း'တစ်ယောက်
ကလေးလေးလို ပါးချိုင့်တွေပေါ်
တဲ့အထိပြုံးပြလာတဲ့ ကောင်ငယ်လေးကိုငေးခနဲ
ဖြစ်သွားတယ်။"အဟဲ....ဒေါ်ဒေါ်လဲအတူတူပါပဲဗျာ။ "
မြို့ကလူတွေက ထင်သလောက်သဘောမဆိုးကြဘူးဗျ။ကျုပ်က မြို့ကြီးသူ၊ မြို့ကြီးသားတွေဆိုတော့
ကိန်းကြီးခန်းကြီးနိုင်မယ် မှတ်တာ။
ကျုပ်တို့နှစ်ယောက်ကို ပြန်မြှောက်နေလို့
ကျုပ်ခင်ဗျာ မျက်နှာကြီးတောင်ပူလာပါရောဗျာ။"သျှောင်ထုံးလေးကို ကိုင်ကြည့်လို့ရမလား။"
"ဗျာ....! "
'သိင်္ခ' လဲ မိမိကိုအဖတ်မလုပ်တဲ့
ကောင်ငယ်လေးဘေးမှာ
တမင် ၀င်ထိုင်ပြီးမေးလိုက်တယ်။
တစ်စုံတစ်ခုကို အံသြသွားတိုင်း
၀င့်ခနဲ ဖြစ်သွားတဲ့ မျက်လုံးရွဲကြီးတွေက
သူ့ရင်ဘက်ကို ငှက်မွှေး
လေးတွေနဲ့တို့ထိကျီစယ်နေသလိုပဲ။ကျုပ်ဖြင့်ဘာပြောရမှန်းတောင်မသိတော့ပါဘူးဗျာ။ 'ဗညားသိင်္ခ' ဆိုတဲ့လူက ကျုပ်သျှောင်ကို ကိုင်ချင်လို့တဲ့။မသိရင် ကျုပ်ကပြတိုက်ထဲက ထွက်လာတဲ့သူကျနေတာပဲ။ ဘ၀မှာ သျှောင်ထုံးကို ကျုပ်အမ ကလွဲပြီး ဘယ်သူ့ကိုမှ ပေးကိုင်ဖူးတာမဟုတ်ဘူး။ ဒီလူကိုကျုပ်ကပေးကိုင်စရာလား။
YOU ARE READING
"Dear Kyauk Khal"(Complete)
Romance၁၉၃၀ ခုနှစ်ကျော်ဝန်းကျင်အားပြန်လည်ပုံဖော်ထားသော အချစ်ဇတ်လမ်းတစ်ပုဒ်ဖြစ်၏။ မှတ်ချက် =[Role Sensitive သမားတွေအနေနဲ့အစပိုင်းမှာ role မကွဲနိုင်တာကြောင့် ရှောင်သှားလို့ရပါတယ်။ ] ~~~~~~~~~~~~~~~~~~~~~~~~~~~~ ၁၉၃၀ ခုႏွစ္ေက်ာ္ဝန္းက်င္အားျပန္လည္ပုံေဖာ္ထားေသာ...